×

විවිධත්වය සපිරි 20 දෙනෙකුගේ අමාත්‍ය මණ්ඩලයක් සමග ජසින්ඩා ආර්ඩෙන් දෙවන වර දිවුරුම් දෙයි

නවසීලන්ත මහමැතිවරණයෙන් විශිෂ්ට ජයක් ලබා සිටි අගමැතිනී ජසින්ඩා ආර්ඩෙන් අද දිනයේ සිය දෙවන ධුර කාලය සඳහා දිවුරුම් දුන්නාය.


මේ සතිය මුලදී පත් කරන ලද ඇගේ අමාත්‍ය මණ්ඩලය ද මෙහිදී දිවුරුම් දීම සිදුවිය. වෙලිංටන් නුවර ආණ්ඩුකාර කාර්යාලයේදී සිදුකෙරුණු මෙම උත්සවයේදී දිවුරුම් දීම ඉංග්‍රීසි මෙන්ම ස්වදේශික මාඕරි බසින් ද සිදුකරනු ලැබීම විශේෂත්වයක් විය.

ඇගේ අමාත්‍ය මණ්ඩලයේ සිටින්නේ 20 දෙනෙකු පමණි. නමුත් එය මේ වන විටත් ලෝකයේ වැඩිම විවිධත්වයෙන් යුතු අමාත්‍ය මණ්ඩලය බවට පත් ව තිබේ.

මාඕරි ජාතික කාන්තාවෝද, LGBTIQ සාමාජිකයෝ ද එහි වෙති.

අමාත්‍ය මණ්ඩලයේ 20 දෙනාගෙන් 8දෙනෙක් කාන්තාවන් ය.

‘‘ඔවුන් සාමූහික වශයෙන් වෙනස් පර්යාවලෝකයන් මාලාවක්, දැවැන්ත දක්ෂතා, අති දැවැන්ත අත්දැකීම් සහ, අර්බුදයේ ඕනෑම අවස්ථාවකදී විශාල කැපකිරීමක් මගින් මේ රටට සේවය කිරීමට සමත් පිරිසක්..‘‘ යැයි ආර්ඩෙන් සිය අමාත්‍ය මණ්ඩලය පිළිබඳ අදහස් දක්වමින් කියා සිටියාය.

40 හැවිරිදි ජසින්ඩා ආර්ඩෙන් ඔක්තෝබර් 17 වැනිදා පැවැත්වූ මැතිවරණයෙන් ලබාගෙන තිබෙන්නේ සිතුවාට ද වඩා විශාල ජයග්‍රහණයකි. කෝවිඩ්-19 ගෝලීය වසංගතය අති සාර්ථක ලෙස මැඩ පවත්වාගැනීමට සමත් වීම මෙයට දායක වී ඇතැයි සැලකේ. ඒ අනුව, දෙවන ලෝක යුද්ධයෙන් පසුව ඇගේ මධ්‍ය වාමාංශික ලේබර් පක්ෂය ලබාගත් විශාලම ජයග්‍රහණය වාර්තා කිරීමට ඇය දේශපාලනඥයෙකු වශයෙන් සමත් වී තිබේ. ආසන 120 කින් යුක්ත පාර්ලිමේන්තුවේ ආසන 65 ක් දිනාගැනීමට ලේබර් පක්ෂය සමත් විය.

නවසීලන්තයේ ප්‍රධාන විපක්ෂය වන ජාතික පක්ෂයට හිමි ව තිබූ ආසන සංඛ්‍යාව 35 සිට 33 දක්වා අඩු වීම ද මෙවර කැපී පෙනේ. ඒ අනුව ජාතික පක්ෂයේ ප්‍රචාරණ ව්‍යාපාරය මෙහෙයවූ ජෙරී බ්‍රවුන්ලී සිය පක්ෂයේ උප නායක ධුරයෙන් ද ඉල්ලා අස් විය.

රටේ ජනගහනයෙන් 15%ක් සමන්විත වන මාඕරි ප්‍රජාව සඳහා නව පාර්ලිමේන්තුවේ නියෝජිතයන් දෙදෙනෙකු සිටින්නේ අතිරේක ආසනයක් ද ඔවුන් වෙත ලබා දීම නිසා ය.

නවසීලන්තයේ විදේශ කටයුතු ඇමතිනිය ලෙස පත් කර තිබෙන්නේ ද මාඕරි සාමාජිකාවක වීම විශේෂත්වයකි. මේ පිළිබඳ වැඩි විස්තර බලාපොරොත්තු වන්න..

පෙර ලිපි

ලොව වැඩිපුරම ප්‍රජාවේ සාමාජිකයන් සිටින පාර්ලිමේන්තුව බවට නවසීලන්ත පාර්ලිමේන්තුව පත් වේ.

වනුෂි වෝල්ටර්ස් – නවසීලන්ත පාර්ලිමේන්තුව ජයගත් පළමු ශ්‍රී ලාංකිකයා

පුංචි නගරයක කැෂියර් නෝනා නවසීලන්යේ අගමැතිනිය වු කතාන්දරය – 1 කොටස

පුංචි නගරයක කැෂියර් නෝනා නවසීලන්යේ අගමැතිනිය වු කතාන්දරය – 2 කොටස



#OutboundToday
Borders may divide us, but hope will unite us
මායිම් අප වෙන් කළ ද, බලාපොරොත්තුව අප එක්කරයි