අර්සලා සුළි කුණාටුවෙන් පිලිපීන වැසියන් මිලියන 2ක කට පීඩා

නත්තල් සමයේදී පිලිපීනයට බලපෑ බලවත් සුළි සුළඟකින් මියගිය සංඛ්‍යාව 47 දක්වා ඉහළ ගොස් ඇති අතර තවත් 9 දෙනෙකු තවමත් අතුරුදහන් වී ඇතැයි බලධාරීහු අද උදෑසන ප්‍රකාශ කළහ.

මෙම අර්සලා සුළි කුණාටුව හේතුවෙන් අධික වර්ෂාව සහ කුණාටු ඇති වූ අතර ඒ හේතුවෙන් දෙසැම්බර් 24 වන දින නැගෙනහිර සමාර් පළාතේ නායයෑම් ඇති විය. එය පළවන කාණ්ඩයේ සුළි කුණාටුවකට සමාන වන අතර පැයට කිලෝමීටර් 150 (සැතපුම් 93) ක සුළං වේගයකින් ගමන් කරයි.

නත්තල් දිනයේදී එය නැගෙනහිර විසාස් කලාපයේ, දකුණු ලුසොන් සහ බටහිර විසාස්හි දූපත් හරහා බටහිර දෙසට ගසාගෙන ගිය අතර, එවන් බහුතර කතෝලික ජනතාවක් වෙසෙන කලාපයක කාර්යබහුල නත්තල් සමය තුළ පුළුල් ලෙස සංචාරක බාධා ඇති කළේය.

මිලියන 2 කට ආසන්න ජනතාවක් පීඩාවට පත්ව ඇති අතර නිවාස 378,000 කට වැඩි ප්‍රමාණයක් විනාශවී ඇත. තවද 143 දෙනෙකු තුවාල ලබා ඇති බව පිලිපීන ජාතික ආපදා අවදානම් අවම කිරීමේ හා කළමනාකරණ කවුන්සිලය සඳුදා ප්‍රකාශ කළේය. මෙම සුළි කුණාටුවෙන් ඩොලර් මිලියන 21.3 ක් පමණ යටිතල පහසුකම් හා කෘෂිකර්මාන්තයට හානි සිදුව ඇත.