ඉන්දියාවේ දෙවන පුද්ගලික රොකට්ටුවත් හඳමතට
මෙම දියත් කිරීම රටේ පුද්ගලික අභ්‍යවකාශ කර්මාන්තය කෙරෙහි ගෝලීය විශ්වාසය ශක්තිමත් කරයි.
සටහන: සශිකලා මධුෂාණි,මැයි 30,
ලෝකය(අවුට්බවුන්ඩ් ටුඩේ) : ඉන්දියාවේ අග්නිකුල් කොස්මොස් ආයතනය විසින් නිෂ්පාදනය කරන ලද අග්නිබාන් රොකට්ටුව ප්‍රථම වරට දියත් කර ඇති බව වාර්තා වේ.
මේය ඉන්දියාවේ පුද්ගලිකව නිෂ්පාදනය කරන ලද දෙවන රොකට්ටුව වන අතර මඟින් ඉන්දියාව දෙවන වරටත් සඳ තරණය කිරීම ගණනය වේ. අග්නිකුල්හි රොකට් එන්ජිම මඟින් ගෑස් සහ ද්‍රව ඉන්ධන යන දෙකම භාවිතා කර ඇති අතර මෙය අදියර දෙකක දියත් කිරීමේ වාහනයක් වේ. මෙය කිලෝ මීටර් 700 (සැතපුම් 435) පමණ කක්ෂයට කිලෝග්‍රෑම් 300 (රාත්තල් 661) දක්වා බරක් රැගෙන යා හැකිවන අතර අග්නිබාන් හි පළමු ගුවන් ගමන තාක්ෂණික ගැටළු හේතුවෙන් පසුගිය මාස දෙක තුළ සිව් වතාවක් අත්හිටුවා තිබුණි.
දකුණු ආසියානු ජාතියේ අභ්‍යවකාශ ඒජන්සිය වන ඉන්දීය අභ්‍යවකාශ පර්යේෂණ සංවිධානය (ISRO) මේ සම්බන්ධයෙන් සඳහන් කර තිබුණේ, රොකට් එන්ජිම මඟින් ගෑස් සහ ද්‍රව ඉන්ධන යන දෙකම භාවිතා කිරීම ප්‍රධාන සන්ධිස්ථානයක් වන බවයි. එමෙන්ම ඉන්දියානු අභ්‍යවකාශ සංගමය (ISpA) ප්‍රකාශ කළේ මෙම දියත් කිරීම රටේ පුද්ගලික අභ්‍යවකාශ කර්මාන්තය කෙරෙහි ගෝලීය විශ්වාසය ශක්තිමත් කරන බවයි.
ඉන්දීය අග්‍රාමාත්‍ය නරේන්ද්‍ර මෝදි පසුගිය වසර කිහිපය තුළ රටේ අභ්‍යවකාශ ක්ෂේත්‍රය පුද්ගලීකරනය සහ වාණිජ කරණය සඳහා විශාල වශයෙන් මැදිහත් විය.
ඉන්දියාවේ පුද්ගලිකව සංවර්ධනය කරන ලද පළමු රොකට්ටුව ස්කයිරූට් සමාගම විසින් 2022 දී පියාසර කරන ලදී. ඉන් අනතුරුව ඉතිහාසයට එක්වන අග්නිකුල් 2017 දී ආරම්භ කරන ලද අතර ඉන්දියාවේ පළමු පුද්ගලික දියත් කිරීමේ මධ්‍යස්ථානය සහ මෙහෙයුම් පාලන මධ්‍යස්ථානයක් ලෙස පවත්වාගෙන යයි.
