BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

මානව වර්ගයාගෙන් 40%ක් පාරිසරික විනාශයේ ගොදුරු බවට පත් වෙද්දී 2021 ලෝක පරිසර දිනය සැමරේ

2021 ලෝක පරිසර දිනයට සමගාමීව අද පටන් එක්සත් ජාතීන්ගේ සංවිධානය ‘‘පරිසර පද්ධති ප්‍රතිෂ්ඨාපනය කිරීමේ එක්සත් ජාතීන්ගේ දශකය‘‘ (UN Decade on Ecosystem Restoration) නමැති යෝධ වැඩසටහන ආරම්භ කරයි.

 ඒ, මිනිසා විසින් වනසා ඇති පරිසර පද්ධතිවලට සිදුව ඇති හානිය පිළිසකර කර ගැනීමට ය.

‘පරිසර පද්ධති ප්‍රතිෂ්ඨාපනය‘ (Ecosystem Restoration) යන්නෙන් අදහස් කරන්නේ පරිසර පද්ධතියක් පෙර තිබූ තත්වයටම පත් කර ගැනීමයි. මෙය අතිශයින්ම ප්‍රායෝගික නොවන අදහසක් වන නමුත්, ඒ සඳහා උත්සාහ කිරීමට අපට තවම කාලය ඇති බව ජගත් සංවිධාන ප්‍රධානියා පවසයි.

‘‘අපේ සමාජ තැනීමට උර දුන් මුක්කු (underpin – යටි තහවුරු) වශයෙන් පැවති පරිසර පද්ධතිම අප විසින් වනසමින් සිටිනවා. මනුෂ්‍යත්වයෙන් 40%ක්, එනම් බිලියන 3.2 කට දැනටමත් එයින් උවදුරු ඇති වෙලා.. නොනැසී සිටීමට උවමනා ආහාර, ජලය සහ සම්පත් කෙමෙන් අඩු වෙමින් යනවා..‘‘ යැයි ජගත් සංවිධාන ප්‍රධානී අන්තෝනියෝ ගුටරෙස් පැවසුවේය.

‘‘නමුත් අපේ වාසනාවට පෘථිවිය ඔරොත්තු දෙනසුලුයි. අප කළ හානිය ආපස්සට හරවන්නට අපට තවමත් පුළුවන්..‘‘

ඔහු එහිදී අවධාරණය කළේ තිරසාර සංවර්ධනයේ සියලු ඉලක්ක (SDGs) සපුරා ගන්නට වැඩ කරන්නේ නම් මෙය ආපස්සට හැරවිය හැකි බවයි.

තිරසාර සංවර්ධනය යන්නෙන් අදහස් කරන්නේ සංවර්ධන ව්‍යාපෘති ක්‍රියාත්මක කිරීමේදී පරිසරය ද රැක ගැනීමයි. එසේ නොමැතිව පරිසරයට අත නොතබනු යැයි කියා සංවර්ධන ව්‍යාපෘති සිදු නොකර සිටීම හෝ, පරිසරය භංග වේවා කියා සංවර්ධන ව්‍යාපෘති සිදු කිරීම නොවේ. ඒ දෙක අතර සමතුලිතතාවයක් සොයාගැනීමයි.

ඒ බව අමතක වී ඇති ලංකාව ද ඇතුළු ලෝකයට තිරසාර සංවර්ධනයේ පාඩම නැවත කියා දීමට සිදුව තිබේ.

ලෝකයේ පළමු පරිසර දිනය සැමරුණේ 1974 වසරේදී ය. එහි තේමාපාඨය ‘එකම එක පෘථිවියයි‘ ( ‘Only One Earth’) යන්නයි.එදා පටන් අද දක්වා ලෝකය පරිසර දින කීයක් සමරා තිබේද? එය මේ වන විට සැමරීමකට වඩා පැමිණිලි කිරීමක් සහ විලාපයක් බවට පත් ව තිබේ. නමුත් ඒ විලාපය අහම්බයක් නොවේ.  සෑම දිනයක්ම පරිසර දිනයක් වන තෙක්, අපට මෙම විලාපය නතර කර ගැනීමට නොහැකි වනු ඇත.


සකුරා ඉලන්දාරියෙකුට පෙම් බඳින රයිනෝ ළමිස්සී

G7 සමුළුව කාටද? මොකටද? ඔබ දැන ගත යුතුම තතු

සාගින්නේ මළත් – ප්‍රොපගැන්ඩාව උතුම් : K- Pop, විදෙස් චිත්‍රපට, ඇඳුම් පැළඳුම් හෝ විදෙස් මාධ්‍ය පරිහරණය කළොත් උතුරු කොරියාවේදී මරණ දණ්ඩනය !

ජනපතිගේ සෙවණට මුවා වූ පරිසර ඝාතකයා – බ්‍රසීල පරිසර ඇමති රිකාඩෝ සාල්ලේස්

ට්‍රම්ප්ගේ ෆේස්බුක් සහ ඉන්ස්ටර්ග්‍රෑම් ගිණුම් වසර 2 කට අත්හිටුවයි ! – ”ඊළඟ වතාවෙ ධවල මන්දිරයෙදි බලාගමු” යැයි ට්‍රම්ප් කියයි !

බුර්කිනා ෆාර්සෝ රාජ්‍යයේ 100 දෙනෙකු මරා දැමූ භීෂණයක්

මෙවර වෝග් සගරාවේ කවරය සරසන මලාලා

මනුස්ස කමෙන් ලෝකය සොළවන සෙනගාලයේ පාපන්දු පුත්‍රයා – සජියෝ මනේ

error: Content is protected !!
error: Content is protected !!