කොවිඩ් වසංගතය හේතුවෙන් ඇති වූ විරාමයකින් පසුව නැගෙනහිර ස්පාඤයේ පසුගිය ඉරිදා වැලෙන්සියා හි “ෆලස්” උත්සවය රාත්‍රිය ගිණිදැල් හා වලින් හා වර්‍ණමය මූර්ති ගින්නට දහනය කිරිමෙන් අවසන් විය.දින පහක උත්සවය සාම්ප්‍රදායිකව මාර්තු මාසයේදී පැවැත්වෙන නමුත් කොවිඩ් -19 වසංගතය සිග්‍රෙයන් ස්පාඥයේ ව්‍යාප්ත වීම හේතුවෙන් පසුගිය වසරේදී එය අවලංගු කෙරිණි.
එබැවින් මෙම යුනෙස්කෝව විසින් පිළිගත් උත්සවය 2021 වසරේ සැප්තැම්බර් 1 දක්වා කල් තැබූහ.ස්පාඤයේ 1936-39 සිවිල් යුද්ධය අවසන් වීමෙන් පසු උත්සවය අත්හිටුවන ලද පළමු අවස්ථාව මෙයයි.සෑම වසරකම නිවැසියන් උත්සවය සඳහා ලී, ප්ලාස්ටර් සහ පැපියර්-මැච් වලින් ගොඩනැගිල්ලක් තරම් උස විශාල වර්‍ණ සහිත රූකඩ වැනි මූර්ති සිය ගණනක් සාදති.
“නිනොට්ස්” ලෙස හැඳින්වෙන මෙම මූර්ති වල දේශපාලනඥයින්ගේ හා ප්‍රසිද්ධ පුද්ගලයින්ගේ සුරංගනා කතා චරිත සහ කාටූන් ස්වරූපයෙන් නිරූපණය කෙරේ.මෙවර ඉසව්වේ එක් කණ්ඩායමක් යොදා ගනු ලැබුවේ ජනප්‍රිය ස්පාඥ නෙට්ෆ්ලික්ස් කතා මාලාව වන “මනි හීස්ට්” තුළින් ය. එහි දැක්වෙන්නේ රතු පැහැති ඇඳුම් වලින් සැරසුණු කිහිප දෙනෙකු සහ ප්‍රදර්ශනයේ ප්‍රධාන චරිත මෙන් සැල්වදෝර් ඩාලිගේ මුහුණු ආවරණයි.මධ්‍යධරණී මුහුදේ වීදි වල නිනොට් ප්‍රදර්ශනය කර උත්සවයේ අවසාන දිනයේදී පුළුස්සා දමනු ලැබේ-සියවස් ගණනාවක් පැරණි සම්ප්‍රදායක් ලෙස වඩු කාර්මිකයන්ගේ අනුශාසක සාන්ත ජෝශප්ට ගෞරව කරමින් “ක්‍රෙම්” නම් ගිනි උදුන නිරුපනය මෙහි අර්ථයයි.
සාමාන්‍යයෙන් දහස් ගණන් ප්‍රේක්‍ෂකයින් නොමැතිව මෙවර ප්‍රතිමා මූර්ති 750 ක් පමණ දක්නට ලැබෙන ගිනිමැල පැවැත්වීමත් සමඟ ගිනිකෙළි රාත්‍රී අහස ආලෝකමත් කළේය.කොවිඩ් වසංගතය හේතුවෙන් පැම්ප්ලෝනාගේ දුවන ගොන් පොර උත්සවය සහ සෙවිල්ගේ ශුද්ධ වූ සතියේ පෙරහැර ඇතුළු ස්පාඥයේ බොහෝ ප්‍රසිද්ධ උත්සව අවලංගු කිරීමට සිදු විය.
news.yahooවෙතින්
