BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

හැරී පොටර් හි ආදරණීය පතාක මිතුරා හැග්රිඩ් දැයෙන් සමුගනී!

හැග්රිඩ්.. ඔබට සුබ ගමන්..

ලොව බාල මහළු කා අතරත් එක සේ ජනප්‍රිය හැරී පොටර් කතාමාලාවේ චිත්‍රපට මාලාවේ රුබියස් හැග්‍රිඩ් ගේ චරිතයට පණ පෙවූ ආදරණීය රංගන ශිල්පී රොබී කෝල්ට්‍රන් අභාවයට පත්ව තිබේ.

ඡායාරූප: wizarding world

1950 වර්ෂයේ මාර්තු 30 වන දින උපත ලද මොහු 2022 වර්ෂයේ ඔක්තෝබර් 14 (අද) වන දින දැයෙන් සමු ගත්තේ ඔහුගේ 72 විය පසු කරමිනි.

වෘත්තීමය වශයෙන් ඔහු ස්කොට්ලන්ත නළුවෙක්, විකට නළුවෙක් මෙන්ම ලේඛකයෙක් විය. ඔහු හැරී පොටර්(Harry Potter) චිත්‍රපට මාලාවේ (2001-2011) රුබියස් හැග්රිඩ් (Rubeus Hagrid) චරිතයට අමතරව රොබී කෝල්ට්‍රන් මහතා රහස් පරීක්ෂක ටෙලිනාට්‍ය මාලාවක් වන ක්‍රැකර් සහ ජේම්ස් බොන්ඩ් චිත්‍රපට වල ගෝල්ඩෙනි සහ ද වර්ල්ඩ් ඊස් නොට් ඉනෆ් යන චිත්‍රපටයට ද රංගනයෙන් දායක වී ඇත.

කෙසේ වෙතත් මොහුව ඉතාමත් ප්‍රසිද්ධියට පත් වූයේ “හැග්රිඩ්”යන නමින් ය.

ඡායාරූප: එන්බීසී නිව්ස්

කෝල්ට්‍රන් මහතා වෙනුවෙන් නිවේදනයක් නිකුත් කරමින් ඔහුගේ නියෝජිත බෙලින්ඩා රයිට් ස්කොට්ලන්තයේ ෆාල්කර්ක් අසල රෝහලකදී ඔහු මිය ගිය බවට තහවුරු කර තිබේ.

කෝල්ට්‍රන් ගේ හදිසි අභාවය හමුවේ ලොව දසත හැරී පොටර් රසිකයන් සිය බලවත් ශෝකය පළකර තිබේ. හැරී පොටර් කතාමාලාවේ නිර්මාතෘ ජේ.කේ රෝලිං සිය ශෝකය ප්‍රකාශ කර තිබුණේ පහත පරිද්දෙනි.

මෙම කණගාටුදායක අවස්ථාව සමඟ එක් වූ (Forth Valley Royal) රෝහලේ වෛද්‍ය කාර්ය මණ්ඩලය කියා සිටියේ මෙම දුක්ඛිත අවස්ථාවේ දී ඔහුගේ පවුලේ පෞද්ගලිකත්වයට ගරු කරන ලෙස යි.

අපිට වගේම හැරී පොටර් ට පමණක් නොව හර්මයිනි ට රොන් ට ද හැග්රිඩ් ගේ අඩුව අඩුවක් නැතිවම දැනෙනවා නිසැකය. හැරීගේ උපන්දිනයට කේක් එකක් දෙන්න , සත්තු එක්ක ආදරේ කරන්න , සත්තු හීලෑ කරන්න , තට්ට තනියම අර ගෙදරට වෙලා කාලෙ ගෙවන්න කෙනෙක් දැන් නැත.

ඉතින් “හැග්රිඩ්” ඔබට සුභ ගමන් මිත්‍රයා!


ඉරානයේ රාජ්‍ය මර්දනය මැද එක්සත් ජාතීන් හමුවක් ඉල්ලයි – ඉරානය නිශ්ශබ්දයි!

යුක්රේනයේ අත්අඩංගුවට පත් රුසියානු සොල්දාදුවන් 50 දෙනෙකු යළි රුසියාවට!

“ඉන්ඩියානා ජෝන්ස්” සමඟින් හොලිවුඩ් පුරවරයට වික්‍රමාන්විත ගමනක් යං!

යුක්රේන රෝහලක දී අලුත උපන් කිරිසප්පයෙක් තම ජීවිතයට සමු දෙයි!

Adipurush සහ Pathaan ඇතුළුව බොලිවුඩය කළඹන සිනමා සිත්තම් රැසක් 2023 දී ඔබ හමුවට!

රිදී තිරයේ ‘මයිකල් මයර්ස්’ භීතිකාවට මුල්ගල් තැබූ ජේම්ස් වින්බර්න් දිවිසැරිය නිමාකරයි!

ඉන්දුනීසියාවේ භූමිකම්පාව හේතුවෙන් මිය ගිය සංඛ්‍යාව 162 දක්වා ඉහළට

ඉන්දුනීසියාවේ රික්ටර් මාපකයේ 5.6 ක භූමිකම්පාවක්; මිය ගිය සංඛ්‍යාව 56 දක්වා ඉහළට

error: Content is protected !!
error: Content is protected !!