ඔස්ට්‍රියාවේ වියනා ත්‍රස්ත ප්‍රහාරයේ වගකීම ISIS සංවිධානය භාර ගනියි
පස් දෙනෙකුට මරු කැඳවමින් ඔස්ට්‍රියාවේ වියනා නගරයට එල්ල වූ ත්‍රස්ත ප්‍රහාරයේ වගකීම ISIS සංවිධානය විසින් භාරගෙන තිබේ.
ප්‍රොපගැන්ඩා ප්‍රකාශයක් සිදුකරමින් ISIS සංවිධානය පැවසුවේ ‘‘මහම්මද්තුමාගේ රාජ්‍යයේ සොල්දාදුවෙකු‘ විසින් ‘‘කුරුස යුද්ධ කාරයන්‘‘ 30 දෙනෙකු මරාදැමීම හෝ තුවාළ කිරීම සිදුකර ඇති බවයි.
මෙම ප්‍රහාරය සිදුකළ කුජ්තිම් ෆෙස්ජුලායි ඊට සුළු වේලාවකට පසු වියනා පොලිසිය විසින් වෙඩි තබා මරා දැමිණි.
ඝාතනයන් සිදුකිරීමට පෙර ඝාතකයා සිය ව්‍යාජ නාමය වූ අබු ඩුජානා අල්-ඇල්බානි යන්නෙන් ඉන්ස්ටර්ග්‍රෑම් හරහා අයිසිස් සංවිධානයට සිය සහයෝගය ද පළ කර තිබේ.
මෙම 20 හැවිරිදි ඝාතකයා සිරියානු කණ්ඩායමක් සමග සම්බන්ධ වීමට උත්සාහ ගැනීමේ චෝදනාව මත පසුගිය වසරේදී සිරගත වී, ඉන්පසු පසුගිය වසරේ දෙසැම්බර් මාසයේදී සිරෙන් නිදහස් වූවෙකි.
එසේ සිර දඬුවම අවසන් කරගෙන තිබෙන්නේ ‘‘deradicalisation‘‘ හෙවත් රැඩිකල්භාවයෙන් තොරවීමේ වැඩසටහනක් සාර්ථක ලෙස අවසන් කිරීමෙන් පසුව බව ද කියැවේ.
එහිදී ඔහු තමන්ව තර්ජනයක් සේ තවදුරටත් නොසැලකිය යුතු බව බලධාරීන්ට අවධාරණය කිරීමට ද සමත් වී තිබේ.
අයිසිස් සංවිධානය ෆෙජුලායි විසින් සිය නායකයා වූ අබු ඉබ්‍රාහිම් අල් හෂාමි-අල් ක්වාෂි වෙත සිය පක්ෂපාතිත්තවය දිවුරන අරාබි බසින් දිවුරන ආකාරය දැක්වෙන වීඩියෝවක් ද නිකුත් කර තිබේ.
එම වීඩියෝවේදී ඔහු සැරසී සිටින්නේ ස්වයංක්‍රීය රයිෆලයක්, අත්තුවක්කුවක් සහ මචෙටි වර්ගයේ විශාල පිහියකිනි.
ප්‍රහාරය සිදුකරන අවස්ථාවේදී ඔහු සන්නද්ධව සිටියේ ද මේ ආයුධවලින් බව හෙළි වේ.
ව්‍යාජ සුයිසයිඩ් බැනියමක් ද හැඳසිටි ෆෙජුයිලායි, මරාගෙන මැරෙන ත්‍රස්තවාදීන් මීට පෙර සිදුකර ඇති උපායන් බොහොමයක් වින්දිතයන් බියවැද්දවීම සඳහා යොදාගෙන තිබිණි. මේ අනුව ඔහුගේ මෙම ප්‍රහාරය එක්සත් රාජධානියේ සහ සෙසු රටවල සිදුවූ මරාගෙන මැරෙන ප්‍රහාරවලට බොහෝ දුරට සමාන කම් ගනියි.
ඔස්ට්‍රියාවේ වියනා අගනුවර රාත්‍රියේ ඇවිදිමින් සිටින අය ඉලක්ක කරගත් ඝාතකයා පුද්ගලයන් පස් දෙනෙකු මරා දමා ඇති අතර, 22 දෙනෙකුට තුවාළ සිදුකර ඇත.
තුවාළ ලද අය අතර පොලිස් භටයක් සහ ජර්මානු පුරවැසියෙක් ද සිටිති.
ඔස්ට්‍රියාවේ චාන්සලර් සෙබස්තියන් කර්ස් (Sebastian Kurz) ද වින්දිතයන්ට අවසන් ගෞරවය දැක්වීම සඳහා එක් වී සිටියේය.
සෙබස්තියන් කර්ස් (Sebastian Kurz) තරුණ චාන්සලර්වරයා මිය ගිය අයට අවසන් ගෞරවය දක්වමින්
2019 වසරේදී ෆෙජ්සුලායි වෙනුවෙන් පෙනී සිටි නීතීඥයා මෙසේ පවසයි. ‘‘ඔහු මට හමුවන විට සමාජයේ තමන්ගේ තැන සොයමින් ගිය අයෙක්. පේන විදිහට වැරදි පල්ලියට ගිහින් වැරදි කවයකින් නතර වූ අයෙක්.‘‘
‘‘ඔහුගෙ පවුල අතිශය ආගමික පවුලක් නෙවෙයි. රැඩිකල් මත තිබූ අයත් නෙවෙයි. ඒ පවුල සම්පූර්ණයෙන්ම සාමාන්‍ය පවුලක්.‘‘
මෙම සිදුවීමෙන් පසුව රැඩිකල් මතධාරී ත්‍රස්තවාදීන් බන්ධනාගාරවලදී ජාලගත වීම පිළිබඳ විශාල සාකච්ඡාවක් ද ඇති වෙමින් පවතියි.
