මිනී ඔළු සහ මළ කඳන් පිරුණු තවත් ලී බෝට්ටුවක් ජපන් දූපතකට ගොඩ ගසයි

ජපානයේ සදෝ දූපත වෙත මළ කඳන් 7 ක් සහිත ලී බෝට්ටුවක් ගොඩ ගසා තිබේ.

කාලීන

admin 4 years ago ()

NHK පුවත්සේවයට අනුව මෙම බෝට්ටුව තුළ ගෙළෙන් සිඳින ලද මිනිස් ඔළු දෙකක් ද තිබී ඇත.

අඩි 24 ක් පමණ දිග, අඩි 14 ක් පමණ පළල මේ බෝට්ටුව මීටර 2 ක් පමණ උස එකකි. එය ලීයෙන් කර තිබීම ද විශේෂත්වයකි.

එහි පැතිවල කොරියානු බසෙන් රතු පැහැති තීන්තයෙන් ලියූ අංක සහ අකුරු දැකගත හැකි වූ අතර විශ්වාස කෙරෙන්නේ මේ බෝට්ටුව පැමිණෙන්නට ඇත්තේ උතුරු කොරියාවෙන් බවයි.

එතුළ තිබී හමුවූ මළ කඳන් සියල්ල ඉතා කෘශ තත්වයේ පැවතිණි. NHK පුවත් සේවය විසින් ඒවා විස්තර කර ඇත්තේ ‘බාගෙට ඇටසැකිළි‘ යනුවෙනි.

මෙවැනි බෝට්ටු ලෝකයට අලුත් ඒවා නොවේ. ගතවූ වසර කිහිපය තුළම ජපන් වෙරළවලට ගසා ගෙන එන මෙවැනි බෝට්ටු හැඳින්වෙන්නේ ‘හොල්මන් බෝට්ටු‘ හෙවත් “ghost ships,”යනුවෙනි.

මේ පිළිබඳ අවුට්බවුන්ඩ් ටුඩේ විසින් පළ කළ පෙර ලිපිය කියවන්න – ජපන් වෙරළට ගොඩ ගසන මළ මිනී පිරුණු හොල්මන් බෝට්ටු

Cover Photo: CNN

#mainslider #japan #north korea #www.outboundtoday.com #ghost boats #outboundtoday