BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

ඉන්දුනීසියානු මගී ගුවන් යානයක් අතුරුදහන් : සුන්බුන් හමු වේ

ඉන්දුනීසියාවේ අභ්‍යන්තර ගුවන් ගමනක යෙදී සිටි බෝයිං 737-500 වර්ගයේ ගුවන් යානය, අතුරුදන් වූ අතර, මේ වන විට මුහුදෙන් සුන්බුන් හමු වෙමින් තිබේ.

Sriwijaya ගුවන් සේවාවට අයත් SJ 182 නමැති මෙම ගුවන් යානය ජකර්තා අගනුවර සිට බෝර්නියෝ දූපත් බලා පියාසර කරමින් සිටියේය. විනාඩියක් ඇතුළත එය අඩි 10,000 ක් පහළට කඩා වැටී ඇති අතර, ඉන්පසු සියලු සම්බන්ධතා ගිලිහී ගොස් තිබේ. මෙසේ සිදුවී තිබෙන්නේ යානය ගුවන් ගත කර විනාඩි 4කට පමණ පසුව ය.

මේ වන විට ගළවා ගැනීමේ මෙහෙයුම් ක්‍රියාත්මක අතර, ජකර්තාව අවට තවුසන්ඩ් අයිලන්ඩ්ස් ආශ්‍රිත මුහුදෙන් ලෝහමය සුන්බුන් කැබලි හමු වෙමින් තිබේ. ඒවායේ අනන්‍යතාවය සනාථ කර නැතත්, විශ්වාස කෙරෙන්නේ ඒවා මෙම ගුවන් යානයේ කොටස් බවයි.

Sky News

මෙම යානයේ ගුවන් සේවකයන් ඇතුළු 62 දෙනෙකු සිටියෝය. එයින් දස දෙනෙක් දරුවන් වූ බව වාර්තා වේ.

ජකර්තාවේ සිට පොන්ටියානක් (බෝර්නියෝ දූපත්) වෙත ගමන් ගන්නා ගුවන් යානාවක් වැඩි වශයෙන්ම ගමන් ගත යුත්තේ ජාවා මුහුදට ඉහළිනි. එය විනාඩි 90 ක ගමනකි. සිරිවිජය ගුවන් සේවාව ඉන්දුනීසියාවේ බජට් ගුවන් සේවාවක් වන අතර, විශාල ඩිස්කවුන්ට් ලබාදෙන බවට ද ප්‍රකට ය. එය අන්තර්ජාතික ගමනාන්ත බලා ද පියාසර කරයි.

ඉන්දුනීසියාවේ ගුවන් අනතුරු

ලෝකයේ විශාලතම කොදෙව් රාජ්‍යය වන ඉන්දුනීසියාවේ ජීවත් වන මිලියන 260 ක ජනතාව අතරින් බොහෝ අය අභ්‍යන්තර ගමන් සඳහා ගුවන් යානා භාවිතා කරති.

සුමාත්‍රා දිවයින අසලදී 1997 වසරේදී ගරුඩා ගුවන් යානය කඩා වැටීම ඉන්දුනීසියාව මෙතෙක් මුහුණ දී ඇති විශාලතම ගුවන් අනතුර වන අතර, එහිදී 234 දෙනෙක් මරණයට පත් වූහ.

ඉන්දුනීසියාවෙන් මෑත භාගයේ ගුවන් යානා අනතුරු ගණනාවක් වාර්තා විය. වඩාත්ම මෑතකදී සිදුවූ ‘ලයන් එයා‘ වර්ගයේ Lion Air 737 MAX ගුවන් යානය ජාවා මුහුදට කඩා වැටුණේ ද මේ අන්දමින්ම ජකර්තාවෙන් අහසට නංවා විනාඩි කිහිපයක් ඇතුළත ය. එහිදී එහි ගමන් ගත් 189 දෙනාම මරණයට පත් වූහ. අනතුරුව බෝයිං මැක්ස් වර්ගයේ ගුවන් යානාවල ආරක්ෂාව සම්බන්ධයෙන් ද විශාල කතාබහක් ඇති විය. මේ අතර, 2014 දෙසැම්බරයේදී සුරබයා ගුවන් තොටුපොළේ සිට සිංගප්පූරුව බලා ගමන් ගනිමින් තිබූ එයා ඒෂියා වර්ගයේ ගුවන් යානාවක් ද එහි ගමන් ගත් 162 දෙනා සමග කඩා වැටුණේය.

ප්‍රධාන ඡායාරූපය  – අතුරුදන් වූ SJ 182 යානය

Photos: Sky News

 


ලොව භයානකම මැල්වෙයාර් යෙදුම අක්‍රිය කිරීමට සමත් වෙයි!

ටෝකියෝවලට බැරිනං ඔලිම්පික් උළෙල අපිට දෙන්න – ඇමරිකාවේ ෆ්ලොරිඩා ප්‍රාන්තයෙන් ඉල්ලීමක්

ඉතාලි අග්‍රාමාත්‍යවරයා ඉල්ලා අස්වෙයි!

ඇමරිකාවේ සංක්‍රාන්ති සමාජභාවී පුද්ගලයින් ට පනවා තිබූ හමුදා තහනම ඉවතට!

බ්‍රිතාන්‍යයේ කොවිඩ් මරණ ලක්ෂය ඉක්මවයි – දින 76 කින් මරණ සංඛ්‍යාව දෙගුණ වෙලා!

යුධ අපරාධ සැකකරුවා අන්තර්ජාතික අපරාධ අධිකරණයට භාර දෙයි

ඊශ්‍රායලයේ කම්කරු පක්ෂය “දූෂිත” රජයෙන් ඉවත් වීමේ තීරණයක

වසර පහකට පසු වියට්නාමයේ ජාතික කොංග්‍රසය කැඳවයි!

error: Content is protected !!
error: Content is protected !!