ඊලෝන් මස්ක් ට්විටර් සමාගම ඇ.ඩො.බි. 44කට මිලදී ගනියි
මෙම අත්කර ගැනීම ලෝකයේ අතිශයෙන් බලගතු පොදු සමාජ මාධ්‍ය වේදිකාවක් වන 16 හැවිරිදි ට්වීටර් සමාගමේ සුවිශේෂී සංධිස්ථානයකි.
ලොව ප්‍රමුඛ පෙළේ ධනවතුන් ගෙන් එක් අයකු හා ටෙස්ලා සමාගමේ ප්‍රධාන විධායක නිලධාරී වන ඊලෝන් මස්ක් ට්විටර් සමාගම ඇමරිකානු ඩොලර් බිලියන 44 ක මුදලකට අත්කර ගත් බව විදෙස් මාධ්‍ය වාර්තා සඳහන් කරයි.
අප්‍රේල් 01 වන දින වන විට මස්ක් ට්වීටර් සමාගමේ එක් කොටසකට ඇමරිකානු ඩොලර් 54.20 ක මිලක් පිරිනමා තිබූ අතර, එය ට්විටර් සමාගමේ කොටස් වල අවසාන මිලට සියයට 38 ක වාරිකයක් නියෝජනය කරයි.
සමාගම අත්කර ගැනීමට පෙර මස්ක් එම සමාගමේ සියයට 09 කට අධික ආයෝජනයක් සිදුකර ඇත.
මෙම අත්කර ගැනීම ලෝකයේ අතිශයෙන් බලගතු පොදු සමාජ මාධ්‍ය වේදිකාවක් වන 16 හැවිරිදි ට්වීටර් සමාගමේ සුවිශේෂී සංධිස්ථානයකි.
