ෆේස්බුක් සහ ට්විටර් සමාජ ජාලා ද්විත්වය ජනාධිපති ට්‍රම්ප් විසින් බෙදාගත් වීඩියෝවකින් පසුව එහි කොරෝනා වෛරසය පිළිබදව සාවද්‍ය තොරතුරු ඇති බව සඳහන් කරමින් ඒ පිළිබදව පියවර ගනිමින් සිටියි.
“මෙම වීඩියෝ පටයට මිනිසුන් පිරිසකට COVID-19 නොවැළදෙන බවත් ඔවුන් ඉන් ආරක්ෂිත බවත් සඳහන් ව්‍යාජ ප්‍රකාශ ඇතුළත් වන අතර එය COVID-19 පිළිබද හානිකර හා වැරදි තොරතුරු පිළිබඳ අපගේ ප්‍රතිපත්ති උල්ලංඝනය කිරීමකි” යනුවෙන් ෆේස්බුක් ප්‍රකාශකයකු පවසා සිටියි.
“මගේ අදහස නම් පාසල් විවෘතව තිබිය යුතුයි” ට්‍රම්ප් පැවසීය. “ඔබ දරුවන් දෙස බැලුවහොත්, ළමයින් බොහෝ දුරට මෙම රෝගයෙන් ආරක්ෂිතයි.” ඔහු මෙම වීඩියෝවේ මෙසේ පවසයි. දරුවන්ට “වඩා ශක්තිමත් ප්‍රතිශක්තිකරණ පද්ධතියක්” ඇති බවත් “ගැටලුවක් නොමැති” බවත් ඔහු පැවසීය.
ෆේස්බුක් සමාජ මාධ්‍යයට අනුව, කොරෝනා වෛරස් වසංගතය පිළිබඳ වැරදි තොරතුරු සම්බන්ධයෙන් සමාජ මාධ්‍ය වේදිකාව ජනාධිපතිවරයාගෙන් ලිපියක් ලබා ගත් පළමු අවස්ථාව මෙයයි. වීඩියෝව අඩංගු සියලුම සටහන් ඉවත් කර ඇත්දැයි තවමන් ඔවුන් පහැදිලිව පවසන්නේ නැත.
ෆේස්බුක් ප්‍රධාන විධායක මාක් සකර්බර්ග් විසින් 2016 මැතිවරණයෙන් පසු වැරදි තොරතුරු මැඩපැවැත්වීම සඳහා වැඩි අවධානයක් යොමු කර ඇති අතර, මෙසේ වැරදි තොරතුරු සහිත දැන්වීම් පළ ක්‍රන ලෙස ඉල්ලමින් තර්ජන ගණනාවක් ෆේස්බුක් සමාගමට එල්ල වී ඇත.
ට්‍රම්ප්ගේ මැතිවරණ ට්විටර් ගිණුම වන @teamtrump විසින් ද එම වීඩියෝ පටය බෙදාගෙන ඇති අතර එය ජනාධිපතිවරයා විසින්ම නැවත ට්වීට් කරන ලදී. ට්විටර් ප්‍රකාශකයෙකු පැවසුවේ මෙම ට්වීට් එක “COVID-19 වැරදි තොරතුරු පිළිබඳ ට්විටර් නීති උල්ලංඝනය කිරීමක්” බවත්, ට්‍රම්ප්ගේ මැතිවරණ කටයුතු වෙනුවෙන් එය “නැවත ට්වීට් කිරීමට පෙර එම ට්වීට් එක ඉවත් කිරීමට අවශ්‍ය වනු ඇති” බවත්ය.
