යුක්රේනයේ බලශක්ති ජාලයට රුසියාවෙන් මිසයිල ප්‍රහාරයක්!
හර්මන් හලුෂ්චෙන්කෝ පවසන්නේ හදිසි විදුලිය ඇනහිටීම් රට පුරා නගර කිහිපයකින් වාර්තා වන බවත්, පිපිරීම් කිහිපයක් ද වාර්තා වූ බවයි.
රෂිකා හෙන්නායක නොවැම්බර් 28, ලෝකය (අවුට්බවුන්ඩ් ටුඩේ):
යුක්රේනයේ බලශක්ති ජාලයට ‘දැවැන්ත’ මිසයිල ප්‍රහාරයක් රුසියාව විසින් එල්ල කළ බව විදෙස් මාධ්‍ය වාර්තා කරයි.රුසියාව යුක්රේනයේ බලශක්ති යටිතල ව්‍යුහයට දැවැන්ත මිසයිල ප්‍රහාරයක් දියත් කර ඇති බව යුක්රේන බලශක්ති අමාත්‍යවරයා පවසයි.
හර්මන් හලුෂ්චෙන්කෝ පවසන්නේ හදිසි විදුලිය ඇනහිටීම් රට පුරා නගර කිහිපයකින් වාර්තා වන බවත්, පිපිරීම් කිහිපයක් ද වාර්තා වූ බවයි.
අද අලුයම යුක්රේන ගුවන් හමුදාව මිසයිල අනතුරු ඇඟවීම් රටපුරා නිකුත් කර තිබූ අතර, මෙය මේ මාසයේ රටේ බලශක්ති පද්ධතියට එල්ල වූ දෙවන ප්‍රහාරය වන බව විදෙස් මාධ්‍ය පවසයි.ඉන් සිදුවූ හානි පිළිබඳ යුක්‍රේනය මෙතෙක් හෙළි කර නොමැති බව පැවසේ.
