BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

මස්ක්ට පින් දෙමින් ට්‍රම්ප්පච්චි සමඟ නැඟිටිමු!

‘අදහස් ප්‍රකාශ කිරීමේ අයිතිය’ අපි ද අනුමත කරන්නෙමු. නමුත් නිසැකවම අපි නම් මස්ක් ගේ ආනුභාවය ලද ට්‍රම්ප් මෙන් ‘අදහස් ප්‍රකාශ කිරීමේ අයිතිය’ අවභාවිතා නොකරන්නෙමු.

සමාජ මාධ්‍යන්හී නිතර නිතර කතා බහට පාත්‍ර වන උද්වේගකර බල කණුවක් වන ඩොනල්ඩ් ට්‍රම්ප්, පසුගියදා ආන්දෝලනාත්මක සිදුවීමකට හිමිකම් කීවේ ට්‍රම්ප් විසින් ගිනි ඇවිලූ කැපිටල් හිල් හී ඔහුගේ කෙරුවාව ලෝකයම හමුවේ අනාවරණය වීමෙන් අනතුරුවය. ඒ ඔහු සිය නිල ට්විටර් ගිණුමේ පළ කළ සටහනක් හේතුවෙන් දක්ෂිණාංශික අන්තවාදීන් වොෂින්ටන් වෙත එක්‍ රැස් වී කෝලහාලයක් නිර්මාණය වීමත් සමඟයි.

එය 2020 මැතිවරණ පරාජයෙන් පසු බලය රැක ගැනීමට ට්‍රම්ප් විසින් නිර්මාණය කරන ලද කූට උපක්‍රමයක් බව නිසැකය. මෙසේ තම බල ලෝභීත්වය තම ට්විටර් ගිණුම මාර්ගයෙන් ප්‍රචලිත කරමින් ජනතා ප්‍රජාතන්ත්‍රවාදය හෑල්ලුවට ලක් කළ ට්‍රම්ප්ගේ වේදීකාව තවදුරටත් උණුසුම් වූයේ තවත් ධනවාදී පැලැන්තියේ අංකුරක් වන ඊලොන් මස්ක් විසින් පසුගියදා ට්විටර් තම සන්තකයට ලබා ගැනීමෙන් අනතුරුව සිදු කළ ආන්දෝලනාත්මක ප්‍රකාශයත් සමඟය.

ඔව්, ඇ.ඩො. බිලියන 44 කට මිලදී ගත් ට්විටර් සමාගමේ හිමිකාරීත්වය දැන් ටෙස්ලා අධිපති ඊලෝන් මස්ක් සතුය.

ට්විටර් සමාගම විසින් අත් හිටවනු ලැබූ ඩොනල්ඩ් ට්‍රම්ප්ගේ නිල ට්විටර් ගිණුම තමා නැවත පිහිටුවන බවට ඊලෝන් මස්ක් ව්සින් දැඩි ප්‍රකාශයක් ලබා දුන්නේ ධනවාදී දේශපාලනය හා සම්බන්ධ අන්තවාදී ක්‍රියා වලට තමාද සහය වන බව හඟවමින් දැයි කුකුසක් පැන නගිනු නොඅනුමානය. මන්ද ට්විටර් සමාගමෙන් එසේ ට්‍රම්ප්ගේ ගිණුම අවලංගු කළේ ඔහු තම බලය අනිසි ලෙස යොදා ගනිමින් ජනතාව උසිගැන්වීමට උත්සාහා කිරීම නිසාය. මෙහි අනිසි ප්‍රතිඵලයක් ලෙස පුද්ගලයින් 05 දෙනෙකු ජීවිතක්ෂයට ද පත්ව තිබිණි. එසේ වරදකාරී සිදුවීමක හේතුකාරයා වූ ට්‍රම්ප්ගේ ට්විටර් ගිණුම යථා තත්ත්වයට පත් කිරීම බලවත් කියන්නා වූ පුද්ගලයන් එකිනෙකාගේ පිට කසා ගැනිමට කදිම නිදසුනකි.

නමුත් ඊලෝන් මස්ක් නම් පවසන්නේ ‘අදහස් ප්‍රකාශ කිරීමේ අයිතිය’ සැමට තිබිය යුතු බවත්, එම අදහස් ප්‍රකාශ කිරීමේ අයිතියේ නාමයෙන් ට්‍රම්ප් ගේ ගිණුම යළි පිහිටුවන බවත් ය. මස්ක් ට්විටර් සමාගම මිලදී ගත්තා පමණක් නොව තමා ට්විටර් සමාගම ‘මුදවා ගත්’ බව හඟවමින් තම අයිතිය පෙන්වීමට හාස්‍යජනක සමාජ මාධ්‍ය සටහන් කිහිපයක් ද දමා තිබේ.

වරක Reality TV නිවේදක ජිමී ෆැලොන් පවසා සිටියේ මෙය ලොව මිල අධිකම විහිලුව බවයි.

වර්ගවාදී හා අන්තවාදී දැක්මක කැපී පෙනෙන ඩොනල්ඩ් ට්‍රම්ප්ගේ ප්‍රචණ්ඩත්වයේ සළකුණු ඇස් පනා පිටම අනාවරණය වී ඇති නමුත් වර්තමාන ට්විටර් අධිපති ඊලෝන් මස්ක් ඒ කිසිවක් නොසලකා ‘අදහස් ප්‍රකාශ කිරීමේ අයිතියක්’ උදෘත කරමින් තම දක්ෂිණාංශික දැක්ම මුදුන් පමුණුවා ගනිමින් බලවත් අතට අත් දීමකට සැරසෙන බව දුටු සැණින්ම ප්‍රත්‍යක්ෂ වන කරුණකි. මස්ක් පවසන්නේ ට්විටර් සමාගම හැසිරෙන්නේ ‘වාමවාදී ව’ බව ය, එය වැරදි බවත් අදහස් ප්‍රකාශ කිරීමේ නිදහස සැමට තිබිය යුතු බවත් ය.

‘අදහස් ප්‍රකාශ කිරීමේ අයිතිය’ අපි ද අනුමත කරන්නෙමු. එහෙත් ‘අදහස් ප්‍රකාශ කිරීමේ අයිතිය’ භාවිතා කරමින් සමාජ මාධ්‍ය හරහා ජනතාව කුපිත කරවා ජීවිත 05 ක් අහිමිකළ ඩොනල්ඩ් ට්‍රම්ප් වැන්නකුට, සොරකමක් කළේ යැයි කළු ජාතිකයකු ගෙල සිරකර මරා දැමූ පොලිස් නිලධාරියා සිදුකළේ ‘නිවැරදි ක්‍රියාවක්’ යැයි සාධාරණීකරණය කළ ඩොනල්ඩ් ට්‍රම්ප් වැන්නකුට, සමාජ මාධ්‍ය විසින් ලබා දුන්නේ නිවැරදි දඬුවමක් මිස පළි ගැනීමක් නොවන බව අප වටහා ගත යුතුය. ලොව ගමන් කරන්නේ කුමන දිශාවකට ද යන්න අපි ද විමසිල්ලෙන් බලා සිටිමු. මන්ද මේ ගැන අපගේ මතය ප්‍රකාශ කරනවා හැරෙන්නට කළ හැකි අන් කිසිවක් නැත.

නමුත් නිසැකවම අපි නම් මස්ක් ගේ ආනුභාවය ලද ට්‍රම්ප් මෙන් ‘අදහස් ප්‍රකාශ කිරීමේ අයිතිය’ අවභාවිතා නොකරන්නෙමු.

ඕවින්දි විෂ්මිකා


එක්සත් ජනපදය පකිස්ථාන සන්නද්ධ කණ්ඩායම් සාමාජිකයන් ‘ත්‍රස්තවාදීන්’ ලෙස නම් කරයි

චීනය, මාධ්‍ය සඳහා වන ප්‍රවේශය වාරණය කරයි

ස්පාඤ්ඤයට එරෙහි පාපන්දු සටනේ ජය ජපානයට.

නිව් යෝර්ක් සහ සිංගප්පූරුව ලෝකයේ ජීවන වියදම් ඉහළම නගර ලැයිස්තුවේ ඉහලින්ම

කෲර යුද්ධයෙන් අවතැන් වූ යුක්රේනයට සහාය දැක්වීමට එක්සත් ජනපදය සහ ප්‍රංශය ප්‍රතිඥා දේ.

ඇෆ්ගනිස්ථානයේ පාසල් බෝම්බ ප්‍රහාරයකින් 15 දෙනෙකු මියගොස් 20 දෙනෙකුට තුවාල

චීනයේ ප්‍රබල කොමියුනිස්ට් සටන්කරුවෙකු වූ හිටපු ජනපති ජියැං සෙමින් මිය යයි.

චීනයේ කොවිඩ් විරෝධතා වෙනුවෙන් ආණ්ඩුවේ මර්දනය දැඩි කරයි

error: Content is protected !!
error: Content is protected !!