BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

දේශගුණික අර්බුදයට එරෙහිව සටන් කිරීමට තම සමාගම පරිත්‍යාග කළ ධානපති​යා

මානව වර්ගයාගේ බුද්ධියට ගෝචර නොවූ නිහඬ මාරයකු ලෙස දිනෙන් දින ළඟා වන දේශගුණික අර්බුදයට එරෙහිව සටන් වැදීමට, තමා ජීවත් වන මේ පුංචි සාගර-ගොඩබිම් ගෝලය රැකගැනීමට, තමා සතු සමාගම මුළුමනින්ම පරිත්‍යාග කරන Chouinard වැනි මිනිසුන්ගෙන් උගනීමට අපට ඇති දෑ බොහෝය..

පැටගෝනියා සමාගමේ ප්‍රකෝටිපති හිමිකරු වන Yvon Chouinard තම ව්‍යාපාරය ලාභ නොලබන පාරිසරික භාරයකට පරිත්‍යාග කර ඇති බව විදෙස් මාධ්‍ය වාර්තා කරයි.

මෙම පරිත්‍යාග කිරීමෙන් පසු පැටගෝනියා සමාගම විසින් එළිමහන් ඇඳුම්, කඳවුරු බැඳීම් සඳහා අවශ්‍ය ආම්පන්න සහ වෙනත් භාණ්ඩ නිෂ්පාදනය දිගටම කරගෙන යනු ඇත. නමුත් මෙයින් පසු සමාගම ලබාගන්නා සියලු ලාභ දේශගුණික අර්බුදයට එරෙහිව සටන් කිරීමට සංවිධාන වෙත යවනු ඇත.

සමාගමේ නිර්මාතෘ Yvon Chouinard මෙම තීරණය ප්‍රකාශයට පත් කරමින් පැවසුවේ “මට කිසි විටෙකත් ව්‍යාපාරිකයෙකු වීමට අවශ්‍ය නොවීය” යන වගයි. ඔහු තවදුරටත් පැවසුවේ තමා මුලිම අත්කම්ශිල්පියකු ලෙස කටයුතු කළ බවත් පසුව ඔහු හා ඔහුගේ මිතුරන්ට කදු නැඟීමට අවශ්‍ය ආම්පන්න නිර්මාණය කිරීම හිලා ඇඟලුම් ක්ෂේත්‍රයට සම්බන්ධ වූ බවයි.

“ගෝලීය උෂ්ණත්වය ඉහළ යාමේ සහ පාරිසරික විනාශයේ තරම සහ එයට අපගේම දායකත්වය අපට වැටහුණ විගසම, අප පැටගෝනියා ව්‍යාපාරය තුළ කටයුතු සිදු කළ ආකාරය පරිසර හිතකාමී ලෙස වෙනස් කිරීමට තීරණය කළෙමු” ඔහු කියා සිටියේය.

මීට පෙර, පැටගෝනියා විසින් සෑම වසරකම විකුණුම් වලින් 1% ක් ලබා දී ඇත. 2018 පැටගෝනියා සමාගම ඔවුන්ගේ ව්‍යාපාරයහි වෙනස්කම් සිදු කළේ: “අපි අපේ ගෙදර ගෙදර වන් ග්‍රහලෝකය සුරැකීමට ව්‍යාපාරයේ යෙදී සිටිමු.” මැයෙනි. නමුත් දැන් Chouinard පවසන්නේ එයද ප්‍රමාණැවත් නොවන බවයි.

Chouinard මහතා පැවසුවේ සමාගම විකිණීම සහ ලාභය පරිත්‍යාග කිරීම හෝ කොටස් වෙළඳපොලේ ප්‍රසිද්ධියට පත්වීම යන කරුණු පැටගෝනියා සමාගමේ සිය ක්‍රියාකාරී භූමිකාව දිගටම කරගෙන යන බව සහතික නොකරන බවයි.

පසුගිය වසර කිහිපයක සිටම පැටගෝනියා සමාගම දේශගුණික ගැටළු සම්බන්ධයෙන් වඩාත් විවෘතව කතා කරන සමාගමක් ලෙස ඉතා ප්‍රචලිතය. 2018 දී සමාගම කියා සිටියේ ඔවුන් ජනාධිපති ට්‍රම්ප්ගේ බදු කප්පාදුවෙන් ලැබෙන සියලුම මුදල් පාරිසරික හේතූන් සඳහා පරිත්‍යාග කරන බවයි. ඊට වසරකට පෙර, 2017 දී, සමාගම ෆෙඩරල් රජය විසින් Utah හි Bears Ears and Grand Staircase-Escalante ජාතික ස්මාරක භූමි ප්‍රමාණය අඩුකිරීමට විරුද්ධව නඩුවකට පවා සම්බන්ධ වී ඇත.

ඉලෝන් මස්ක්, මාර්ක් සකර්බර්ග්, ජෙෆ් බෙසෝස්, බිල් ගේට්ස්.. යනු තම අතිවිශාල ධනස්කන්ධයෙන් ලොවක් හෙලවූ මිනිසුන් බව සැබෑය. ඔවුන්ගේ වෘත්තීය ජීවිත අරමුණු මෙලොව පමණක් නොව අභ්‍යවකාශ ග්‍රහලෝක අල්ලා ගැනීමට තරම් ඈතට දිවයනු ඇති. ඔවුන්ගේ නම් ලැයිස්තුවට ඇතුළත් කළ හැකි නම් තව බොහෝ ඇත.

එහෙත් තවමත් මානව වර්ගයාගේ බුද්ධියට ගෝචර නොවූ නිහඬ මාරයකු ලෙස දිනෙන් දින ළඟා වන දේශගුණික අර්බුදයට එරෙහිව සටන් වැදීමට, තමා ජීවත් වන මේ පුංචි සාගර-ගොඩබිම් ගෝලය රැකගැනීමට, තමා සතු සමාගම මුළුමනින්ම පරිත්‍යාග කරන Chouinard වැනි මිනිසුන්ගෙන් උගනීමට අපට ඇති දෑ බොහෝය..


හිජාබයෙන් මිදුනු පාසල් සිසුවියන් ඉරාන ආණ්ඩුවට මැදැඟිල්ල ඔසවයි.

ජපානයට ඉහළින් දියත්වන උතුරු කොරියානු මිසයිල

ස්වදේශික ඇමරිකානු ක්‍රියාකාරිකයෙකු වූ සචීන් ලිට්ල්ෆෙදර් මිය යයි.

ප්ලාස්ටික් හා ජපානය ?

පාකිස්ථානයේ මරණ රැල්ල ඇරඹෙයි ..

හයිටියේ මහජන සෞඛ්‍ය හදිසි අවස්ථාවක් ; මරණ සංඛ්‍යාව හත දක්වා ඉහළට

නේටෝ රටවල් නවයක ජනාධිපතිවරු යුක්රේනයට මිලිටරි ආධාර වැඩි වශයෙන් ලබා දෙන මෙන් නේටෝවෙන් ඉල්ලයි.

බ්‍රසීලයේ වම දකුණ පැටළේ

error: Content is protected !!
error: Content is protected !!