BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

කෂෝගි ඝාතනයට අණ දුන්නේ සෞදි කුමරු – සම්පූර්ණ වාර්තාව ලබන සතියේ එළියට !

ලෝකය පුරා මහත් ආන්දෝලනයක් ඇති කළ ජමාල් කෂෝගි ඝාතනය සඳහා අණ දුන්නේ සෞදි අරාබි රාජ්‍යයේ පාලකයා වන සෞදි කුමරු මුහම්මද් බින් සල්මාන් බවට හෙළිදරව් වේ.

මේ බව සාක්ෂි ද සමග සනාථ වන්නේ ඇමරිකා එක්සත් ජනපදය විසින් එළිදක්වා තිබෙන බුද්ධි වාර්තාවකිනි.

මේ සමගම ඇමරිකානු සෞදි සබඳතා මහත් ආතතියකට ලක්ව ඇති අතර ඇමරිකානු ජනපති ජෝ බයිඩන් ප්‍රකාශ කරන්නේ ඔටුන්න හිමි මුහම්මද් බින් සල්මාන් ව වගවීමට හසු කර ගැනීමට තමන් ක්‍රියා කරන බවයි.

රහස් වාර්තාවක් ලෙස මෙය මුලින් හැඳින්වූවත් දැන් තීරණය වී තිබෙන්නේ ලබන සතියේදී සම්පූර්ණ වාර්තාවම එළිදැක්වීමට ය. එමගින්, ලෝකයේ කිසිදු රාජ්‍යයකට බරපතළ මානව හිමිකම් කඩ කළ විට වගවීමෙන් බැහැර විය නොහැකි බව අවධාරණය වීම ද සිදු වේ.

දැනට නිකුත් කර තිබෙන සාරාංශගත වාර්තාවට අනුව 59 හැවිරිදි ජමාල් කෂෝගි ඇමරිකාවේ වොෂින්ටන් පෝස්ට් පුවත්පත හරහා දිගින් දිගටම සිය මව්රට වන සෞදි අරාබිය සහ එහි පාලනයට එරෙහිව විසම්මුතික අදහස් පළ කිරීම තුළින් ඔහු සෞදි රජයේ ඉලක්කයක් බවට පත් ව තිබේ. ඇමරිකානු බුද්ධි අංශ අවධාරණය කරන්නේ මුහම්මද් බින් කුමරුගෙන් අනුදැනුමකින් තොරව ඔහු ඝාතනයට ලක් වීම සිදුවිය නොහැකි බවයි. මෙම ඝාතනය සඳහා සෞදි කුමරුගේ සෘජු අධීක්ෂණය යටතේ තිබෙන ‘කිල් ස්කොඩ්‘ හෙවත් ‘ඝාතන බලඇණිය‘ක 15 දෙනෙක් කෂෝගි දඩයම වෙනුවෙන් තුර්කියට පැමිණ ඇති බව ද හෙළිදරව් වේ. ඔවුන් එසේ පැමිණ තිබෙන්නේ පුද්ගලික ජෙට් යානා දෙකකින් බවට සෞදි බුද්ධි අංශ නිලධාරියෙකුට එරෙහිව කැනඩා අධිකරණයක පැවරූ නඩුවක වාර්තාවේ සඳහන් වන රහසිගත තොරතුරක් වෙත ද මෙහිදී ඇමරිකානු බුද්ධි අංශවල අවධානය යොමු ව තිබේ.

2018 ඔක්තෝබර් 2 වැනිදා සෞදි තානාපති කාර්යාලය තුළට කෂෝගි යන්නේ සිය සහකාරිය සමග විවාහ වීම සඳහා අදාළ ලියකියවිලි සකස් කර ගැනීමට ය. නමුත් ඔහු නැවත නොආවේය. තානාපති කාර්යාලය තුලදීම ඔහුට අමානුෂික ලෙස පහර දී ඝාතනය කර තිබිණි.

මිය යන විට ඇමරිකාවේ පදිංචි කරුවෙකු වශයෙන් ඔහු වොෂින්ටන් පෝස්ට් පුවත්පතට අමතරව අල්-ඇරෑබ් නිව්ස් හි ප්‍රධාන කතුවරයා වශයෙන් ද සේවය කරමින් සිටියේය.


බොරිස් ජොන්සන් ගේ ‘ක්‍රියාත්මක වන/නොවන’ කන්වර්ෂන් තෙරපි තහනම!

ටේසරය වෙනුවට පිස්තෝලය ඇද කළු ජාතික තරුණයාට වෙඩි තැබූ පොලිස් නිලධාරිනිය ඉල්ලා අස් වුණත් උද්ඝෝෂණ දිගටම

සූවස් ඇළ හිර කළ එවර්ගිවන් නෞකාව ඊජිප්තුව ග්‍රහණයට ගනියි – ඩොලර් මිලියන 900 ක වන්දියකුත් ඉල්ලයි

රාමසානයට ලහිලහියේ සූදානම් වන පකිස්තාන සන්නාලියා

සුද්දා අපෙන් කොපි කළා ද, අපි සුද්දා ගෙන් කොපි කළා ද? දේශසීමා බිඳගෙන යන පොලිස් සාපය

මියැන්මාරයේ තවත් සිවිල් වැසියන් 80 ක් හමුදා වෙඩි තැබීමෙන් මරුට

පිලිප් කුමරු : පිටුවහලෙක්, අවුරුදු 99 ක්, රටවල් 143 ක් සහ එක ප්‍රසිද්ධ බිරිඳක්!

ටයිගර් වුඩ්ස් තිරිංගය වෙනුවට ඇක්සලරේටරය පාගලා – 45 වෙනුවට 87ට ගිහින්!

error: Content is protected !!
error: Content is protected !!