බ්‍රිතාන්‍ය රජයේ සැලසුම් යටතේ 2030 වන විට විද්‍යුත් වාහන ආරෝපණ මධ්‍යස්ථාන සංඛ්‍යාව 300,000 දක්වා ළඟා වනු ඇත. නමුත් මෝටර් රථ කණ්ඩායම් පවසන්නේ එය ප්‍රමාණවත් තරම් වේගවත් නොවන බවයි.මෙම නව සැලසුම් යටතේ, රියදුරන්ට මිල ගණන් සංසන්දනය කර සම්බන්ධතා රහිත කාඩ්පතකින් ගෙවිය හැක.එක්සත් රාජධානියේ මේ වන විට පොදු විදුලි වාහන ආරෝපණ මධ්‍යස්ථාන 30,000ක් ඇත.
ප්‍රවාහන දෙපාර්තමේන්තුව (DfT-The Department for Transport) පැවසුවේ ඉදිරි දශකය අවසන් වන විට ආරෝපණ ස්ථාන සංඛ්‍යාව අද එක්සත් රාජධානියේ මාර්ගවල ඇති ඉන්ධන පොම්ප සංඛ්‍යාව මෙන් පස් ගුණයකට ආසන්න ප්‍රමාණයක් වනු ඇති බවටයි.
සියලුම ආරෝපණ මධ්‍යස්ථානවලින් තුනෙන් එකක් පමණ දැනටමත් ලන්ඩනයේ ඇත.මෙම ව්‍යාපෘතිය සඳහා අරමුදල් වෙනුවෙන් රජයේ පවුම් බිලියන 1.6 ක විදුලි වාහන යටිතල පහසුකම් උපාය මාර්ගයේ කොටසක් ලෙස වෙන් කර තිබේ.ප්‍රවාහන ලේකම් ග්‍රාන්ට් ෂැප්ස් පැවසුවේ වැඩිවන විදුළි වාහන සංඛ්‍යාව අවසානයේ මාර්ගවල ගමන්ගන්නා මිල ගණන් සහ ඉන්ධන ගාස්තු වෙනුවට නව ගාස්තු අය කිරීමට හේතු වනු ඇති බවයි.
පෙට්‍රල් හෝ ඩීසල් වාහන වලට වඩා විදුලි මෝටර් රථ මිලෙන් ඉහලය.කර්මාන්ත සංඛ්‍යාලේඛනවලට අනුව, 2011 සහ 2021 අතර දශකය තුළ එක්සත් රාජධානියේ මුළු ආරෝපණ ලක්ෂ්‍ය සංඛ්‍යාව 1,500 සිට 48,000 දක්වා රාජ්‍ය සහ පෞද්ගලික යන දෙඅංශයෙන්ම ඉහළ ගියේය.
එරට මෝටර් රථ නිෂ්පාදකයින්ගේ සහ වෙළඳුන්ගේ සංගමය පැවසුවේ පසුගිය මාසයේ එක්සත් රාජධානියේ නිෂ්පාදනය කරන ලද සෑම මෝටර් රථ හතරකින්ම එකකට වඩා වැඩි ප්‍රමාණයක් ඒකක 16,000කට ආසන්න ප්‍රමාණයකින් විද්‍යුත් වාහන සෑදී ඇති බවයි.සමස්තයක් වශයෙන්, මෝටර් රථ නිෂ්පාදනය සඳහා භාවිතා කරන පරිගණක චිප්වල අඛණ්ඩ ගෝලීය හිඟය හේතුවෙන්, එක්සත් රාජධානියේ වාහන නිෂ්පාදනය පෙබරවාරි මාසයේදී, 2021 දී ඒකක 105,000 සිට මේ වසරේ එම මාසය සඳහා ඒකක 61,000 දක්වා පහත වැටුණි.
