BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

“Ponniyin Selvan” වීර කාව්‍ය රූපමය අත්දැකීම මහා භාරතය කළඹවයි!

මනි රත්නම්ගේ නව සිනමා සිත්තම "පොන්නියින් සෙල්වන් (Ponniyin Selvan)"

ප්‍රවීණ ඉන්දියානු චිත්‍රපට නිෂ්පාදකයකු වන මනි රත්නම්ගේ නව සිනමා සිත්තම “පොන්නියින් සෙල්වන් (Ponniyin Selvan)” නමින් භාරතය ගිනියම් කරමින් මේ දිනවල ප්‍රේක්ෂකයා ඇඳබැඳ තබා ගැනීමට සමත්ව ඇත. දමිළ වීර කාව්‍යයක් පදනම් කරගෙන නිම වූ මෙම අග්‍රගන්‍ය නිර්මාණය මේ වන විට බොක්ස් ඔෆිස් වාර්තා බිඳ හෙලා තිබේ.

ඉන්දියාවේ ශ්‍රේෂ්ඨතම අධිරාජ්‍යයකු මත පදනම් වූ මෙම සිනමා සිත්තම දමිළ බසින් මෙතෙක් ලියැවුණු විශිෂ්ටතම නවකතාව ලෙස බොහෝ දෙනාගේ මතයයි.

9 වැනි සියවසේ සිට 13 වැනි සියවස දක්වා දමිළ දේශය පාලනය කළ චෝල රාජවංශයේ රාජරාජ චෝළ හෙවත් රජුන්ගේ රජු පිළිබඳව ඉස්මතු කරමින් නිම වූ මෙම නිර්මාණය, රාජරාජ චෝල රාජවංශය මනාව ඉස්මතු කරයි.
මොහු හෙවත් රාජරාජ චෝල, චෝල රාජවංශයෙහි පළමුවැන්නා නොවූ නමුත් ඔහු ඔවුන්ගේ අධිරාජ්‍යයේ සාර්ථකම පාලකයෙකි.

සාපේක්ෂව කුඩා රාජධානියක සිට ඉන්දියාවේ ප්‍රමුඛ අධිරාජ්‍යයක් බවට චෝල රාජවංශය ගෙන යාමට ඔවුන්ගේ දේශපාලන බලපෑම ශ්‍රී ලංකාව, මාලදිවයින, සුමාත්‍රා, තායිලන්තය සහ මැලේසියාවේ සමහර ප්‍රදේශ පුරා පැතිර ගිය අතර ඔවුහු චීනය සමඟ රාජ්‍ය තාන්ත්‍රික සබඳතා ද පැවැත්වූහ.

“පොන්නියින් සෙල්වන් (Ponniyin Selvan)” නම් ඩොලර් මිලියන 70ක් පමණ වැය කර නිර්මාණය වූ මෙම තරු පිරුණු චිත්‍රපටය, පොන්නියින් සෙල්වන්ගේ සිංහාසනාරූඪ වීම, එහිදී ඇතිවන කුමන්ත්‍රණ, ඝාතන සිදුවීම් වටා භ්‍රමණය වේ.

මෙය ප්‍රවීණ නළු නිළියන් රාශියක සුසංයෝගයකි. ප්‍රධාන චරිතයට පණ පොවන්නේ ජයම් රවී ය. මෙහි දී සිංහාසනය කරා ගමන් ගන්නා මාර්ගයේදී උපායශීලීව නායකත්වය දෙන්නේ බලසම්පන්න සහ වංශවත් කාන්තාවක් වන නන්දිනී (සුපිරි බොලිවුඩ් නිළි: අයිශ්වර්යා රායි බච්චන්) විසිනි. ඇගේ හිටපු පෙම්වතා සහ ඔටුන්න හිමි කුමරු ලෙස සම්මානලාභී නළු ‘වික්‍රම්’ චරිතයට පණ පොවයි. මීට අමතරව නන් අයුරින් කාර්ති, ට්‍රිශා ක්‍රිශ්නන්, අයිශ්වර්‍යා ලක්ශ්මි, ප්‍රකාශ් රාජ්, ප්‍රභූ ආදී බොහෝ පිරිසක් මෙම නිර්මාණය හැඩ ගැන්වීමට දායක වී සිටී.

මෙම නිර්මාණයෙහි ඇති නර්තනාංග, සටන් ජවනිකා, අශ්වාරෝහකයන්ගේ හැසිරීම්, අලි සමඟ පොර බැඳීම් ආදිය චිත්‍රපටයට නැවුම් රාජකීය ජීවයක් ගෙන එනු ඇත.

මනි රත්නම් විසින් කොටස් පහකින් යුත් නවකතාවක් වන මෙය කොටස් දෙකකට අනුවර්තනය කිරීම ගැන විචාරකයින්ගේ පැසසුමට ලක්විය. දෙවන කොටස ලබන වසරේ නිකුත් කිරීමට නියමිත බවත් දන්වා සිටී.

“පොන්නියින් සෙල්වන්” අතීත වීර කාව්‍ය ග්‍රන්ථ කුඩා දරුවන්ගේ දැනගැනීමට පමණක් නොව එයට අලුත් රහක් ලබා දෙමින් සිනමා සිත්තමකට හැරවීම තුළින් ලොකු කුඩා සියලු දෙනාගේ ආකර්ශනය වීර කාව්‍ය නිර්මාණයන්ට ලබා ගැනීමට මුල් වූ විශිෂ්ට නිර්මාණයකි.

Nipuni Liyanage


“ඉන්ඩියානා ජෝන්ස්” සමඟින් හොලිවුඩ් පුරවරයට වික්‍රමාන්විත ගමනක් යං!

Adipurush සහ Pathaan ඇතුළුව බොලිවුඩය කළඹන සිනමා සිත්තම් රැසක් 2023 දී ඔබ හමුවට!

රිදී තිරයේ ‘මයිකල් මයර්ස්’ භීතිකාවට මුල්ගල් තැබූ ජේම්ස් වින්බර්න් දිවිසැරිය නිමාකරයි!

ඔව්.. භූමියට තවමත් පණ තියෙනවා.. අභිෂේකාගේ පැය දෙකෙන් ට්‍රෙන්ඩිං ගිය ගීතයෙන් දිග හැරෙන සමාජ යථාර්තය

සොයුරු පෙමට කවි ගී ලියවුනා මදී!

2000 දශකයේ සංගීතයෙන් මතුවූ සිහින කුමරා ඇරන් කාර්ටර් අවසන් ගමන් යයි!

අමුතුම ලොවක් කරා අප රැගෙන යන ඇවටාර් – The way of water තෙළිඟු ප්‍රේක්ෂකයන්ට ගණන් උස්සයි ද?

වෙනස්කොට සැලකීමට විරුද්ධ වීම වරදක් ද? ඩිස්නි සමාගම ප්‍රතිචාර දක්වයි!

error: Content is protected !!
error: Content is protected !!