BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

Bldtna ප්‍රධාන කතෘ ඝාතනයට සැකපිට 10 දෙනෙකු අත්අඩංගුවට!

ඊශ්‍රායලයේ මාධ්‍ය මර්දනය සහ මනුෂ්‍ය ඝාතන රැල්ලක් නිර්මාණය වෙමින් පවතින බවට චෝදනාවක්..

ඊශ්‍රායලයේ මාධ්‍ය ආයතනයක් වන Bldtna හි ප්‍රධාන කතෘ නිදාල් අග්බරියා නම් මාධ්‍යවේදියා මහමඟ වෙඩි තබා ඝාතනය කළ පුවත අප ඔබට වාර්තා කළේ ඉකුත් සැප්තැම්බර් 07 වන දින ය.

මේ වන විට මෙම ඝාතනයට අදාළව සැකකරුවන් දහ දෙනෙකු අත්අඩංගුවට ගෙන ඇති බවයි වාර්තා වෙන්නේ.

ඉකුත් සතිය තුළ සැකකරුවන් සිව් දෙනෙකු පොලිස් අත්අඩංගුවට ගෙන ඇති අතර, ඊයේ (26) දින වන විට තවත් සැකකරුවන් සය දෙනෙකු අත්අඩංගුවට ගෙන ඇත.

සැප්තැම්බර් 04 වන දින සිදුවූ මෙම ඝාතනය හමුවේ ඊශ්‍රායල පොලීසිය කටයුතු කළ අන්දම පිළිබඳ බොහෝ විවේචන එල්ල වූ අතර, ඊශ්‍රායලයේ මනුෂ්‍ය ඝාතන රැල්ල හමුවේ බලධාරීන් නිහඬ පිළිවෙතක් අනුගමනය කරන බවට මාධ්‍ය ප්‍රජාව මඟින් එල්ල වී තිබිණි.

නිදාල්ගේ පවුලේ සාමාජිකයන්ට ශෝකය පළකරමින් සිදුවීමෙන් කැළඹීමට පත් ඊශ්‍රායල මාධ්‍ය ප්‍රජාව පොලීසියට චෝදනා කළේ නිදාල් ගේ ඝාතනය වළක්වා ගැනීමට පොලීසිය අසමත් වූවා පමණක් නොව ඔහුගේ ඝාතකයන් අත්අඩංගුවට ගැනීමට පොලීසියට උනන්දුවක් ද නොමැති බවයි. ඒ වෙනුවට ඔවුන් එම ඝාතනය සිදුව ඇති ස්ථානයට විත් ඡායාරූප ගනිමින් කාලය ගත කරන බව ඔවුන් විසින් චෝදනා කර තිබිණි.

මෙම ඝාතනයට එරෙහිව ප්‍රභල ජන හඬක් සහ විරෝධතා මාලාවක් සංවිධානය කිරීමට ද ක්‍රියාකාරීන් කටයුතු කර තිබිණි.

ඡායාරූප: Ahmad Gharabli/AFP via Getty Images

සබැඳි පුවත්:


නිව් යොර්ක් ටයිම්ස් පුවත්පතට නරක දසාවක්?

පුටින් මේ සැරසෙන්නේ සාම සාකච්ඡා මුවාවෙන් තවත් ප්‍රහාරයකට ද?

රුසියාවට එරෙහි සම්බාධක උල්ලංඝනය කිරීමේ වරදට සමාගම්වලට දඩ පැනවීමට යුරෝපා සංගමයෙන් යෝජනාවක්!

රුසියා-යුක්‍රේන ගැටුම මැද වෙනස් වන තෙල් මිල!

වෙඩි උණ්ඩයට හිස නොනැමූ ඉම්රාන් යළි සටනට!

ඇෆ්ගනිස්ථානයේ පාසල් බෝම්බ ප්‍රහාරයකින් 15 දෙනෙකු මියගොස් 20 දෙනෙකුට තුවාල

‘කර්සෝන්’ අසරණ වෙයි!

ඉරානයේ රාජ්‍ය මර්දනය මැද එක්සත් ජාතීන් හමුවක් ඉල්ලයි – ඉරානය නිශ්ශබ්දයි!

error: Content is protected !!
error: Content is protected !!