×

මුසෝලිනීගේ මිණිපිරිය ජාතිවාදය ගැන කතා කරයි – ට්විටර් යුද්ධයක් අරඹයි.

දෙවන ලෝක යුධ සමයේ ඉතාලියේ ආඥාදායකයා වූ බෙනීටෝ මුසෝලිනීගේ මිණිපිරිය වන ඇලෙස්සැන්ඩ්‍රා මුසෝලිනී, කලාකරු ජිම් කෙරීට එරෙහිව යුද්ධ ප්‍රකාශ කර තිබේ.


මෙයට මුල් වී තිබෙන්නේ ප්‍රහසන නළුවෙකු මෙන්ම කාටුන් ශිල්පියෙකු ද වන ඇමරිකානු ජාතික ජිම් කෙරී විසින් ට්වීට් කර තිබෙන පින්තූරයකි. එහි දැක්වෙන්නේ බෙනීටෝ මුසෝලිනී සහ ඔහුගේ පෙම්වතිය සේ සැලකෙන ක්ලැරෙටා පෙටාසි පාදවලින් එල්ලා මරා දමා තිබූ ආකාරයයි.

“If you’re wondering what fascism leads to, just ask Benito Mussolini and his mistress Claretta.”

‘‘ෆැසිස්ට්වාදයෙන් අවසානයේ සිදුවන්නේ කුමක්දැයි ඔබට දැනගන්නට උවමනා නම් බෙනීටෝ මුසෝලිනී සහ ඔහුගේ හොර අඹුව ක්ලැරෙටාගෙන් අහන්න“ යැයි එහි සඳහන් වේ.

1945 අප්‍රේල් 28 වැනිදා, නාසි ආඥාදායක ඇඩොල්ෆ් හිට්ලර්ගේ මරණය සිදුවූ බවට කියන දිනට දවස් 2කට පෙර මුසෝලිනී සහ ක්ලැරෙටා පෙටාසි කොමියුනිස්ට් පාක්ෂිකයන් විසින් අල්ලාගෙන වෙඩි තබා මරා දමන ලදී. පසුව ඔවුන්ගේ මළ සිරුරු එල්ලා තිබුණේ ඒ අන්දමිනි.

මුසෝලිනීගේ මිණිපිරිය කියන කතාව

මෙම ට්විටර් සටහන පිළිබඳ කරුණු දක්වමින් ඇලෙස්සැන්ඩ්‍රා මුසෝලිනී කියා තිබෙන්නේ ජිම් කෙරී යනු ‘අවජාතකයෙකු‘ (bastard) බවයි.

ඒ, ජිම් කෙරීට විරුද්ධව ‘ට්විටර් යුද්ධයක්‘ ආරම්භ කරමිනි. ඇමරිකානු ඉතිහාසයේ මතභේදාත්මක අවස්ථා ගණනාවක් සිහි ගන්වමින් ඇය විසින් පිළිතුරු ට්විටර් මාලාවක් පළ කර තිබේ.

රෝසා පාක් රෂ්මෝර් කන්ද පාමුල සිටගෙන සිටින ආකාරය, ඇමරිකාවේදී මරා දැමෙන ස්වදේශික උරුමය, හත්තක ආකාරයෙන් දිස්වෙන පිපිරී ගිය පරමාණු බෝම්බයක් යනාදිය ඇය විසින් එහිදී ප්‍රතිප්‍රහාර ලෙස යොදාගෙන තිබේ.

මුසෝලිනීගේ මිණිපිරිය යනු කවුද?

රොබර්ටෝ මුසෝලිනීගේ මිණිපිරිය වන ඇලෙස්සැන්ඩ්‍රා මුසෝලිනී අතීතයේ නිළියකි. ඉන්පසු ඇය දේශපාලනයට පිවිසි අතර මේ වන විට ඉතාලියේ පාර්ලිමේන්තු මන්ත්‍රිීවරියක ද වේ. 56 හැවිරිදි ඇය ඉතාලියේ මධ්‍ය දක්ෂිණාංශික Forza Italia පක්ෂයේ ප්‍රබල සාමාජිකාවකි.

GQ

එසේම ඇය ජනපති ට්‍රම්ප්ගේ අන්තවාදීත්වයට සහාය දක්වන්නියක ලෙස ද ප්‍රකට ය.

මේ අතර “Ace Ventura: Pet Detective”, “The Truman Show” සහ “Liar, Liar”වැනි ප්‍රහසන චිත්‍රපටවලින් ලෝක ප්‍රසිද්ධියට පත් ජිම් කේරි ට්‍රම්ප්ගේ ජාතිවාදී, අන්තවාදී ස්වභාවයට එරෙහිව දැඩි මත ප්‍රකාශ කරන්නෙකු ලෙස ප්‍රකට ය.

copyright REUTERS Alessandro Bianchi
ජිම් කේරි| copyright REUTERS Alessandro Bianchi

ජිම් කේරිට එරෙහිව මුසෝලිනීගේ මිණිපිරිය විසින් ට්විටර් යුද්ධයක් ආරම්භ කළ විට කේරිගේ සහායට ඉවාන් ඕ.කොනෙල් වැනි දේශපාලක විශ්ලේෂකයන් ද පැමිණ සිටියහ. ඔහු ඇලෙස්සැන්ඩ්‍රාට පිළිතුරු ට්විටයක් මෙසේ ලබා දෙයි.

‘‘මම හිතන්නෙ ඔබ, ඔබේ මිනීමරු සීයා නිසා ජිම් කේරි ව වික්ෂිප්ත කරනවා..“

‘‘මගේ සීයා ඔබේ සීයා වැනි අයගෙන් යුරෝපය ට විමුක්තිය ලබාදෙන්නට සටන් වැදුණා.“ යැයි ද ඕ‘කොනෙල් කියන්නේ, මුසෝලිනීගේ පහත ප්‍රකට පාඨයෙන්ම ඇයට දමා ගසමිනි.

“Do you want applause?” - ‘‘නුඹට ඔල්වරසන් දෙන්නට අවශ්‍යද?“


#OutboundToday
Borders may divide us, but hope will unite us
මායිම් අප වෙන් කළ ද, බලාපොරොත්තුව අප එක්කරයි