ඉන්දීය මහා මැතිවරණයේ ජන්ද ගණන් කිරීම ඇරඹේ; ආසන බහුතරයක් සමඟ මොදී ඉදිරියෙන්
නරේන්ද්‍ර මොදී මෙවර මැතිවරණය ජයග්‍රහණය කරන්නේ නම් නිදහස් ඉන්දියාවේ නායක ජවහර්ලාල් නේරුගෙන් පසු අඛණ්ඩව තෙවරක් ජයග්‍රහණය කළ දෙවන අගමැති ලෙස ඉතිහාසගත වනු ඇත.
සටහන: සශිකලා මධුෂාණි, ජුනි 04,
ලෝකය(අවුට්බවුන්ඩ් ටුඩේ): අප්‍රේල් 19 වැනි දින ආරම්භ වී පසුගිය සෙනසුරාදා 02 අවසන් වූ දැවැන්ත අදියර හතකින් යුක්ත ලොව විශාලතම ප්‍රජාතන්ත්‍රවාදී මැතිවරණයේ ජන්ද ගණන් කිරීම මේ වන විට සිදුවෙමින් පවතින බව වාර්තා වේ.
ඉන්දීය පාර්ලිමේන්තුවේ පහළ මන්ත්‍රී මණ්ඩලය වන ලෝක් සභාවේ බහුතරය ලබා ගැනීමට නම් මන්ත්‍රීධුර 543න් ආසන 272ක් අවශ්‍ය වන අතර ගණනය වන ජන්ද වලට අනුව තුනෙන් දෙකක බහුතරයක් සමඟ නරේන්ද්‍ර මොදී තෙවනවරටද අග්‍රාමාත්‍ය ධුරයට පත්වනු ඇතැයි විශ්වාස කෙරේ.
මෙවර ඉන්දීය මැතිවරණය වෙනුවෙන් බිලියනයකට ආසන්න ජනතාවක් ඡන්දය ප්‍රකාශ කිරීම සඳහා ලියාපදිංචි වී ඇති අතර ඉන් මිලියන 642 ක් ඡන්දය ප්‍රකාශ කර තිබු අතර එය ප්‍රතිශතයක් ලෙස 66% කි.
නරේන්ද්‍ර මොදී මෙවර මැතිවරණය ජයග්‍රහණය කරන්නේ නම් නිදහස් ඉන්දියාවේ නායක ජවහර්ලාල් නේරුගෙන් පසු අඛණ්ඩව තෙවරක් ජයග්‍රහණය කළ දෙවන අගමැති ලෙස ඉතිහාසගත වේ.
