BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

ලිවර්පූල් පාපන්දු සමාජයට ගිය සික්ස් පැක් ඇති පුංචි මෙසී

මේ අවුරුදු හයේ සිඟිත්තාව දැන් බොහෝ අය දන්නේ ඔහුගේ නම වන ‘අරාත්‘ ලෙස නොව, ‘පුංචි මෙසී‘ හෝ ‘වොන්ඩර් කිඩ්‘ හෙවත් ‘අරුම පුදුම ළමයා‘ යනුවෙනි.

මේ වයසේ දරුවෙකුට තිබෙන්නට පුළුවන් යැයි කොහෙත්ම සිතිය නොහැකි ආකාරයට ඔහුට සික්ස්-පැක් ඇඟක් තිබේ.

එය, ඔහුගේ පියා විසින් වයස අවුරුදු 1 සිටම පාපන්දු ශූරයෙකු වීම සඳහා ඔහුට දැඩි පුහුණුවක් ලබාදීමේ ප්‍රතිඵලයයි.

ඉරානයේ උපන් පුංචි අරාත්, දැන් දිවි ගෙවන්නේ ලිවර්පූල් නුවර ය. එය ද, ලිවර්පූල් හි වෘත්තිමය පාපන්දු ක්‍රීඩකයන්ගේ ක්‍රීඩා සමාජය වන ලිවර්පූල් ෆුට්බෝල් ක්ලබ් – Liverpool F.C. වෙත ඇතුළත් වන්නට අවස්ථාව ලබා දී තිබේ.

පියා විසින් පුහුණු කරමින්

පාපන්දු ක්‍රීඩාවේ පමණක් නොව අරාත්, ජිම්නාස්ටික් ක්‍රීඩාවේද ශූරයෙකි. අහසේ කරණම් ගසමින් පාපන්දුවට පහර දෙන්නට ඔහු දැනටමත් දක්වන්නේ අති මහත් දස්කමකි.

අරාත් හුසේනිට ඉන්ස්ටග්‍රෑම් අනුගාමිකයෝ මිලියන 4 ක් සිටිති.

ඔහුගේ arat.gym ප්‍රොෆයිලයේ මෑතකදී දැකගන්නට ලැබුණේ කික්-අප්ස් 3000 ක් නොකඩවා ඔහු විසින් සම්පූර්ණ කරන ආකාරයයි. නොකඩවා, කිසිදු වෙහෙසක් නැතිව පාපන්දුවට තුන්දහස් වතාවක් ඔහු බිම නොදමා පහර දුන් ආකාරය බොහෝ දෙනාගේ සිත් පැහැරගෙන තිබේ.

මෙසීවත් පරද්දනවා!

‘‘මට ඕනෙ ලෝකෙ හොඳම පාපන්දු තරුව වෙන්න.‘‘ යැයි පුංචි අරාත් කියයි. ‘‘මම කවදහරි මෙසීවත් පරද්දනවා‘‘.

ආරාත්ගේ පාපන්දු ලෝකයේ වීරයන් වන්නේ ලයනල් මෙසීටත් වඩා ක්‍රිස්ටියානෝ රොනාල්ඩිනෝ ය. ක්‍රිස්ටියානෝගේ පෙනුමට සමාන පෙනුමක් දැනටමත් පුංචි මෙසීට තිබේ.

බ්‍රිතාන්‍ය පවුම් මිලියන 26 ක වාර්ෂික වැටුපක් ලබන ආර්ජන්ටිනා ජාතික ලයනල් මෙසී ද මේ වන විට ‘පුංචි මෙසී‘ට බෙහෙවින් ප්‍රිය කරන බවත්, ඔහුගේ දක්ෂතා අගය කරන බවත් වාර්තා වේ. ඔහු බාසිලෝනා පාපන්දු කණ්ඩායම ද නියෝජනය කරයි.

සමාජ මාධ්‍යවල සක්‍රිය චරිතයක් නොවන ලයනල් මෙසී, පුංචි මෙසීගේ හපන්කම් සහිත වීඩියෝව දැකීමෙන් පසුව ඔහුට ස්තූතිකරමින් සුබ පතා තිබුණේ මෙසේ ය.

“Thanks Arat !! I see a lot of class there, impressive! Hug!! ”

 


බෙල්ජියමට එරෙහිව මොරොක්කෝව ලැබූ පාපන්දු තරඟ ජය බ්‍රසල්ස් හි කෝලාහල ඇති කරයි

‘මෙසී ඇති තැන ආර්ජන්ටිනාවට බලාපොරොත්තුවක් ඇත’ ; මෙක්සිකෝවට එරෙහිව පැවැති තරඟයේ ජය ආජන්ටිනාවට

අතින් කට වසාගත් ජර්මානුවන් කටාරයට කින්ඩිය දමයි!

ඔළුව ජපන් කඳ ජර්මන් ජයක්

පාපන්දු උන්මාදය; ජපානය 2014 ලෝක ශූර ජර්මනිය පරදවා ඓතිහාසික ජයග්‍රහණයක් ලබයි.

වැඩේ දැන් මෙසීලාට ලේසි නැත

පා පන්දුවෙන් දස්කම් පෑ රොනාල්ඩෝ මැන්චෙස්ටර් හැරයයි!

ඉරාන ක්‍රීඩකයෝ අමිනී වෙනුවෙන් නිහඬ වෙති

error: Content is protected !!
error: Content is protected !!