×

දකුණු ඉතාලියේ නැව් දෙකක් අනතුරට ලක් වීමෙන් 11 දෙනෙකු මරුට; 60 දෙනෙකු අතුරුදන්

2014 වසරේ සිට සංක්‍රමණිකයන් 23,500 කට වැඩි පිරිසක් එහි ජලයෙන් මිය ගොස් හෝ අතුරුදහන් වී ඇත.


සටහන: සශිකලා මධුෂාණි, ජුනි 18,
ලෝකය (අවුට්බවුන්ඩ් ටුඩේ) : දකුණු ඉතාලියේ වෙරළට ඔබ්බෙන් නැව් දෙකක් අනතුරට ලක්වීමෙන් අවම වශයෙන් පුද්ගලයින් 11 දෙනෙකු මිය ගොස් 60 කට වැඩි පිරිසක් අතුරුදහන් වී ඇති බව ජර්මානු පුණ්‍යායතනයක් වන RESQSHIP සඳහන් කර තිබේ.

RESQSHIP විසින් ලැම්පෙඩුසා දූපත අසල ගිලෙමින් තිබූ ලී බෝට්ටුවකින් පුද්ගලයින් 51 දෙනෙකු බේරාගෙන තිබු අතර එදිනම සිරියාව, ඊජිප්තුව, පකිස්ථානය සහ බංග්ලාදේශයේ සංක්‍රමණිකයන් රැගත් බෝට්ටුවක් ද අනතුරකට ලක්ව පුද්ගලයන් 60 කට වැඩි පිරිසක් අතුරුදහන් වී ඇති අතර, ඔවුන්ගෙන් 26 දෙනෙකු ළමයින් යැයි විශ්වාස කෙරේ.

දිවි ගලවා ගත් අය ඉතාලි වෙරළාරක්ෂක බලකාය වෙත භාර දී ඇති අතර අතුරුදන් වූ පුද්ගලයන් සොයා වෙරළ ආරක්ෂක බලකාය තවදුරටත් කටයුතු කෙරේ.

මධ්‍යධරණී මුහුද යනු ලොව ඇති මාරාන්තිකම සංක්‍රමණ මාර්ගය වන අතර එක්සත් ජාතීන්ගේ දත්ත වලට අනුව 2014 වසරේ සිට සංක්‍රමණිකයන් 23,500 කට වැඩි පිරිසක් එහි ජලයෙන් මිය ගොස් හෝ අතුරුදහන් වී ඇත.



#OutboundToday
Borders may divide us, but hope will unite us
මායිම් අප වෙන් කළ ද, බලාපොරොත්තුව අප එක්කරයි