BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

හිටපු දකුණු අප්‍රිකානු පාපන්දු ශූරී මාර්ක් බැචෙලර් ඝාතනයට ලක්වේ!

දකුණු අප්‍රිකානු හිටපු පාපන්දු ශුරයකු වන මාර්ක් බැචෙලර් පසුගිය සඳු දින නාඳුනන තුවක්කුකරුවකු විසින් වෙඩි තබා ඝාතනයට ලක්කර ඇත.

මෙම ශෝකජනක පුවත ආරංචි වන්නේ දකුණු අප්‍රිකාවෙනි. එරට හිටපු පාපන්දු ශුරයකු වන මාර්ක් බැචෙලර් පසුගිය සඳු (15) දින ජොහැන්සන්බර්ගි ඔහුගේ නිවස අසල වෙඩි තබා ඝාතනයට ලක්කර ඇත.

මෙම පුවත සැලවීමත් සමඟ සමාජ මාධ්‍යජාල ඇතුළු දකුණු අප්‍රිකානු ජනතාව තම ඉමහත් ශෝකය ප්‍රකාශ කරනු දක්නට ලැබිණි.

පසුගිය සඳු දින සනද්‍යාවේ බැචෙලර් ජොහැන්ස්බර්ග් හි පිහිටි තම නිවසේ සිටි අතරවාරයේ නාඳුනන තුවක්කුකරුවකු විසින් එල්ල කළ වෙඩිපහරකින් ඔහු ජීවිතක්ෂයට පත්ව ඇත. එරට බලධාරීන් පවසන අන්දමට ඉතා සූක්ෂමව මෙම වෙඩිපහර එල්ල කර ඇති අතර, පහර එල්ල කළ ඉලක්කය අනුව පළපුරුදු අපරාධකරුවකු විසින් මෙම වෙඩිප්‍රහාරය එල්ල කර ඇති බවට නිගමනය වී ඇත.

දකුණු අප්‍රිකානු මාධ්‍ය වාර්තා කරන අන්දමට වෙඩිකරු විසින් බැචෙලර් හට වෙඩිපහර කිහිපයක් ම එල්ල කර ඇති අතර, තහවුරු නොකළ මාධ්‍ය වර්තා කරන්නේ, ඉතා කෙටි දුරක සිට වෙඩිපහර හතක් ඔහු වෙත එල්ල කර ඇති බවයි.

හිටපු පාපන්දු ශූරී බැචෙලර් ගේ මිනීමැරුම සම්බන්ධයෙන් කඩිනම් විමර්ශණ ආරම්භ වනු ඇති බවට එරට බලධාරීන් පවසන ලදී.

මාර්ක් බැචෙලර් ඔර්ලන්ඩෝ පයිරට්ස්, මොරොකා ස්වලෝස්, කෙයිසර් චීෆ්ස් ඇතුළු දකුණු අප්‍රිකානු පාපන්දු ක්‍රීඩා කණ්ඩායම් කිහිපයක් සඳහා ම තරඟ වැද ඇති ක්‍රීඩකයෙකි. එරට ජාතික පාපන්දු ක්‍රීඩා කණ්ඩායම වන බෆානා බෆානා කණ්ඩායම වෙනුවෙන් ද තරඟ වැද කීර්තියක් ලබා ඇති බැචෙලර් මිය යන විට 58 වියෙහි පසුවිය.

එරට පොලිසිය වාර්තා කරන අන්දමට, වෙඩිපහර ඔහුගේ නිවසේ ජනේලය හරහා එල්ල වී ඇති අතර, එම ස්ථානයේදීම ඔහු ජීවිතක්ෂයට පත්ව ඇත.

මෙම මිනීමැරුම කුමන අරමුණකින් සිදු කළේද යන්න තවමත් අපැහැදිලි අතර, මේ වන තුරුත් සැකකරු හඳුනාගෙන නොමැති බවත්, විමර්ශණ කටයුතු වලින් නුදුරේදීම හඳුනා ගනු ඇති බවටත් පොලිසිය පවසන ලදී.

බැචෙලර් ගේ හදිසි මරණය එරට මෙන්ම ලොව පුරා සමාජ මාධ්‍ය ජාල තුළ පැතිර ගිය අතර, බොහෝ දෙනාගේ ශෝකයට තුඩු දුන් සිදුවීමක් විය. මෙම අපරාධයට යුක්තිය ඉටු කරන මෙන් ඉල්ලා බැචෙලර් ගේ මිතුරන් මෙන්ම බොහෝ සමාජ මාධ්‍ය ජාල ක්‍රියාකරුවෝ එරට බලධාරීන් හට බල කර සිටිති.

ඒ අතරම, තවත් පිරිසක් චෝදනා නඟන්නේ දකුණු අප්‍රිකාවේ වෙඩිපහර කා මිනිසුන් මියයාම සුලභ සිදුවීමක් බවත්, ජනතාවගේ ආරක්ෂාව පිළිබඳ එරට රජය නිසි පියවර නොගෙන තිබීම නිසා මෙවන් අවාසනාවන්ත සිදුවීම් රටපුරා වාර්තා වන බවත් ය.


HIV සහ AIDS අතර වෙනස දන්නේ නැති එංගලන්තේ අගමැති.. අපි නම් එහෙම නෑ නේද යාලු!

පිහි ඇනුම් ත්‍රස්ත ප්‍රහාරයකින් මිය ගිය – සත්ව සුබ සාධනය සහ මහජන සේවය සඳහා කැප වූ බ්‍රිතාන්‍ය මන්ත්‍රීවරයා: ශ්‍රීමත් ඩේවිඩ් ආමස්

ඇමසන් ඉඩම් ෆේස්බුක් මගින් අලෙවි කළ නොහැක

ෆේස්බුක් සමාගම සුඩානයේ ගිණුම් රැසක් අක්‍රිය කරයි

ජාත්‍යන්තර ක්‍රීඩිකා ඇග්නස් ටිරොප් ඝාතනය කරේ

ලන්දේසි ඔටුන්නට සමරිසි විවාහයක් උරුමකම් කියයි ද?

කොලොම්බියාවේ නව රෝගී තත්ත්වයක් පිළිබඳව දැඩි අවධානයකින්

ඉන්දියානු අදානි සමාගම ඉරානය, පකිස්ථානය හා ඇෆ්ගනිස්ථානයෙන් බහාලුම් සිදුකිරීම නවතයි

error: Content is protected !!
error: Content is protected !!