පේරු නව සොයා ගැනීම්
සෙරමික් පාෂාණ කැබලි 50කට ආසන්න ප්‍රමාණයක් ද සොහොන තුළ තිබී සොයා ගත් බව එරට මාධ්‍ය වාර්තා කළේය.
පේරු රාජ්‍යයේ පුරාවිද්‍යාඥයන් පිරිසක් විසින් පුරාණ චාන් චෑන් නගරයේ පුද්ගලයන් 25 දෙනෙකුගේ අස්ථි සමග නටබුන් සොයාගෙන තිබේ.චිමූ අධිරාජ්‍යයේ අගනුවර වූ ප්‍රදේශයේ වර්ග මීටර් 10ක කුඩා ඉඩකින් මෙම ඇටසැකිලි හමුවී ඇත.
එදවස චිමු අධිරාජ්‍ය වර්තමාන පේරු හි සමහර ප්‍රදේශ පාලනය කළේය. ඔවුන්ගේ අධිරාජ්‍යය ඉන්කාවරුන් අතින් පරාජයට පත්වීමට පෙර 15 වැනි සියවසේදී එහි උච්චතම අවස්ථාවට ළඟා විය.විශේෂඥයන් සිතන්නේ සමූහ මිනීවළ චිමු ප්‍රභූ සාමාජිකයන්ගේ දේහය තැන්පත් කළ සොහොන් බිමක් විය හැකි බවයි.
සමූහ මිනීවළ සොයාගත් චාන් චෑන් නගරය යනු පූර්ව කොලොම්බියානු විශාලතම බලකොටුව විය.පුරාවිද්‍යාඥයන් විදෙස් පුවත් සේවයට ප්‍රකාශ කළේ බොහෝ අස්ථි කොටස් තරුණියන්ගේ ඒවා බවයි.අස්ථි කොටස් රෙදි ස්ථර කිහිපයකින් ඔතා තිබුණි, පළමුවැන්න කපු සහ දෙවැන්න ඒ හා සමාන රෙදි කැබලි වේ.
සෙරමික් පාෂාණ කැබලි 50කට ආසන්න ප්‍රමාණයක් ද සොහොන තුළ තිබී සොයා ගත් බව එරට මාධ්‍ය වාර්තා කළේය.
