BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

ගැහැණියගේ සිරුරේ අයිතිය ඇමරිකානු ශ්‍රේෂ්ඨාධිකරණය උදුරා ගනියි.

සර්ව කාලීන සාධාරණ ලෝකයක ඉපදීමේ දෙවියන් වහන්සේගේ කැමැත්ත ඇමරිකානු ශ්‍රේෂ්ඨාධිකරණය අනුමත කර ඇත. මේ අනුව දශක පහකට ආසන්න කාලයක් ගබ්සා කිරීමේ නිදහස කාන්තාවට ලබා දුන් Roe v Wade ශ්‍රේෂ්ඨාධිකරණය විසින් අවලංගු කොට තිබේ.

සර්ව කාලීන සාධාරණ ලෝකයක දරුවන් ඉපදිය යුතුය. ශුද්ධවත් ජීවිතය කෙලසීමට පිළිසිඳ ගත් මොහොතේදී පවා අයිතියක් නොමැත. දෙවියන් වහන්සේගේ සැලැස්ම අනුව දරුවන්ගේ ඉපදීම වැලැක්විය නොහැක. එම සර්ව කාලීන සාධාරණ ලෝකයක ඉපදීමේ දෙවියන් වහන්සේගේ කැමැත්ත ඇමරිකානු ශ්‍රේෂ්ඨාධිකරණය අනුමත කර ඇත. මේ අනුව දශක පහකට ආසන්න කාලයක් ගබ්සා කිරීමේ නිදහස කාන්තාවට ලබා දුන් Roe v Wade ශ්‍රේෂ්ඨාධිකරණය විසින් අවලංගු කොට තිබේ. ආණ්ඩුක්‍රම ව්‍යවස්ථාව ගබ්සා කිරීමට අයිතියක් ලබා නොදෙන බවට තීන්දු කරමින් බහුතර බලයෙන් බල ගැන්වුණු විනිසුරුවරු 6-3ක් මේ වෙනුවෙන් පක්ෂව සිය ඡන්දය භාවිතා කර ඇත.

Roe v Wade අවලංගු කරන බවට අඟවන මතයක් පසුගිය මාසය තුළ ව්‍යාප්ත වීමත් සමඟ මිලියන සංඛ්‍යාත කාන්තාවන්හට ගබ්සා කිරීමේ සේවා සඳහා තවදුරටත් ප්‍රවේශය නොමැති බව ප්‍රජනක අයිතිවාසිකම් වෙනුවෙන් එක්සත් ජනපදය පුරා පුලුල් විරෝධතා මාලාවක් ඇති විය. අයිතිවාසිකම් කණ්ඩායම් පවසන පරිදි, අඩු ආදායම්ලාභී කාන්තාවන්ට සහ වර්ණ ප්‍රජාවන්ට අසමානුපාතික ලෙස මෙය බලපාන බව කියවේ. 1973 නීතිමය පූර්වාදර්ශය අවලංගු කර ඇති බැවින් එක්සත් ජනපදයේ ප්‍රාන්ත දුසිම් දෙකකට වඩා ගබ්සාව තහනම් කිරීමට ඉඩ ඇති බව ප්‍රජනන අයිතිවාසිකම් කන්ඩායමක් වන Guttmacher Institute මේ සම්බන්ධව ප්‍රකාශ කර තිබුණේ.

Roe v Wade වෙනුවෙන් ලිබරල් විනිසුරුවරුන් වන ස්ටීවන් බ්‍රෙයර්, සෝනියා සෝටෝමයෝර් සහ එලේනා කගන් විසම්මුතික ඡන්දය ලබා දෙනු ලැබීය.
“ශෝකයෙන් – මෙම උසාවිය වෙනුවෙන්, නමුත් අද වන විට මූලික ව්‍යවස්ථාපිත ආරක්ෂාවක් අහිමි වී ඇති මිලියන සංඛ්‍යාත ඇමරිකානු කාන්තාවන් සඳහා – අපි විරුද්ධ වෙමු. ලෙස ඔවුන් සිය අදහස් දක්වා ඇත.
මත විමසුම්වලින් පෙනී යන්නේ ඇමරිකානුවන්ගෙන් බහුතරයක් ගබ්සා කිරීමේ අයිතියට සහාය දෙන බවයි. නමුත් Roe v Wade පෙරලා දැමීම දශක ගණනාවක් තිස්සේ ගබ්සාවට එරෙහි ක්‍රියාකාරීන්ගේ සහ ක්‍රිස්තියානි ගතානුගතිකයින්ගේ ඉලක්කයක් වී තිබිණ. 2022 වසරේ ජනවාරි මාසය තුළ වොෂින්ටනයේ වාර්ෂික ගබ්සා විරෝධී පාගමන් පවා පවත්වා තිබිණ.

මෙම ශ්‍රේෂ්ඨාධිකරණ තීන්දුව මිලියන සංඛ්‍යාත ජනතාවට අනාගතයට බලපාන තීරණ ගැනීමේ අයිතිය අහිමි කර ඇති බව මානව හිමිකම් වෙනුවෙන් පෙනීසිටින්නන් ප්‍රකාශ කළ අතර එක්සත් ජනපද ඉහල උසාවියේ තීන්දුව “ව්‍යසනයක්” ලෙස හෙළා දකිනු ලැබීය. අද තීරණය මාරාන්තික ප්‍රතිවිපාක සහිත ස්ත්‍රී පුරුෂ භාවය, වාර්ගික සහ ආර්ථික යුක්තිය ව්‍යසනයකි. ගැබ් ගත හැකි කාන්තාවන් සහ පුද්ගලයින් දෙවන පන්තියේ තත්වයට බල කර ඇත. ලෙස ඇමරිකානු සිවිල් නිදහස සංගමය (ACLU) ද මේ පිළිබඳ ප්‍රකාශ කර තිබුණේ.

සශිකලා මධුෂාණී_


‘සොබාදහම ආරක්ෂා කිරීම වැනි මූලික දෙයක් ගැන ලෝකයක් ලෙස අපට එකඟ විය නොහැකි නම්, වෙන කිසිවක් වැදගත් නොවේ.’- ජස්ටින් ටෘඩෝ

චීනයේ දිනකට කොවිඩ් රෝගීන් 30,000ක්

කොංගෝහි සමූල ඝාතනයකින් 272ක් මරුට

අරගල කරන හැටි ඉරාණයේ කාන්තාවන්ගෙන් ඉගෙන ගන්න ; සදාචාර පොලිසිය විසුරුවා හැරීමට සූදානම් -නීතිපති

අත්‍යාවශ්‍ය ආහාර මිල ඉහල යාම, විදුලි කප්පාදුව, ආහාර සහ ඉන්ධන හිඟය සම්බන්ධයෙන් අසාද්ගේ ආණ්ඩුවට එරෙහිව සිරියාවේ විරෝධතා; දෙදෙනෙකු මරුට

ජාවාහි දූපතේ සෙමේරු ගිනිකන්ද සක්‍රිය වේ. අනතුරු ඇඟවීම් නිවේදන නිකුත් කෙරේ.

බලශක්ති මිල අඩු කිරීමට වසර ගණනාවක් ගත විය හැක

එල් සැල්වදෝරයේ කල්ලි මර්දනය වෙනුවෙන් 10,000ක බට පිරිසක් යෙදවේ

error: Content is protected !!
error: Content is protected !!