BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

චීන – තායිවාන විරසකය උඩුදිව යයි. ජය ඇමරිකාවට?

අලි මදිවාට හරක් කියන්නාක් මෙන් රුසියානු - යුක්රේන යුද්ධය මැද තවත් යුද්ධයක්???

ඉකුත් දින එක්සත් ජනපදයේ නියෝජිත මන්ත්‍රී මණ්ඩලයේ කතානායිකා නැන්සි පෙලෝසි ආර්ථික සබඳතා ශක්තිමත් කරගැනීම උදෙසා තායිවානයේ සංචාරය කිරීමත් සමඟ කලාපයේ ඇතිවූ නොසන්සුන්කාරී තත්ත්වය මේ වන විට උඩුදිව ඇති බවට විදෙස් මාධ්‍ය වාර්තා කරයි.

චීනය පසුකර මෙසේ චීනයෙන් ස්වාධීන අසල්වාසී තායිවානය වෙත සංචාරය කිරීම හා එම රාජ්‍යය සමඟ සබඳතා ශක්තිමත් කර ගැනීම ගෝලීය ආර්ථිකය තුළ චීනයේ භූමිකාව බිඳ දැමීමට ඇමරිකාව දරන ප්‍රයද්නයක් බවයි ගෝලීය දේශපාලන විද්වතුන් පෙන්වා දෙන්නේ.

මෙමඟින් චීනය එක්සත් ජනපදය සමඟ තිබෙන විරසකය තවත් උත්සන්න වී ඇති අතරම, එය තායිවානය සමඟ ද දැන් ගොඩනැඟෙමින් පවතී. වරක රුසියානු ජනපති ව්ලැදිමිර් පුටින් මෙම තත්ත්වය හැඳින්වූයේ යුරෝපා රටවල් විසින් සෝවියට් දේශයට එරෙහිව පිහිටුවා ගත් නේටෝ සංවිධානය මෙන් තවත් යුධ එකමුතුවක් චීනයට විරුද්ධව ආසියා පැසිෆික් කලාපයේ පිහිටුවා ගැනීමට එක්සත් ජනපදය විසින් දරන වෑයමක් බවයි.

මේ අතර, තායිවානයේ ආරක්ෂක අමාත්‍යංශය විසින් අනතුරු ඇඟවීමක් නිකුත් කරමින් ප්‍රකාශ කර තිබෙන්නේ, චීනය එක්සත් ජනපදයේ නාවික හමුදාවේ නැව්වලට ප්‍රහාර දියත් කිරීමේ සූදානමක සිටින බවත්, යුධ තත්ත්වයකදී තායිවානයට යුධ ආධාර ලබාදීම සඳහා විදෙස් රටවල් තායිවානය වෙත පැමිණීම වැළැක්වීම සඳහා ක්‍රියාන්විතයක නිරත වෙමින් සිටින බවත් ය.

එක්සත් ජනපදය තායිවානය සමඟ පවත්වා ගන්නා සබඳතාවය කලාපයේ ස්වෛරීභාවයට සිදුකරන බරපතල හානියක් බවට විශ්වාස කරන චීනය, තවමත් චීන පරිපාලනයෙන් ස්වාධීනව සහ ප්‍රජාතන්ත්‍රාවාදීව පාලනය වන තායිවානය චීනයේ කොටසක් බවට විශ්වාස කරනු ලබයි.

ඒ අනුව, කලාපය තුළ හමුදා ක්‍රියාන්විතයන් දියත් කිරීමට චීනය විසින් කටයුතු කරමින් සිටින බවයි විදෙස් මාධ්‍ය වාර්තා කරන්නේ.

රොයිටර් පුවත් සේවය වාර්තා කරන අන්දමට, තායිවානයේ ආරක්ෂක අමාත්‍යංශය එරට පාර්ලිමේන්තුවට වාර්තාවක් නිකුත් කරමින් පවසා ඇත්තේ, චීනය තායිවානයට ප්‍රහාරයක් දියත් කිරීම සඳහා සිය සන්නද්ධ බලකා සූදානම් කරමින් සිටින බවයි. ජපානයේ සිට තායිවානය, පිලිපීනය හරහා බෝර්නියෝ දක්වා චීනයේ වෙරළබඩ මුහුදු කලාපය වටකරමින් දිවෙන පළමු දූපත් දාමය ඉලක්කකරමින් මෙම ප්‍රහාරය දියත් කිරීමට චීනය සැරසෙන බව එම වාර්තාවේ දැක්වෙන බවයි රොයිටර් පුවත් සේවය වාර්තා කරන්නේ.

මෙහි පළමු පියවරක් ලෙස එක්සත් ජනපද නෞකා වලට ප්‍රහාර දියත් කිරීමට චීනය සූදානමින් සිටින බවට තායිවාන ආරක්ෂක අමාත්‍යංශය වැඩිදුරටත් කරුණු දක්වයි.

එක්සත් ජනපදය නිසා චීනය සහ තායිවානය අතර මතුව ඇති මෙම මතභේදාත්මක තත්ත්වය දිගටම පැවතුනහොත් රුසියාව – යුක්රේනය ආක්‍රමණය කිරීම හා සමාන සිදුවීමකින් ම එය අවසාන වනු ඇති බවත්, එය දැනටමත් යුක්රේන ආක්‍රමණය නිසා ලොව මතුව ඇති ආහාර, බලශක්ති හා ආර්ථික අර්බුදය හිනිපෙත්තකට යැවීමක් වනු ඇති බවත් ගෝලීය දේශපාලන විද්වත්හු බිය පළකරති.

ඡායාරූප: විවේකනන්ද ඉන්ටනැෂනල් ෆවුන්ඩේෂන්


ඉන්දියාවේ මඟින් පටවාගත් ලොරියක් පෙරලීමෙන් 26 දෙනෙකු මරුට

ජාත්‍යන්තර පරමාණුක බලශක්ති ඒජන්සිය ලබන සතියේ රුසියාව සහ යුක්රේනය බලා සංචාරයක!

ලයිමන් නගරයත් අපි මුදවා ගත්තා: යුක්රේනය

130 කට ආසන්න පිරිසකට මරු කැඳවූ ඉන්දුනීසියාවේ පාපන්දු වියරුව!

කාබුල් අගනුවර අධ්‍යාපන මධ්‍යස්ථානයක පිපිරීමක්

සෝමාලියාවේ හමුදා කඳවුරක මරාගෙන මැරෙන බෝම්බ ප්‍රහාරයක්!

මගෙ සල්ලි කෝ? ටේබල් ටෙනිස් සූරිය අසන්නීය

රුසියානුවෙක් වෙන්න අපේ හමුදාවට එන්න – විදේශිකයන්ට පුටින්ගෙන් ඇරයුම්

error: Content is protected !!
error: Content is protected !!