BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

ඉරානයේ ලේවැකි නොවැම්බරය;ආරක්ෂක අංශ දුම්රිය ස්ථානයකදී කාන්තාවන්ට වෙඩිතබා පහර දේ. පුද්ගලයන් 6 දෙනෙක් මරුට

මහ්සා අමීනිගේ මරණයත් සමඟ ආරම්භ වූ විරෝධතාවයන් මේ වන විට තුන්වන මාසයටත් එළඹ තිබේ.

ඉරානයේ ආරක්ෂක අංශ විසින් ටෙහෙරානයේ මෙට්‍රෝ දුම්රිය පොළකදී හිස්වැසුම් නොපැළඳ සිටි කාන්තාවන්ට වෙඩි තබමින් බැටන් පොලු වලින් පහර දී ඇති බව වාර්තා වේ.


මේ වන විට සමාජ මාධ්‍ය හරහා සංසරණය වන වීඩියෝ දර්ශනවන දැක්වෙන්නේ ජනාකීර්ණ වේදිකාවකට පොලිසිය වෙඩි තැබීමෙන් පසු බිම වැටී ඇති බොහෝ දෙනෙකු පාගාදමන ආකාරයයි. මගීන් පිටවීම් දෙසට දිව යන අතර මැදිරි හරහා ගමන් කරන පොලීසිය කාන්තාවන්ට බැටන්පොලු වලින් පහර දෙනු දක්නට ලැබේ. ඉරානයේ මෙට්‍රෝ දුම්රිය සහ පොදු ප්‍රවාහනය බොහෝ විට සදාචාර පොලිසිය විසින් මුර සංචාරයේ යෙදෙන අතර ඒජන්සි ප්‍රංශ-ප්‍රෙස් වාර්තා කළේ එක රැයකින් රට පුරා ඇති වූ ගැටුම්වලින් පුද්ගලයන් හය දෙනෙකු මිය ගිය බවයි.


සිදුවීමෙන් අනතුරුව “අපි සටන් කරන්නෙමු! අපි මැරෙමු! අපි ඉරානය ආපසු ගන්නෙමු! ලෙස විරෝධතාකරුවන් දුසිම් ගනනක් ටෙහෙරාන් වීදියක හා මෙට්‍රෝ දුම්රිය පොළෙහි හිස් වැසුම්වලට ගිනි තබමින් ගායනා කරමින් සිය විරෝධය දක්වන අයුරුද දකනට ලැබිණි. මේලෙස මහ්සා අමීනිගේ මරණයත් සමඟ ආරම්භ වූ විරෝධතාවයන් මේ වන විට තුන්වන මාසයටත් එළඹ තිබේ.

ඔස්ලෝ පදනම් කරගත් ඉරාන මානව හිමිකම් (IHR) කණ්ඩායමට අනුව මාස දෙකක විරෝධතා හේතුවෙන් 300 කට වැඩි පිරිසක් ආරක්ෂක හමුදා විසින් මරා දමා ඇත. පුද්ගලයන් 15,000ක් අත්අඩංගුවට ගෙන ඇති බව එම සංවිධානය පවසන අතර එය ඉරාන බලධාරීන් ප්‍රතික්ෂේප කර ඇත.

සශිකලා මධුෂාණී_


‘Strep A’ නව බැක්ටීරියා ආසාදනය වීමක් හේතුවෙන් එක්සත් රාජධානියේ ළමුන් හය දෙනෙකු මිය යයි.

ප්‍රචණ්ඩත්වය වැපිරීම හා උසිගැන්වීම සම්බන්ධයෙන් මස්ක් කන්යේ වෙස්ට්ගේ ටුවිටර් ගිණුම අත්හිටුවයි.

එක්සත් ජනපදය පකිස්ථාන සන්නද්ධ කණ්ඩායම් සාමාජිකයන් ‘ත්‍රස්තවාදීන්’ ලෙස නම් කරයි

චීනය, මාධ්‍ය සඳහා වන ප්‍රවේශය වාරණය කරයි

ස්පාඤ්ඤයට එරෙහි පාපන්දු සටනේ ජය ජපානයට.

නිව් යෝර්ක් සහ සිංගප්පූරුව ලෝකයේ ජීවන වියදම් ඉහළම නගර ලැයිස්තුවේ ඉහලින්ම

කෲර යුද්ධයෙන් අවතැන් වූ යුක්රේනයට සහාය දැක්වීමට එක්සත් ජනපදය සහ ප්‍රංශය ප්‍රතිඥා දේ.

ඇෆ්ගනිස්ථානයේ පාසල් බෝම්බ ප්‍රහාරයකින් 15 දෙනෙකු මියගොස් 20 දෙනෙකුට තුවාල

error: Content is protected !!
error: Content is protected !!