ඉම්රාන් ඛාන් වෙඩි ප්‍රහාරයකට ලක් වේ
රහාරයේ වගකීම කිසිදු කණ්ඩායමක් භාරගෙන නොමැත.
මීට සුළු මොහොතකට පෙර වසිරාබාද් නගරයේ නව මැතිවරණයක් ඉල්ලා කරන ලද ජන රැළියකදී නාදුනන තුවක්කුකරුවකු විසින් කරන ලද වෙඩි තැබීමකින් පාකිස්තානයේ හිටපු අගමැති ඉම්රාන් ඛාන් තුවාල ලබා ඇති බව වාර්තා වේ.
හිටපු අගමැතිවරයාගේ කකුලට වෙඩි ප්‍රහාරය එල්ල වීමත් සමඟ ඔහු ලාහෝර්හි රෝහලකට ගෙන ගොස් ඇති අතර රෝහල් ආරංචිමාර්ග පවසන්නේ ඛාන්ගේ තත්වය අනතුරුදායක නොවන බවයි.
ප්‍රහාරයෙන් තවත් දේශපාලනඥයකු වන ෆයිසාල් ජාවෙඩ් ඛාන් ඇතුළු 6 දෙනෙකු තුවාල ලබා ඇති අතර තුවක්කුකරු පොලීසිය විසින් අත්අඩංගුවට ගෙන ඉදිරි විමර්ශන කටයුතු සිදු කරමින් පවතියි. මේ වන විටත් ප්‍රහාරයේ වගකීම කිසිදු කණ්ඩායමක් භාරගෙන නොමැත.
සශිකලා මධුෂාණී_
