×

හජ් වන්දනාකරුවන්ට නීතිවිරෝධී ලෙස ගමන් කිරීමට පහසුකම් සැලසු සංචාරක සමාගම් 16ක බලපත්‍ර අහෝසි කෙරේ

2019 සිට සෞදි අරාබිය සාමාන්‍ය සංචාරක වීසා බලපත්‍රයක් හඳුන්වා දීමෙන් අනතුරුව මෙම අවිධිමත් මාර්ග වඩ වඩාත් ජනප්‍රිය විය.


සටහන: සශිකලා මධුෂාණි, ජුනි 23,
ලෝකය (අවුට්බවුන්ඩ් ටුඩේ) : හජ් වන්දනාකරුවන්ට නීතිවිරෝධී ලෙස මක්කම යාම සඳහා පහසුකම් සැලසීම සම්බන්ධයෙන් සංචාරක සමාගම් 16ක බලපත්‍ර අහෝසි කිරීමටත්, එම සමාගම්වල කළමනාකරුවන් රජයේ අභිචෝදක කාර්යාලය වෙත යොමු කරන ලෙසත් ඊජිප්තු අගමැති මොස්ටාෆා මැඩ්බුලි නියෝග කර ඇති බව එරට කැබිනට් මණ්ඩලය නිවේදනය කර තිබේ.

මෙම වසරේ අධික උෂ්ණත්වය හේතුවෙන් හජ් වන්දනාවේ නිරත වූ උද්ගලයන් 1,100ක් පමණ මියගොස් ඇති අතර ඉන් 658කුම ඊජිප්තු ජාතිකයන්ය. මියගිය ඊජිප්තු ජාතිකයන්ගෙන් 630 ලියාපදිංචි නොකළ වන්දනාකරුවන් බව අරාබි රාජ්‍ය තාන්ත්‍රිකයින් මේ සතිය මුලදී AFP පුවත් සේවයට පැවසීමෙන් අනතුරුව ඊජිප්තු අගමැතිවරයා මෙම නියෝගය ලබා දී තිබේ.

හජ් බලපත්‍ර කෝටා ක්‍රමයක් මත රටවල් සඳහා වෙන් කරන අතර අක්‍රමවත් මාර්ග හරහා වන්දනාකරුවන්ට ඩොලර් දහස් ගණනක් ඉතිරි කර ගත හැකිය. 2019 සිට සෞදි අරාබිය සාමාන්‍ය සංචාරක වීසා බලපත්‍රයක් හඳුන්වා දීමෙන් අනතුරුව මෙම අවිධිමත් මාර්ග වඩ වඩාත් ජනප්‍රිය විය.



#OutboundToday
Borders may divide us, but hope will unite us
මායිම් අප වෙන් කළ ද, බලාපොරොත්තුව අප එක්කරයි