BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

ඇමරිකාව කොවිඩ් මරණ ලක්ෂ 5 පසුකරයි – දිවි අහිමි වූවන් වෙනුවෙන් බයිඩන් ඉටිපන්දම් දල්වයි

එක්සත් ජනපදයේ මෙතෙක් වාර්තා වූ කොවිඩ් මරණ සංඛ්‍යාව ලක්ෂ පහ ඉක්මවා තිබේ.

ඒ අනුව, 500,071 ක මරණ සංඛ්‍යාවක් ඇමරිකාව තුළ පමණක් වාර්තා වී තිබේ.

ඇමරිකාව ලොව අනෙකුත් රටවල් සියල්ලන්ගේ ම කොවිඩ් මරණ එකතුව හා සමපාත වන අන්දමේ මරණ සංඛ්‍යාවක් වාර්තා කර තිබීම ද විශේෂත්වයකි.

ඒ අනුව ලොව සමස්ත කොවිඩ් මරණ සංඛ්‍යාවෙන් හරි අඩකට ආසන්න සංඛ්‍යාවක් ඇමරිකාව තුළින් පමණක් වාර්තා වී තිබේ.

ඇමරිකාව හැරුණු විට අනෙත් රටවල් සියල්ලන්ගේම කොවිඩ් ආශ්‍රිත මරණ සංඛ්‍යාව 500,201 ලෙස සටහන් වේ.

මේ අතර ඇමරිකානු ජනපති ජෝ බයිඩන් මහතා කොවිඩ් උවදුරෙන් දිවි අහිමිවූවන් සිහිපත් කරමින් ඉටිපන්දම් දැල්වීමේ අවස්ථාවක් සංවිධානය කර තිබේ.

ධවල මන්දිරය වටා ඉටිපන්දම් පන්සියයක් දල්වා කොවිඩ් වසංගතයෙන් දිවි අහිමි වූවන් සිහිපත් කිරීම මෙහිදි සිදුවිය.

එමෙන්ම, කොවිඩ් මරණ සම්බන්ධයෙන් සිය ශෝකය ප්‍රකාශ කරමින් බයිඩන් මහතා අවධාරණය කර තිබෙන්නේ එක් වසරක් තුළ මෙසේ මරණයට පත් පුද්ගලයින් සංඛ්‍යාව පළමු ලෝක යුද්ධය, දෙවන ලෝක යුද්ධය සහ වියට්නාම යුද්ධය නිසා සිදුවූ මරණ සියල්ලන්ගේ ම එකතුව ද අභිබවා ගොස් ඇති බවයි.

කොවිඩ් උවදුර තුරන් කිරීම සඳහා සියළු පක්ෂ පාට භේද පසෙක ලා සියළු දෙනා නැඟී සිටිය යුතු බවද හෙතෙම අවධාරණය කළේය.

ජෝන් හොප්කින්ස් විශ්ව විද්‍යාලයට අනුව මේ වන විට ගෝලීය කොරෝනා ආසාදිත පුද්ගලයින් සංඛ්‍යාව මිලියන 28 ඉක්මවා තිබේ.


මියන්මාරයේ හමුදා කුමන්ත්‍රණයට එරෙහි උද්ඝෝෂණ මර්දනය දිගටම

ඓතිහාසික අශ්ව රථ අනුරුවක් ඉතාලියෙන් හමුවෙයි!

දරුවන්ට ශාරීරික දඬුවම් පැනවීම තහනම් කරමින් පනතක් පාකිස්තානයෙන්!

හිටපු ප්‍රංශ ජනපති නිකොලස් සාර්කොසි ට වසර තුනක සිර දඬුවමක් – වසරක් නිවාස අඩස්සියේ

හමුදා අත්අඩංගුවෙන් මාසයකට පසු සුකී අධිකරණයට හමුවට – වසර තුනක සිර දඬුවමකුත් නියම කරලා

ට්‍රම්ප් 2024 ජනාධිපති ඡන්දයට සැරසෙයි!

මියන්මාර හමුදා කුමන්ත්‍රණය: මරණය කලින් දුටු ඉන්ජිනේරුවා

මියන්මාර හමුදා කුමන්ත්‍රණයට එක්සත් ජාතීන්ගේ මහලේකම් ගේ දැඩි විරෝධය

error: Content is protected !!
error: Content is protected !!