අද උදෑසන මෙම පිපිරීම සිදුව ඇත්තේ රසායනික ද්‍රව්‍ය ගබඩා කරන ලද බහාලුම් ගබඩා සංකීර්ණයක ඇති වූ ගින්නකින් බව දැනට පැවසෙන අතර ගින්නට හේතුව තවම අනාවරණයව නැත.
මරණ සංඛ්‍යාව තව දුරටත් ඉහළ යා හැකි අතර තුවාල ලැබූවන්ගෙන් බහුතරයක් අසාධ්‍ය තත්වයේ පසුවන බව චිතගොංහි ප්‍රධාන වෛද්‍යවරයා ජාත්‍යන්තර මාධය වෙත ප්‍රකාශ කර තිබිණි.
මිය ගිය අය අතර ගිණි නිවන භටයින් 06 දෙනෙකුද සිටින බව ගිණි නිවීමේ හා සිවිල් ආරක්ෂක සේවාවේ අධ්‍යක්ෂක ජෙනරාල්වරයා මාධ්‍ය වෙත පවසා තිබේ.
ප්‍රදේශයේ රෝහල්වල දැඩි තදබදයක් පවතින අතර ලේ දන්දෙන ලෙස ඉල්ලීම්ද ඉදිරිපත්ව ඇතැයි වාර්ථා විය.
මෙමම ඛේදවාචකය මේ වන විට සමස්ථ ලෝකයේද අවධානයට පත්ව ඇති අතර ජනතාවගේ බලවත් කම්පනයට හේතු වී තිබේ.
සශිකලා මධුෂාණී-
