BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

මාහ්සාට යුක්තිය ඉල්ලා කරන අරගලය ගැන ආණ්ඩුව කියන කතාව!

හිජාබයයි ඉරානයේ සංවර්ධන ව්‍යාපෘතියි අතර තිබෙන සම්බන්ධය කුමක් ද? මාෂා ගේ මරණය ගැන ඉරානයේ අතිඋතුම් නායකතුමාගේ ලොජික් එක..

ඉකුත් දින ඉරාන ආගමික සදාචාර පොලීසියේ (Religious Morality Police) රැඳවුම්භාරයේ සිටියදී අභිරහස් ලෙස මරණයට පත්වූ මාහ්සා අමීනිට යුක්තිය ඉල්ලා ඉරාන රජයට විරුද්ධව රැගෙන යන ජන අරගලය දිනෙන් දින ශක්තිමත් වෙමින් පවතී.

මෙම ජන අරගලයට පිළිබඳව ඉරානයේ අතිඋතුම් නායක අයතොල්ලා අලි ඛමෙනෙයි පවසන්නේ, මෙම අරගල ඉරානයේ නවමු සංවර්ධන වැඩපිළිවෙල සහ ව්‍යාපෘති අඩපණ කිරීම සඳහා සතුරා විසින් නිර්මාණය කරන ලද කඩාකප්පල්කාරී කැරැල්ලක් බවයි.

ඉරානයේ අර්ධ රාජ්‍ය පුවත් සේවයක් වන තස්නිම් අද (12) දින වාර්තා කරන අන්දමට, මෙම ජන අරගල ඉරාන දේශයේ විශිෂ්ටත්වය විනාශ කිරීම සඳහා සතුරා විසින් නිර්මාණය කරන ලද බොලඳ සහ සක්‍රිය නොවන කැරලි බව එරට අයතොල්ලා නායකතුමා පවසා සිටියි.

පසුගිය සති කිහිපය පුරාවටම ඉරාන රජයට විරෝධය පාමින් ජන අරගල දියත් වෙමින් පැවතිය අතර, මීට ප්‍රධාන හේතුව වී තිබුණේ එරට රජයේ මර්දනකාරී ක්‍රියාපිළිවෙතයි.

ඉරානයේ ඉස්ලාම් ආගමික පිළිවෙත් නිවැරදිව අනුගමනය නොකිරීම මත අත්අඩංගුවට පත්ව ඉකුත් සැප්තැම්බර් 16 වන දින සැකසහිත හේතු මත මරණයට පත්වූ මාහ්සා අමීනි නම් 22 හැවිැරිදි තරුණිය වෙනුවෙන් මෙම ජන අරගල තවතවත් උත්සන්න විය.

ඉරාන ආගමික සදාචාර පොලීසිය විසින් මාහ්සා අත්අඩංගුවට ගැනෙන්නේ ඈ හිජාබය නිවැරදිව පැළඳ නොසිටීමේ චෝදනාව මතය. හිජාබය පැළඳීමේදී හිසකේ පිටතට විවෘත වන සේ ඈ එම ඇඳුම හැඳ සිටීම මත ඈ අත්අඩංගුවට පත් විය.

ඉකුත් සැප්තැම්බර් 16 වන දින මාහ්සා අමීනි මියයන්නේ ඉරානයේ ටෙහෙරාන් අගනුවර රෝහලක ය. ඇගේ මරණය සැකසහිත බවත් ඈ පෙනී සිටි දෑ වෙනුවෙන් ඈට ජීවිතයෙන් වන්දි ගෙවීමට සිදුවූ බවත් අරගලකරුවෝ පෙන්වා දෙති.

මාහ්සා ගේ පවුලේ සාමාජිකයන්ට මේ වන විට මරණ තර්ජන පවා එල්ල වන බව ඈගේ ඥාති සහෝදරයන් විදෙස් මාධ්‍ය වෙත අනාවරණය කර තිබේ.

Isuru Parakrama

ඡායාරූප :  අන්තර්ජාලය 

සබැඳි ලිපි :


‘Strep A’ නව බැක්ටීරියා ආසාදනය වීමක් හේතුවෙන් එක්සත් රාජධානියේ ළමුන් හය දෙනෙකු මිය යයි.

ප්‍රචණ්ඩත්වය වැපිරීම හා උසිගැන්වීම සම්බන්ධයෙන් මස්ක් කන්යේ වෙස්ට්ගේ ටුවිටර් ගිණුම අත්හිටුවයි.

එක්සත් ජනපදය පකිස්ථාන සන්නද්ධ කණ්ඩායම් සාමාජිකයන් ‘ත්‍රස්තවාදීන්’ ලෙස නම් කරයි

ස්පාඤ්ඤයට එරෙහි පාපන්දු සටනේ ජය ජපානයට.

නිව් යෝර්ක් සහ සිංගප්පූරුව ලෝකයේ ජීවන වියදම් ඉහළම නගර ලැයිස්තුවේ ඉහලින්ම

කෲර යුද්ධයෙන් අවතැන් වූ යුක්රේනයට සහාය දැක්වීමට එක්සත් ජනපදය සහ ප්‍රංශය ප්‍රතිඥා දේ.

ඇෆ්ගනිස්ථානයේ පාසල් බෝම්බ ප්‍රහාරයකින් 15 දෙනෙකු මියගොස් 20 දෙනෙකුට තුවාල

චීනයේ ප්‍රබල කොමියුනිස්ට් සටන්කරුවෙකු වූ හිටපු ජනපති ජියැං සෙමින් මිය යයි.

error: Content is protected !!
error: Content is protected !!