BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

හැකර්වරු නැවත ඉරාන රජයේ රෙදි ගලවති!

ඉරානයේ පීඩිත පාලනයට එරෙහිව සයිබර් අවකාශය අවදි වන හැටි...

මීට හරියටම මසකට ඉහත දී (සැප්තැම්බර් 21) ඉරානයේ මහ බැංකුව ඇතුළු රජයේ වෙබ් අඩවිවලට හැකර් ප්‍රහාරයක් එල්ල වූ අයුරුත්, එම හැකර් ප්‍රහාරය හුදෙක් කඩාකප්පල්කාරී ක්‍රියාවකින් ඔබ්බට ගිය ඉරානයේ පීඩිත පාලනයට එරෙහිව සයිබර් අවකාශයේ පිබිදීමක් ලෙස ඔවුන් අර්තනංවා ගත් අයුරු පිළිබඳවත් අපි ඔබට තොරතුරු වාර්තා කළෙමු.

මෙම හැකර් ප්‍රහාරය දියත් කර තිබුණේ ඇනෝනිමස් (Anonymous) යන දැවැන්ත හැකර් සමූහය හා සබඳතාවයක් තිබෙන්නේ යැයි කියන ස්පයිඩර් (Spid3r) යන නාමයෙන් හඳුන්වා ගන්නා හැකර් ක්‍රියාධරයන් (hacktivists) පිරිසක් විසිනි.

දැන් වාර්තා වන අන්දමට තවත් හැකර් කණ්ඩායමක් ඉරාන රජයට එරෙහිව යුධ ප්‍රකාශ කර තිබේ.

ඊයේ (ඔක්තෝබර් 21) දින, එනම් ඉරාන රජයට එරෙහි පළමු හැකර් ප්‍රහාරය එල්ල වී හරියටම මාසයක් පිරෙන දිනයේ බ්ලැක් රිවෝඩ් (Black Reward) නම් ඉරාන හැකර් කණ්ඩායම විසින් ඉරානයේ න්‍යෂ්ඨික බලශක්ති නිශ්පාදන සහ සංවර්ධන සමාගමේ (Nuclear Power Production and Development Company) විද්‍යුත් තැපෑල පද්ධතිය හැක් කිරීමට සමත්ව තිබෙන බව වාර්තා වේ.

බ්ලැක් රිවෝඩ් නම් හැකර්වරුන්ගේ කණ්ඩායම ඉරාන රජයට තර්ජනය කරමින් ප්‍රකාශ කරන්නේ මුල්ලා ප්‍රමුඛ ආණ්ඩුව විසින් ගෙන යනු ලබන පිළිකුල් සහගත න්‍යෂ්ඨික ව්‍යාපෘති (dirty nuclear project of the Mullahs’ regime) පිළිබඳව තොරතුරු පිටතට දමන බවයි.

ඉරාන රජයට එරෙහිව එරට ගෙන යන දැවැන්ත ජන අරගල හමුවේ අත්අඩංගුවට පත් දේශපාලන සිරකරුවන් එළඹෙන පැය 24 ඇතුළත නිදහස් නොකරන්නේ නම් මෙකී න්‍යෂ්ඨික ව්‍යාපෘති පිළිබඳ තොරතුරු පිටතට දමන බවයි එම හැකර් කණ්ඩායම තර්ජනාත්මක ස්වරයෙන් පවසන්නේ.

මීට අදාළව ඡායාරූප පෙළක් ද එම හැකර් කණ්ඩායම විසින් සිය නිල සමාජ මාධ්‍ය ගිණුම්වල පළකර තිබේ.

සබැඳි පුවත්:


‘කර්සෝන්’ අසරණ වෙයි!

ඉරානයේ රාජ්‍ය මර්දනය මැද එක්සත් ජාතීන් හමුවක් ඉල්ලයි – ඉරානය නිශ්ශබ්දයි!

යුක්රේනයේ අත්අඩංගුවට පත් රුසියානු සොල්දාදුවන් 50 දෙනෙකු යළි රුසියාවට!

යුක්රේන රෝහලක දී අලුත උපන් කිරිසප්පයෙක් තම ජීවිතයට සමු දෙයි!

රිදී තිරයේ ‘මයිකල් මයර්ස්’ භීතිකාවට මුල්ගල් තැබූ ජේම්ස් වින්බර්න් දිවිසැරිය නිමාකරයි!

ඉන්දුනීසියාවේ භූමිකම්පාව හේතුවෙන් මිය ගිය සංඛ්‍යාව 162 දක්වා ඉහළට

ඉන්දුනීසියාවේ රික්ටර් මාපකයේ 5.6 ක භූමිකම්පාවක්; මිය ගිය සංඛ්‍යාව 56 දක්වා ඉහළට

සමරිසි සමාජ ශාලාවකට නැවත වරක් වෙඩි ප්‍රහාරයක්. පස් දෙනෙකු මරුට!

error: Content is protected !!
error: Content is protected !!