COP25: ලක්ෂ 5 ක් දෙනා පරිසරය වෙනුවෙන් උද්ඝෝෂණයේ

ස්පාඤ්ඤයේ මැඩ්රිඩ් නුවර COP25 හෙවත් දේශගුණික විපර්යාස පිළිබඳ ජගත් සංවිධානයේ 25 වන සමුළුව පැවැත්වෙන අතරවාරයේ මේ වන විට මැඩ්රිඩ් නුවර ලක්ෂ සංඛ්‍යාත දෙනා උද්ඝෝෂණය කරමින් සිටිති.

ඔවුහු එහිදී, දේශගුණික විපර්යාස සමග සටන් කළ හැකි, වඩාත් හොඳ සහ පරිසර හිතකාමී ප්‍රතිපත්ති සකස් කරන ලෙසට බල කරමින් සිටිති.

මෙම රැළියට ප්‍රකට චරිත කිහිපයක් ද එක් වී සිටිති. එයින් එක් අයෙක් වන්නේ සුපිරි නළු සහ හඬ කැවීම් ශිල්පී ජැවියර් බාඩෙන් ය. කැටමැරන් යාත්‍රාවක නැගී පරිසර සමුළුවට පැමිණි යොවුන් පරිසර වීරවරිය ග්‍රේටා තුන්බර්ග් ද මේ උද්ඝෝෂණවලට එක් ව සිටියි.

‘‘අපිට අවශ්‍ය වෙනස බලයේ සිටින අයගෙන් ලැබෙන්නේ නැහැ.‘‘ එහිදී පිිරිස අමතමින් ග්‍රේටා තුන්බර්ග් පැවසුවාය. ‘‘වෙනස ඇතිවන්නට යන්නේ ජනතාව තුළින්මයි. මහජනතාව ඒ වෙනස ඉල්ලා සිටිනවා..“

සංවිධායකයන් පවසන්නේ අවම වශයෙන් ලක්ෂ 5 ක් දෙනා මේ උද්ඝෝෂණ සඳහා එක්ව ඇති බවයි.

මෙයට සමගාමීව චිලී රාජ්‍යයේ සැන්තියාගෝ නුවර ද පරිසර උද්ඝෝෂණ පැවැත්වේ.

පහත දැක්වෙන්නේ එම උද්ඝෝෂණවල අවස්ථා කිහිපයකි.