BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

ප්‍රංශ සිනමාවේ විප්ලවවාදියා යාන්-ලුක් ගොඩාර්ඩ් දිවිසැරිය නිමා කරයි!

අවුරුදු 91 ක් වූ ගොඩාර්ඩ් ගේ දිවිසැරිය නිමා වන්නේ වෛද්‍ය මැදිහත් වීමෙන්?

ප්‍රංශ සිනමාව නව මාවතකට යොමුකළ විප්ලවවාදී සිනමා අධ්‍යක්ෂකවරයකු වන යාන්-ලුක් ගොඩාර්ඩ් (Jean-Luc Godard) අභාවප්‍රාප්ත වී තිබේ.

මිය යන විට ගොඩාර්ඩ් 91 වෙනි වියේ පසුවිය.

ගොඩාර්ඩ් සිය දිවිසැරිය නිමාකරනු ලැබුවේ ස්විට්සර්ලන්තයේ තම නිවසේදී වන අතර, ඔහු තම අවසන් හුස්ම පොද තම බිරිඳ වූ ඈන්-මරී මිවිල් අසළ ‘සාමකාමීව’ හෙලූ බව විදෙස් මාධ්‍ය වාර්තා කරයි.

ගොඩාර්ඩ් ගේ අවසාන කාලය තුළ ඔහු රෝගාතුරව නොසිටි අතර, ඔහු ඉතා ‘වෙහෙසකරව’ විසූ බව වාර්තා වෙයි. ඔහුගේ වෛද්‍ය වාර්තා අනුව ගොඩාර්ඩ් බහු-ආබාධිත ව්‍යාධිවේද තත්ත්වයකින් (multiple disabling pathologies) පසුවූ බවත්, මරණයක් සිදුවීමට නියමිත විට එය ඉක්මන් කිරීම සඳහා වෛද්‍යමය වශයෙන් ඊට සහාය වීම ස්විට්සර්ලන්තයේ නීත්‍යානුකූල වන පසුබිම සලකා ගොඩාර්ඩ් ගේ මරණය ද සහාය ඇතුව සිදුකළ බවත් ඔහුගේ නීතීඥයා වූ පැට්‍රික් ජෙනෙරෙට් පවසා ඇත.

මෙය සිදුවූයේ ගොඩාර්ඩ් ගේ පූර්ව අනුදැනුම සහ කැමැත්ත මත බව ද සඳහන්.

ප්‍රංශ කලාවේ පරිකල්පනය නව මාවතකට යොමුකළ බ්‍රෙත්ලස් (Breathless) (1960) සහ ඇල්ෆාවිල් (Alphaville) (1965) වැනි චිත්‍රපට අධ්‍යක්ෂණය කරනු ලැබුවේ ගොඩාර්ඩ් ය.

ප්‍රංශ සිනමාවේ 50 – 60 දශකයේ “ප්‍රංශ නව රැල්ල” හෙවත් “ලා නොවෙල් වේග්” (French New Wave) නමින් ආරම්භ වූ සාම්ප්‍රදාය අතික්‍රමණය කළ චිත්‍රපට නිර්මාණ ව්‍යාපාරයේ පුරෝගාමියා වූයේ ගොඩාර්ඩ් ය. මෙම ව්‍යාපාරය විප්ලවවාදී ස්වරූපයක් ගත් අතර, ඒ තුළින් චිත්‍රපට නිශ්පාදනයේ සංස්කරණය, දෘෂ්‍ය විලාසය, සහ ආඛ්‍යානය සඳහා නව ප්‍රවේශයන් හඳුන්වා දෙන ලදී.

ලා නොවෙල් වේග් ව්‍යාපාරය සමාජ සහ දේශපාලනික වශයෙන් ප්‍රංශ සමාජය අවදි කරවීමට තුඩු දුන් බව සඳහන්. එමෙන්ම ප්‍රංශ නව රැල්ල ගෝලීය සිනමා ඉතිහාසයේ වඩාත්ම බලගතු කලා විප්ලවයක් වන අතර, ගොඩාර්ඩ් ගේ දේශපාලනික උත්ප්‍රාසය තුළින් සමාජ යතාර්ථයන් පරිකල්පනීය වශයෙන් කලාවට නැංවීමට ඔහු සමත් විය.

ඡායාරූප: රොයිටර් / මිනේව්රා පික්චර්ස්


තායිලන්තයේ ළමා දිවා සුරැකුම් මධ්‍යස්ථානයක වෙඩි තැබීමකින් දරුවන් ද ඇතුළුව පුද්ගලයන් 31 දෙනෙකු මරුට

“Ponniyin Selvan” වීර කාව්‍ය රූපමය අත්දැකීම මහා භාරතය කළඹවයි!

ටාගේරියන් දරුවන් මකරුන් පිට ඉගිල්ලෙද්දී HBO නාලිකාවට චෝදනාවක්!

ඉන්දියාවේ මඟින් පටවාගත් ලොරියක් පෙරලීමෙන් 26 දෙනෙකු මරුට

ජාත්‍යන්තර පරමාණුක බලශක්ති ඒජන්සිය ලබන සතියේ රුසියාව සහ යුක්රේනය බලා සංචාරයක!

ලයිමන් නගරයත් අපි මුදවා ගත්තා: යුක්රේනය

130 කට ආසන්න පිරිසකට මරු කැඳවූ ඉන්දුනීසියාවේ පාපන්දු වියරුව!

කාබුල් අගනුවර අධ්‍යාපන මධ්‍යස්ථානයක පිපිරීමක්

error: Content is protected !!
error: Content is protected !!