2020 දී ආසියාව උණුසුම්ම වසරක්
2020 දී, ඉන්දියානු, පැසිෆික් සහ ආක්ටික් සාගරවල සාමාන්‍ය මුහුදු මතුපිට උෂ්ණත්වය වාර්තාගත ඉහළ අගයන් කරා ළඟා විය.ආසියාවේ සහ ඒ අවට මුහුදු මතුපිට උෂ්ණත්වය සහ සාගර උණුසුම ගෝලීය සාමාන්‍යයට වඩා වැඩි වෙමින් පවතී.
2020 දී ආසියාව වාර්තාගත උණුසුම්ම වසරට ගොදුරු වූ බව එක්සත් ජාතීන්ගේ සංවිධානය පසුගිය අඟහරුවාදා ඉදිරියේ පැවැත්වීමට නියමිත COP26 සමුළුවට පෙර ප්‍රකාශ කළේය.
මෙම කාලගුණය මහාද්වීපයේ සංවර්ධනයට දැඩි බලපෑමක් ඇති කරන බවත් ඔවුන් පෙන්වා දෙයි .එහි “ආසියාවේ දේශගුණික තත්ත්වය” වාර්තාවේ, එක්සත් ජාතීන්ගේ ලෝක කාලගුණ විද්‍යා සංවිධානය ප්‍රකාශ කළේ කලාපයේ සෑම ප්‍රදේශයකටම මෙහි බලපෑම් එල්ල වී ඇති බවයි.
“2020 දී ආසියාව පුරා ආන්තික කාලගුණික හා දේශගුණික විපර්යාස බලපෑම් හේතුවෙන් මිනිසුන් දහස් ගණනකගේ ජීවිත අහිමි විය, මිලියන ගණනක් අවතැන් වූ අතර ඩොලර් බිලියන සිය ගණනක් වැය වූ අතර යටිතල පහසුකම් සහ පරිසර පද්ධති කෙරෙහි දැඩි හානියක් සිදු විය,” WMO( World Meteorological Organization) පැවසීය.එලබෙන ඉරිදා සිට නොවැම්බර් 12 දක්වා ග්ලාස්ගෝ හි පැවැත්වෙන එක්සත් ජාතීන්ගේ දේශගුණික විපර්යාස සමුළුව COP26 ට දින කිහිපයකට පෙර මෙම වාර්තාව ඉදිරි පත් විය .දේශගුණය ආශ්‍රිත උවදුරු හේතුවෙන් සමස්ත වාර්ෂික අලාභය යේ සාමාන්‍ය අගයද මෙමගින් පෙන්වා දී ඇත.
ඒ අනුව චීනය ඇස්තමේන්තුගත ඩොලර් බිලියන 238 ක්, ඉන්දියාව ඩොලර් බිලියන 87 ක්, ජපානය ඩොලර් බිලියන 83 ක් සහ දකුණු කොරියාව ඩොලර් බිලියන 24 ක් පාඩුලබා ඇත .2020 දී ගංවතුර සහ කුණාටු හේතුවෙන් ආසියාවේ ආසන්න වශයෙන් මිලියන 50 ක ජනතාවකට බලපෑ අතර එහි ප්‍රතිඵලයක් ලෙස 5,000 කට වැඩි පිරිසක් මිය ගියහ.
2020 දී, ඉන්දියානු, පැසිෆික් සහ ආක්ටික් සාගරවල සාමාන්‍ය මුහුදු මතුපිට උෂ්ණත්වය වාර්තාගත ඉහළ අගයන් කරා ළඟා විය.ආසියාවේ සහ ඒ අවට මුහුදු මතුපිට උෂ්ණත්වය සහ සාගර උණුසුම ගෝලීය සාමාන්‍යයට වඩා වැඩි වෙමින් පවතී.
AFP වෙතින්
