කලාපීය යුද්ධයක් අවශ්‍ය නොවන නමුත් ඊශ්‍රායලය වැළැක්විය යුතු බව ඉරානය ඇමරිකාවට අනතුරු අඟවයි
ඉරානය විසින් ඊශ්‍රායල් භූමියට එල්ල කළ මිසයිල ප්‍රහාරයට ප්‍රතිචාර දැක්වීමට ඊශ්‍රායලයට අයිතියක් ඇත.
සටහන: සශිකලා මධුෂාණි
ඔක්තෝබර් 04; ලෝකය(අවුට්බවුන්ඩ් ටුඩේ) : ඊශ්‍රායලය විසින් ඉරානයට එල්ල කරන ඕනෑම ප්‍රහාරයක් වෙනුවෙන් තමන් දැඩි ප්‍රති ප්‍රහාර එල්ල කිරීමට සුදානම් බව ඉරානය අතරමැදියෙකු හරහා එක්සත් ජනපදයට පවසා ඇති බව වාර්තා වේ.
පසුගිය බදාදා(02) ඊශ්‍රයලයට දැවැන්ත බැලස්ටික් මිසයිල ප්‍රහාර මාලාවක් එල්ල කරමින් ඉරානයේ ඉස්ලාමීය විප්ලවවාදී ආරක්ෂක බලකාය (IRGC) ප්‍රකශ කර තිබුණේ, පසුගිය සතියේ හිස්බුල්ලා ප්‍රධානී හසන් නස්රල්ලා සහ IRGC අණදෙන නිලධාරි අබ්බාස් නිල්ෆෝරූෂාන් මෙන්ම මේ වසර මුලදී හමාස් නායක ඉස්මයිල් හනියේ ඝාතනයට ප්‍රතිචාරයක් ලෙස මෙම ප්‍රහාරය එල්ල කළ බවයි.
ඊට ප්‍රතිචාර වශයෙන් විශේෂ ප්‍රකාශයක් නිකුත් කරමින් ඊශ්‍රායල අගමැති බෙන්ජමින් නෙතන්යාවු ප්‍රකශ කර තිබුණේ, ඉරානය ඉරානය අද රාත්‍රියේ විශාල වැරැද්දක් කර ඇති අතර ඒ සඳහා වන්දි ගෙවණු ඇති බවයි.
ඒ අනුව කලාපයම යුද්ධයකට හෙළ දමා ඇති ඊශ්‍රායල් ක්‍රියා කලාපය සම්බන්ධයෙන් ඉරානය කටාර් රාජ්‍යය හරහා ඇමරිකා එක්සත් ජනපදය දැනුවත් කර ඇති අතර එහිදී ජනාධිපති ජෝ බයිඩන් සඳහන් කර තිබුණේ, ඉරානය විසින් ඊශ්‍රායල් භූමියට එල්ල කළ මිසයිල ප්‍රහාරයට ප්‍රතිචාර දැක්වීමට ඊශ්‍රායලයට අයිතියක් ඇති බවයි.
