රුසියාවට එරෙහිව හමුදාව යෙදවීමට ස්ටාමා සුදානම්
ජර්මනිය, ඉතාලිය, පෝලන්තය, ස්පාඤ්ඤය, නෙදර්ලන්තය සහ ඩෙන්මාර්කය යන රටවල නායකයින් සමඟ යුරෝපීය කවුන්සිලයේ සහ යුරෝපීය කොමිසමේ සභාපතිවරුන් සහභාගී වීමට නියමිත වේ.
සටහන: සශිකලා මධුෂාණි
පෙබරවාරි 17; ලෝකය(අවුට්බවුන්ඩ් ටුඩේ) : යුක්රේනයේ දිගුකාලින ආරක්ෂාව වෙනුවෙන් රුසියාවට එරෙහිව සිය බටපිරිස් යෙදවීමට තමා අදහස් කරන බව එක්සත් රාජධානියේ අග්‍රාමාත්‍ය ශ්‍රීමත් කියර් ස්ටාමා ප්‍රකශ කර තිබේ.
අග්‍රාමාත්‍යවරයා මේබව ඩොනල්ඩ් ට්‍රම්ප් විසින් යුක්රේන යුද්ධය නිමා කිරීම සම්බන්ධයෙන් සෞදි අරාබියේදී රුසියානු ජනාධිපති පුටින් හමුවීමට සුදානම් බව ප්‍රකශ කිරීමත් සමඟ ප්‍රංශ ජනාධිපති එම්මානුවෙල් මැක්රෝන්ගේ නායකත්වයෙන් අද(17) පැරිසියේදී පැවැත්වීමට නියමිට යුරෝපා රටවල නායකයන්ගේ සමුළුවට පෙර සඳහන් කර තිබේ.
කෙසේ නමුත්, අද(17) දිනයේදී ප්‍රංශ ජනාධිපති එමානුවෙල් මැක්‍රොන් විසින් පැරිසියේ කැඳවන ලද රැස්වීමට ශ්‍රීමත් කීර් ජර්මනිය, ඉතාලිය, පෝලන්තය, ස්පාඤ්ඤය, නෙදර්ලන්තය සහ ඩෙන්මාර්කය යන රටවල නායකයින් සමඟ යුරෝපීය කවුන්සිලයේ සහ යුරෝපීය කොමිසමේ සභාපතිවරුන් සහභාගී වීමට නියමිත බව ජාත්‍යන්තර මාධ්‍ය සඳහන් කර තිබේ.
