BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

මැන්චෙස්ටර් යුනයිටඩ් පාපන්දු ශූරී මේසන් ග්‍රීන්වුඩ් ට ලිංගික අපයෝජන චෝදනා!

ග්‍රීන්වුඩ් ට එරෙහි සියලු චෝදනා එකම පැමිණිල්ලක් මත ගොනුවී ඇත.

බ්‍රිතාන්‍යයේ මැන්චෙස්ටර් යුනයිටඩ් (Manchester United) පාපන්දු ක්‍රීඩක මේසන් ග්‍රීන්වුඩ් හට ලිංගික අපයෝජනය, වින්දිතයා පාලනය කිරීමට තැත්කිරීම සහ පහර දීම යනාදී චෝදනා ගොනුවී ඇති බව එරට රාජකීය අභිචෝදක සේවාව (Crown Prosecution Service) ප්‍රකාශ කරයි.

ග්‍රීන්වුඩ් ට එරෙහිව එල්ල වී ඇති සියලු චෝදනා එකම පැමිණිල්ල ඔස්සේ ගොනුවන බව ද එම සේවාවේ අභිචෝදකයෝ පවසති.

21 හැවිරිදි ග්‍රීන්වුඩ් එළඹෙන ඔක්තෝබර් 17 වන දින මැන්චෙස්ටර් හි ඉහළ මහේස්ත්‍රාත් අධිකරණය වෙත ඉදිරිපත් කිරීමට නියමිත බව ද බ්‍රිතාන්‍ය රාජකීය නඩු පැවරීමේ සේවාව වැඩිදුරටත් අනාවරණය කළේය.

ග්‍රීන්වුඩ් ඉකුත් 2019 වර්ෂයේ සැප්තැම්බර් මාසයේ දී පැවති යූඊඑෆ්ඒ යුරෝපා ලීග් (UEFA Europa League) තරඟයේදී ඇස්ටානා (Astana) පාපන්දු කණ්ඩායමට එරෙහිව තරඟ වැදී ජය ලබා ගත් අතර, වයස අවුරුදු 17 දී යුරෝපීය තරඟයකදී මෙලෙස ජයග්‍රහණය කළ ලාබාලතම පාපන්දු ගෝල ලාභියා බවට පත්විය.

ඔහු ඉකුත් ජනවාරි මස කාන්තාවක ලිංගික අපයෝජනයට ලක්කිරීමේ සහ ඈට ප්‍රචණ්ඩත්වය දියත් කිරීමේ චෝදනාව මත සැකපිට අත්අඩංගුවට පත්වූ අතර, ඉන් දින කිහිපයකට පසුව ලිංගික අපයෝජන සහ මරණ තර්ජන සම්බන්ධයෙන් ද සැකපිට අත්අඩංගුවට ගන්නා ලදී.

මෙම සිදුවීමෙන් පසුව, ග්‍රීන්වුඩ් ට ඔහුගේ පාපන්දු සමාජය හෝ ජාතික කණ්ඩායම සමඟ පුහුණු වීම් අත්හිටුවන ලදී.

එලෙස අත්අඩංගුවට පත්වීමෙන් අනතුරුව ග්‍රීන්වුඩ් ඇප මත නිදහස් කිරීම සිදුවූයේ ඉකුත් පෙබරවාරි මස වන අතර, ඔහුට එල්ල වී ඇති චෝදනාවලට අදාළව විමර්ශන දියත් වන අතරතුර ග්‍රීන්වුඩ් ට පැනවූ පැනවූ ඇප කොන්දේසි උල්ලංඝනය කිරීමේ චෝදනාව මත ඔහු ඊයේ (14) දින නැවත අත්අඩංගුවට පත්විය.

ජැමෙයිකානු සම්භවයක් ඇති ඉංග්‍රීසි ජාතික ග්‍රීන්වුඩ්ගේ සම්පූර්ණ නම මේසන් විල් ජෝන් ග්‍රීන්වුඩ් ය.

ඡායාරූප: ගෙටී ඉමේජස්


ඇෆ්ගනිස්ථානයේ පාසල් බෝම්බ ප්‍රහාරයකින් 15 දෙනෙකු මියගොස් 20 දෙනෙකුට තුවාල

බෙල්ජියමට එරෙහිව මොරොක්කෝව ලැබූ පාපන්දු තරඟ ජය බ්‍රසල්ස් හි කෝලාහල ඇති කරයි

‘කර්සෝන්’ අසරණ වෙයි!

‘මෙසී ඇති තැන ආර්ජන්ටිනාවට බලාපොරොත්තුවක් ඇත’ ; මෙක්සිකෝවට එරෙහිව පැවැති තරඟයේ ජය ආජන්ටිනාවට

ඉරානයේ රාජ්‍ය මර්දනය මැද එක්සත් ජාතීන් හමුවක් ඉල්ලයි – ඉරානය නිශ්ශබ්දයි!

යුක්රේනයේ අත්අඩංගුවට පත් රුසියානු සොල්දාදුවන් 50 දෙනෙකු යළි රුසියාවට!

අතින් කට වසාගත් ජර්මානුවන් කටාරයට කින්ඩිය දමයි!

ඔළුව ජපන් කඳ ජර්මන් ජයක්

error: Content is protected !!
error: Content is protected !!