ලව් අයිලන්ඩ් හි හිටපු සත්කාරක කැරොලයින් ෆ්ලැක් ඇගේ ලන්ඩන් මහල් නිවාසයේ මියගොස් ඇති බව ඇගේ පවුලේ අය තහවුරු කර තිබේ. පවුලේ අය නිවේදනයක් නිකුත් කරමින් කියා සිටියේ, “අපේ කැරොලයින් පෙබරවාරි 15 වන දින අභාවප්රාප්ත වූ බව අපට තහවුරු කළ හැකිය.” යන්නයි.
“මෙම දුෂ්කර අවස්ථාවේදී පුවත්පත් වලින් පවුලේ පෞද්ගලිකත්වයට ගරු කරන ලෙස අපි ඉල්ලා සිටිමු. අප ඉල්ලා සිටින්නේ ඔවුන් අප හා සම්බන්ධ වීමට හෝ / හෝ ඡායාරූප ගැනීමට කිසිදු උත්සාහයක් නොගන්නා ලෙසයි.”
පවුලේ නීතිඥවරියක් පැවසුවේ ඇය සිය දිවි නසා ගෙන ඇති බවයි. මිය යන විට ඇය 40වන වියේ පසු වූවාය. දෙසැම්බර් මාසයේදී තම සහකරුට පහර දුන් බවට චෝදනා ලැබ ඇය ලබන මාසයේ නඩු විභාගයට ගැනීමට නියමිතව තිබියදී ඇය ලව් අයිලන්ඩ් හී සත්කාරකත්වයෙන් ඉවත්ව සිටියාය.
අයිටීවී හි ලව් අයිලන්ඩ් ඉදිරිපත් කිරීමට මෙන්ම ඇය එක්ස් ෆැක්ටර් හි සම සත්කාරකත්වය දැරූ අතර 2014 දී ස්ට්රික්ට්ලි කොම් ඩාන්සින් තරගාවලිය ජයග්රහණය කර ඇත.
සෙනසුරාදා රාත්රියේ ලව් අයිලන්ඩ් කථාංගය විකාශය නොවන බව තහවුරු කරමින් අයිටීවී ප්රකාශකයෙක් පැවසුවේ ලව් අයිලන්ඩ් සහ අයිටීවී හි සිටින සෑම කෙනෙක්ම මෙම අතිශය කනගාටුදායක පුවත ගැන කම්පනයට හා කණගාටුවට පත්ව සිටින බවයි.