සර්පිකෝ, ඩිස්ක්ලෝසර් සහ ඇමිස්ටැඩ් වැනි චිත්‍රපටවල සහ රූපවාහිනියේ කර්බ් යුවර් එන්තුසිඇසම් වැනි වැඩසටහන් වලට දායක වීම හේතුවෙන් හොලිවුඩ් අසාදු ලේඛනයට එක්වූ, පසුව එයින් මිදුණු සුප්‍රකට නළුවකු වන ඇලන් රිච් මියගොස් තිබේ. මිය යන විට ඔහු 94 වන වියේ පසුවිය.
නිව් ජර්සි හි එන්ගල්වුඩ් හි ලිලියන් බූත් – නළුවන්ගේ නිවස්නයේදී ප්‍රගතිශීලී ඩිමෙන්ශියා රෝගය හේතුවෙන් පසුගිය සෙනසුරාදා මිය ගිය බව ඔහුගේ පවුලේ අය ප්‍රකාශ කළහ.
රොබට් රෙඩ්ෆෝර්ඩ්ගේ ප්‍රශ්න විචාර ප්‍රදර්ශනයට (1994) එන්බීසී සභාපති රොබට් කින්ට්නර් ලෙස එක් වූ ඔහු, බැරී ලෙවින්සන්ගේ ඩිස්ක්ලෝශර් (1994) හි ඩෙමී මුවර්ගේ නීතිඥයා සහ ස්ටීවන් ස්පීල්බර්ග්ගේ ඇමිස්ටැඩ් (1997) හි විනිසුරුවරයෙකු ලෙස චරිත නිරූපණය කළේය. 2004 දී එච්බීඕ හි කර්බ් යුවර් එන්තුසිඇසම් පිළිබඳ කථාංගයක සවෛවර් නම් රූපවාහිනී වැඩසටහනේ තරඟකරුවෙකු සමඟ ගැටුණු සමූලඝාතනයෙන් දිවි ගලවා ගත් තැනැත්තකුගේ චරිතයක් ලඟ පෑවේය.
බෙන්ජමින් නෝමන් ෂුල්ට්ස් 1926 පෙබරවාරි 8 වන දින නිව්යෝර්ක් හි උපත ලැබූ අතර හැදී වැඩුණේ ක්වීන්ස් සහ බ්‍රොන්ක්ස් හි ය. ඔහු ඇලන් රිච් යන වේදිකා නාමය භාවිතා කළ අතර 1943 දී සිය බ්‍රෝඩ්වේ මංගල දර්ශනය ආරම්භ කළේ මිල්ටන් බර්ල් විසින් අයි ටේක් ද හයි රෝඩ් ප්‍රහසන සඳහා ඔහුව කුලියට ගත් අවස්ථාවේදීය.
1953 දී ඔහුව කොමියුනිස්ට්වාදියෙකු ලෙස හංවඩු ගැසිණි. ඔහු කියා සිටියේ දූෂණයට වැරදිකරු වී ඇති කළු ජාතිකයෙකු මිසිසිපි වලින් නිදහස් කිරීමට මීට වසර කිහිපයකට පෙර උත්සාහ කිරීමේ ප්‍රතිඵලයක් ලෙස එය සිදුවූ බවයි.
රිච් 2007 දී රංගනය පිළිබඳ පොතක් ප්‍රකාශයට පත් කළ අතර ෂරොන් ස්ටෝන්, ජේමි ලී කර්ටිස්, රෙනේ රුසෝ, ලැරී මිලර් සහ ඇලන් තිකේ වැනි අයට රංගන අධ්‍යාපනය ලබා දුන්නේය.
