BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

රයන් ගෝස්ලින් රංගනයෙන් දායක වන “බාර්බි (Barbie)”

තාත්තේ, ඇයි ඔයා කෙන්ට රඟපාන්නේ, කෙන් පොඩි චරිතයක්නේ..? රයන් ගේ දියණියන්ගෙන් පැණයක්!

ලොකු කුඩා සෑම දෙනාගේ ආකර්ශනය ට පත් බාර්බි (Barbie) කතා මාලාවෙහි නවතම සජීවී වික්‍රමාන්විත චිත්‍රපටය වන බාර්බි (Barbie) එළඹෙන වසරේ තිරගත වීමට නියමිතය. මෙම චිත්‍රපටයේ කෙන් ගේ චරිතයට සුපිරි හොලිවුඩ් රංගන ශිල්පී රයන් ගොස්ලින් තම රංගනයෙන් දායක වන අතර මේ පිළිබඳ ඔහුගේ දියණියන් පවසන්නේ තම පියා කෙන් ගේ චරිතයට පණ පොවන්නේ ඇයි දැයි ඔවුන්ට නොතේරෙන බවයි.

එයට හේතුව වන්නේ බාර්බි කතා මාලාවෙහි බාර්බි ගේ පෙම්වතා වන කෙන් එහි සුලු චරිතයක් වීමයි.

බාර්බි කතා මාලාවේ වැඩි අවධානයක් යොමුකරන්නේ බාර්බි ඇතුළු කාන්තා චරිතවලට වන අතර, කාන්තා ජවය හා වික්‍රම කෙරේ වැඩි නැඹුරුවක් දක්වන එහි කෙන් ඇතුළු පිරිමි චරිත දක්වන්නේ සුළු භූමිකාවකි. එවන් පසුබිමක රයන් වැනි දැවැන්ත රංගන ශිල්පියකු කෙන් වැනි සුළු චරිතයකට රංගනයෙන් දායක වන්නේ මන් ද යන්න බොහෝ බාර්බි රසිකයන්ට ප්‍රශ්නයක් වී පවතී.

මෙය දැඩි සේ ප්‍රශ්න කරන්නේ බාර්බි රසිකයන් වන රයන් ගේ ම දියණියන් ය. ඔවුන් පවසන්නේ තම පියා කෙන් ගේ චරිතයට පණ පොවන්නේ මන් ද යන්න තමාට නොවැටහෙන බවයි.

1959 මාර්තු 9 දින මැටල් (mattel) නම් ඇමරිකානු සමාගම විසින් (බාර්බි) බෝනික්කෙක් නිර්මාණය කිරීමත් සමඟ 300,000 කට අධික බෝනික්කන් ප්‍රමාණයක් අලෙවි විය. මීට අමතරව (බාර්බි) පොත් , (බාර්බි) වීඩියෝ ක්‍රීඩා ද පසු කලෙක නිර්මාණය වූ අතර ලොව පුරා රසික හදවත් දිනා ගත් (බාර්බි) කාර්ටූන කතාංග 40 ක් පමණ ප්‍රේක්ෂකයන් අතරට ගොස් තිබේ.

එසේ වූවද, මෙවැනි සජීවී වික්‍රමාන්විත චිත්‍රපටයක් ජනතාව අතරට පැමිණෙන්නේ පළමු වරට වන අතර, එය ලොව පුරා බාර්බි රසිකයන්ට අලුත් අත්දැකීමක් වනු ඇත. එමෙන්ම මෙය කිනම් වයස පරාසයකට අයත් වනු ඇති දැයි (බාර්බි) රසිකයන් ඉතා දැඩි උනන්දුවෙන් බලා සිටින බව වාර්තා වේ.

2023 ජූලි 21 දින තිරගත වීමට නියමිත මෙම කතාංගය ග්‍රේටා ගර්වින්ග් ගේ නිර්මාණයක් වන අතර බාර්බි (Barbie) චරිතයට පණ පොවන්නේ සුපිරි හොලිවුඩ් රංගන ශිල්පිනී මාර්ගට් රොබී ය.

(බාර්බි) මාර්ගට් සහ රයන් එක් ව රංගනයෙහි යෙදෙන අපූරු සිනමා නිර්මාණයක් වන බව කිසිඳු සැකයක් නැත.

නිපුනි ලියනගේ


“ඉන්ඩියානා ජෝන්ස්” සමඟින් හොලිවුඩ් පුරවරයට වික්‍රමාන්විත ගමනක් යං!

Adipurush සහ Pathaan ඇතුළුව බොලිවුඩය කළඹන සිනමා සිත්තම් රැසක් 2023 දී ඔබ හමුවට!

රිදී තිරයේ ‘මයිකල් මයර්ස්’ භීතිකාවට මුල්ගල් තැබූ ජේම්ස් වින්බර්න් දිවිසැරිය නිමාකරයි!

ඔව්.. භූමියට තවමත් පණ තියෙනවා.. අභිෂේකාගේ පැය දෙකෙන් ට්‍රෙන්ඩිං ගිය ගීතයෙන් දිග හැරෙන සමාජ යථාර්තය

සොයුරු පෙමට කවි ගී ලියවුනා මදී!

2000 දශකයේ සංගීතයෙන් මතුවූ සිහින කුමරා ඇරන් කාර්ටර් අවසන් ගමන් යයි!

අමුතුම ලොවක් කරා අප රැගෙන යන ඇවටාර් – The way of water තෙළිඟු ප්‍රේක්ෂකයන්ට ගණන් උස්සයි ද?

වෙනස්කොට සැලකීමට විරුද්ධ වීම වරදක් ද? ඩිස්නි සමාගම ප්‍රතිචාර දක්වයි!

error: Content is protected !!
error: Content is protected !!