ක්‍රිස්ටියානෝ රොනාල්ඩෝ මැන්චෙස්ටර් යුනයිටඩ් සංචිතයෙන් ඉවතට ?
රොනාල්ඩෝ මේ සම්බන්ධයෙන් මාධ්‍ය වෙත ප්‍රකාශ කර තිබුණේ කළමනාකරු එරික් ටෙන් හැග් සහ අනෙකුත් ජ්‍යෙෂ්ඨ විධායකයින් ඔහුව සමාජයෙන් බලහත්කාරයෙන් ඉවත් කිරීමට උත්සාහ කරන බවයි.
සුප්‍රසිද්ධ පාපන්දු තරුවක් වන ක්‍රිස්ටියානෝ රොනාල්ඩෝ පවසන්නේ මැන්චෙස්ටර් යුනයිටඩ් විසින් තමා සංචිතයෙන් ඉවත් කළ බවත්, තමා පාවාදීමකට ලක්වූ බවත්ය.
රොනාල්ඩෝ මේ සම්බන්ධයෙන් මාධ්‍ය වෙත ප්‍රකාශ කර තිබුණේ කළමනාකරු එරික් ටෙන් හැග් සහ අනෙකුත් ජ්‍යෙෂ්ඨ විධායකයින් ඔහුව සමාජයෙන් බලහත්කාරයෙන් ඉවත් කිරීමට උත්සාහ කරන බවයි.
පස් වතාවක් බැලන් ඩි ඕර් ජයග්‍රාහකයා වු රොනාල්ඩෝ මේ වන විට සංචිතයේ පරිධියේ චරිතයක්ව ඇත. යුනයිටඩ්හිදී රොනාල්ඩෝ ප්‍රිමියර් ලීග් ශූරතා තුනක්, චැම්පියන්ස් ලීග් සහ ඔහුගේ පළමු බැලන් ඩි ඕර් කිරුළ දිනා ගැනීමට සමත් විය. මේ සම්බන්ධයෙන් සම්මුඛ සාකච්ඡාවකදී ටෙන් හැග් ගැන රොනාල්ඩෝ පැවසුවේ “ඔහු මට ගෞරවය නොපෙන්වන නිසා මට ඔහු කෙරෙහි ගෞරවයක් නැත. යනුවෙනි.
ඔහුගේ හිටපු කණ්ඩායමේ සගයෙකු වූ කළමනාකරු ඔලේ ගුන්නාර් සොල්ස්ක්ජයර් වෙනුවට පසුගිය වාරයේදී රැල්ෆ් රැන්ග්නික් සමඟ ක්‍රීඩා කිරීමට සමාජය ගත් තීරණය ගැන සඳහන් කළ රොනාල්ඩෝ පැවසුවේ සමාජය ඔලේ නෙරපා හැරීමෙන් පසු, ඔවුන් ක්‍රීඩා අධ්‍යක්ෂ රැන්ග්නික් ගෙන ඒම කිසිවෙකුට නොතේරෙන දෙයක් බවත්, ඔහු පුහුණුකරුවෙකු නොවන බවත් මැන්චෙස්ටර් යුනයිටඩ් වැනි විශාල සමාජයක් ක්‍රීඩා අධ්‍යක්ෂවරයකු ගෙන එන්නේ මා පමණක් නොව මුළු ලෝකයම මවිත කරමින් බවයි.
පසුගිය වාරයේ සියලුම තරඟවලදී ඔහුගේ ගෝල 24 තිබියදීත්, යුනයිටඩ් ප්‍රිමියර් ලීගයේ හයවන ස්ථානයට පත් වූ අතර චැම්පියන්ස් ලීගයට සුදුසුකම් ලැබීමට අපොහොසත් විය.
පසුව වාර්තා වන පරිදි රොනාල්ඩෝ මෙම වාරය ආරම්භයට පෙර කණ්ඩාවමෙන් ඉවත් වීමට සැළසුම් කළ නමුත් වෙනත් සමාජයක් සමඟ එකඟතාවයකට පැමිණීමට නොහැකි වී ඇත.
සශිකලා මධුෂාණී_
