×

යුරෝපා සංගමේ විරෝධය නොසලකා හංගේරියාවේ ඕර්බන් රුසියාවේදී පුටින් හමුවෙයි

පුටින්ගේ සමීපතම යුරෝපීය නායකයා ලෙස සැලකෙන ඕර්බන්, යුක්රේනය සඳහා මූල්‍ය සහ මිලිටරි ආධාර සහ රුසියාවට සම්බාධක පැනවීම සඳහා සාමාජිකයින් 27 දෙනෙකුගෙන් යුත් කණ්ඩායම විසින් දරන උත්සාහයන් නිතිපතා අවහිර කර ප්‍රමාද කර ඇත.


සටහන : සශිකලා මධුෂාණි
ජුලි 06, ලෝකය(අවුට්බවුන්ඩ් ටුඩේ) : යුරෝපා සංගමේ විරෝධත්වය නොසලකා හංගේරියානු අගමැති වික්ටර් ඕර්බන් මොස්කව්හිදී රුසියානු ජනාධිපති ව්ලැඩිමීර් පුටින් හමුව ඇති බව විදෙස් මාධ්‍ය වාර්තා කර තිබේ.

එම හමුවෙන් අනතුරුව මාධ්‍ය වෙත අදහස් දක්වමින් රුසියානු ජනාධිපතිවරයා සඳහන් කර තිබුණේ, යුක්රේන තත්වය සම්බන්ධයෙන් සාකච්ජා කළ බවත්, අවංක හා ප්‍රයෝජනවත් සාකච්ජාවක් සිදුකල බවත්, ඕර්බන් යුරෝපීය කවුන්සිලයේ නියෝජිතයෙකු ලෙස මොස්කව් වෙත පැමිණි බවත්ය.

මේ සම්බන්ධයෙන් යුරෝපා සංගමය දැඩි ලෙස සිය විරෝධය ප්‍රකාශ කර තිබු අතර විදේශ කටයුතු ප්‍රධානී Josep Borrell පැවසුවේ හංගේරියානු නායකයා කිසිදු විටක මොස්කවුහිදී යුරෝපා සංගමය නියෝජනය නොකළ බවත්, එය සෘජුවම හංගේරියාව හා රුසියාව අතර ගනුදෙනුවක් වන බවත්ය.

පුටින්ගේ සමීපතම යුරෝපීය නායකයා ලෙස සැලකෙන ඕර්බන්, යුක්රේනය සඳහා මූල්‍ය සහ මිලිටරි ආධාර සහ රුසියාවට සම්බාධක පැනවීම සඳහා සාමාජිකයින් 27 දෙනෙකුගෙන් යුත් කණ්ඩායම විසින් දරන උත්සාහයන් නිතිපතා අවහිර කර ප්‍රමාද කර ඇත.



#OutboundToday
Borders may divide us, but hope will unite us
මායිම් අප වෙන් කළ ද, බලාපොරොත්තුව අප එක්කරයි