ජනාධිපති ඩොනල්ඩ් ට්රම්ප්ව ඝාතනය කරන බවට තර්ජනය කිරීමෙන් පසු සෙනසුරාදා ධවල මන්දිරයෙන් පිටත ෆ්ලොරිඩාවේ පුද්ගලයෙකු පොලීසිය විසින් අත්අඩංගුවට ගෙන තිබේ.
25 හැවිරිදි රොජර් හෙජ්පෙත් මුර සංචාරයේ යෙදී සිටි එක්සත් ජනපද රහස් සේවා පොලිස් නිලධාරියෙකු වෙත ගොස් “ජනාධිපති ඩොනල්ඩ් ට්රම්ප් ඝාතනය කිරීමට මම මෙහි සිටිමි” යනුවෙන් පවසා ඇත.
පිහියකින් එය කිරීමට සැලසුම් කර ඇති බව හෙඩ්ග්පෙත් නිලධාරියාට පැවසූ අතර රහසිගත සේවා නිලධාරියා විසින් කරන ලද සෝදිසි කිරීමකින් පසු එය රාජසන්තක කරන ලදී.
“මේ සිදුවීම අතරතුර කිසිදු රහස් සේවා ආරක්ෂකයින් කිසිදු අනතුරකට ලක්ව නැත,” නීතිය ක්රියාත්මක කරන නිලධාරියෙක් පවසා ඇත.
සැකකරු අතුරුදහන් ව සිටි පුද්ගලයෙකු මෙන්ම මානසික සෞඛ්ය රෝගියෙකු බව රහස් සේවය විසින් හෙළි කර ඇති අතර ඔවුන් විසින් හෙජ්පෙත් අත්අඩංගුවට ගනු ලැබීය. පසුව ඔහු මානසික සෞඛ්ය ඇගයීමක් සඳහා රෝහලකට ගෙන යන ලද අතර එහිදී වැඩිදුර දැනුම් දීමක් සිදු වන තෙක් ඔහු රඳවා තබනු ඇත.