සිය ආරක්ෂාව පිළිබඳ ඇෆ්ගන් රජයෙන් ලැබුණු අනතුරු ඇඟවීම්වලට පසු මේ තීරණය ගත් බව ඉම්රාන් ඛාන් අද ප්රකාශ කළේය.
‘‘ඉන්දියාව සහ පාකිස්ථානය අතර යුද්ධයේ සෙවණැලි තවමත් පතිතව තිබෙනවා.‘‘ යැයි ද පැවසූ ඔහු, ඉන්දීය අගමැති නරේන්ද්ර මෝදි, ඉන්දීය මහමැතිවරණයට පෙර පාකිස්ථානයේ යම් සිදුවීමක් අළලා නැවත වරක් වාසියක් ගනු ඇතැයි සැකයක් ඔහු තුළ පවතින බව ද ඉම්රාන් ඛාන් ප්රකාශ කළේය.
ඉම්රාන් ඛාන් තලෙයිබාන් කණ්ඩායම හමුවී සාකච්ඡා පැවැත්වීමට නියමිතව සිටියේ කවදාද කොතැනකදී ද යන්න හෙළි කළේ ද නැත.
නමුත් විශ්වාස කෙරෙන්නේ තලෙයිබාන් කණ්ඩායමේ සාම සාකච්ඡා සඳහා පැමිණෙන සාමාජිකයන් හට ඇමරිකාව සහ එක්සත් ජාතීන් විසින් පනවා ඇති සංචාරක සම්බාධක ද මෙම සාකච්ඡා සඳහා බාධාවක් වන්නට ඇති බවයි.
මීට පෙර පෙබරවාරි 17 වැනිදා මෙම තලෙයිබාන් කණ්ඩායම ඉස්ලාමාබාද් නුවරදී ඉම්රාන් ඛාන් හමුවීමට සූදානම් ව සිටි බව කියැවුණු නමුත් එවර ද එම සාකච්ඡාව පැවැත්වුණේ නැත.
තලෙයිබාන් සංවිධානය, පාකිස්ථානයේ වැදගත් දේශපාලන සංචරකයක් ලෙස සලකන ඉම්රාන් ඛාන්, ඔවුන් සාම මාවතට ගැනීම සඳහා මහත් වෙහෙසක් ගනිමින් සිටියි.
ඉන්දියාවේ යුද උමතුව ගැන ද ඉම්රාන් ඛාන් අද දින නැවත අදහස් දැක්වීය. ඔහු පැවසුවේ ඉන්දීය මහ මැතිවරණය අවසන් වන තෙක් ප්රකෝපකාරී සිදුවීම්වලට ඉඩ නොතැබීමට තමන් බෙහෙවින් ප්රවේශම් වන බවයි.