BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

බියගන්වන සුළු දේශපාලන අනාවැකි කී ද සිම්ප්සන්ස් ගේ තවත් අනාවැකියක් සනාථ වෙලා!

ද සිම්ප්සන්ස් කතාමාලාව විසින් සිදුකළේ යැයි කියවෙන පුරෝකථන රාශියකි. ඒ පිළිබඳ වෙනමම ලිපියකින් කතා කළ යුතුය. ඇතැමුන් ප්‍රකාශ කරන්නේ මෙම සිදුවීම් හුදෙක් අහඹු සිදුවීම් මිස පුරෝකථන නොවන බවයි.

ඇමරිකානු සිට්කොම් කාටූන කතාමාලාවක් වන ද සිම්ප්සන්ස් (The Simpsons) වඩාත් ජනප්‍රිය වන්නේ ඇමරිකානු ජීවිතය, දේශපාලනය ඇතුළු විවිධ සිදුවීම් හාස්‍යයට බඳුන් කරමින් ඉදිරිපත් කරනු ලබන සමාජ කියවීමක් එම කතාමාලාව තුළ ගැබ්ව ඇති නිසාවෙනි.

කතාමාලාවේ ප්‍රධාන චරිත වන්නේ සිම්ප්සන් පවුලේ සාමාජිකයින් ය. හෝමර්, මාර්ජ්, බාර්ට්, ලීසා සහ මැගී යන එම සිම්ප්සන්වරු ස්ප්‍රිංෆීල්ඩ් නම් මන:කල්පිත නගරයේ ජීවත් වෙමින් ඇමරිකානු ජීවිතය කියවීමට ලක්කරනු ලබති.

ද සිම්ප්සන්ස් කතාමාලාව තුළ ඉදිරිපත් වන්නේ හාස්‍යය මුත් ප්‍රභල දේශපාලන විචාරයක් ඒ තුළින් ප්‍රේක්ෂකයින් වෙත ඉදිරිපත් කරන බවට ඇතැමුන් ගේ මතයයි.

මීට හේතුව එක්සත් ජනපද සංස්කෘතිය තුළ හටගන්නා විවිධ සිදුවීම්, ඇතැම්විට ප්‍රසිද්ධියේ ආමන්ත්‍රණය නොකරන කතාබහ, ද සිම්ප්සන්ස් ඔස්සේ ප්‍රදර්ශනය කිරීමයි.

මෙම හේතුව නිසා ද සිම්ප්සන්ස් යනු කුඩා දරුවන්ට නැරඹීමට නසුදුසු කතාමාලාවක් ය යන නිගමනය ඇතුව වෙනිසියුලාව වැනි රටවල ප්‍රදර්ශනය පවා තහනම් කර තිබේ.

ආන්දෝලනාත්මක තිරපිටුපස සිදුවීම් රැසක් රැගත් ද සිම්ප්සන්ස් කතාමාලාව ජනප්‍රිය වීමට බලපෑ තවත් හේතුවක් තිබේ. එනම් ද සිම්ප්සන්ස් කතාමාලාව තුළ සිදුකළේ යැයි කියන ඇතැම් සමාජ පුරෝකථන යතාර්ථයක් බවට පත්ව තිබීමයි.

මෑතදී කතාබහට ලක්වූ එවන් ද සිම්ප්සන් පුරෝකථනයක් වූයේ බයිඩන්-හැරිස් ප්‍රමුඛ නව ඇමරිකානු රජයේ පදවි ප්‍රාප්තියයි!

2020 ජනාධිපතිවරණයෙන් ජෝ බයිඩන් හමුවේ හිටපු ජනපති ඩොනල්ඩ් ට්‍රම්ප් පරාජයට පත්විය. ඉකුත් ජනවාරි 20 වන දින ජෝ බයිඩන් මහතා එක්සත් ජනපදයේ 46 වන විධායක ජනාධිපති ලෙස දිව්රුම් දුන්නේ ය. කමලා හැරිස් මහත්මිය උප ජනාධිපතිනිය ලෙස දිව්රුම් දුන්නාය.

ද සිම්ප්සන්ස් කතාමාලාවේ එපිසෝඩ නිර්මාණකරුවකු වන ඩේවිඩ් සිල්වර්මන්ට අනුව ජෝ බයිඩන් මහතා සහ කමලා හැරිස් මහත්මිය ඇමරිකාවේ ජනාධිපති සහ උප ජනාධිපතිනිය වන බවට ද සිම්ප්සන්ස් කතාමාලාව විසින් 2019 වර්ෂයේදී පුරෝකථනය කොට තිබේ.

2019 වර්ෂයේ තිරගත වූ “West Wing Story” එපිසෝඩයේ ට්‍රම්ප් පළවා හැර බයිඩන්-හැරිස් පරිපාලනය ඇමරිකාවේ රජය බවට පත්වන බවට පෙන්වා ඇත.

මීට අමතරව ද සිම්ප්සන්ස් කතාමාලාවේ රසිකයින් පෙන්වා දී ඇත්තේ කමලා හැරිස් මහත්මිය ඇමරිකානු නව රජයේ පදවි ප්‍රාප්තිය දිනට හැඳ සිටි ඇඳුම ද සිම්ප්සන්ස් කතාමාලාව විසින් 2000 වර්ෂයේදී පුරෝකථනය කර තිබූ බවයි.

2000 වර්ෂයේ තිරගත වූ “Bart to the Future” නම් එපිසෝඩයේ ලීසා නම් සිම්ප්සන් චරිතය ඇමරිකාවේ ජනාධිපතිනිය බවට පත්වන අතර, එහිදී ලීසා හැඳ සිටින ඇඳුම වත්මන් උපජනාධිපතිනිය කමලා හැරිස් මහත්මිය පදවි ප්‍රාප්ති දින උත්සවයට හැඳ සිටි ඇඳුමට බොහෝසෙයින් සමාන බව රසිකයින් විසින් පෙන්වා දී ඇත.

.

ද සිම්ප්සන්ස් කතාමාලාව විසින් සිදුකළේ යැයි කියවෙන බියගන්වන සුළු පුරෝකථන

ද සිම්ප්සන්ස් කතාමාලාව විසින් සිදුකළේ යැයි කියවෙන පුරෝකථන රාශියකි. ඒ පිළිබඳ වෙනමම ලිපියකින් කතා කළ යුතුය. ඇතැමුන් ප්‍රකාශ කරන්නේ මෙම සිදුවීම් හුදෙක් අහඹු සිදුවීම් මිස පුරෝකථන නොවන බවයි. ඒ ආශ්‍රයෙන් සම්පාදනය වූ තොරතුරු නිවරද්‍යතාව (Fact Check) පිරික්සූ වාර්තා පවා පවතී.

කෙසේවෙතත්, ද සිම්ප්සන්ස් කතාමාලාව විසින් සිදුකළේ යැයි කියන ඉතාමත් තීරණාත්මක පුරෝකථන 4ක් දෙස අපි අවධානය යොමු කරමු.

.

සැප්තැම්බර් 11 ජන සංහාරය

ඉහත දසුන ඇතුලත් වනුයේ 1997 වසරේ තිරගත වූ එපිසෝඩයක් වූ “The City of New York vs. Homer Simpson” හි ය. බැලූ බැල්මට කිසිදු විශේෂයක් නොපෙනෙන මුදු රෑපයේ දැක්වෙන සඟරාවේ නිව් යෝර්ක් වචන වලට පහලින් ඩොලර් 9 සහ ලෝක වෙළඳ මධ්‍යස්ථානයේ කුළුනු දෙක දක්වා ඇත්තේ 9 / 11 හැඟවෙන පරිදි ය.

ඔසාමා බින් ලාඩන් විසින් ලෝක වෙළඳ මධ්‍යස්ථානය ට ත්‍රස්ත ප්‍රහාරය එල්ල කරන ලද්දේ 2001 වර්ෂයේ සැප්තැම්බර් මස 11 වන දින යි!

.

ඩිස්නි සමාගම විසින් ෆොක්ස් සමාගම මිළදී ගැනීම

ඉහත පුරෝකථනය පෙන්වා දෙන ලද්දේ ඩැරන් රොවල් නම් ට්විටර් පරිශීලකයා විසිනි. 1998 වර්ෂයේදී තිරගත වූ “When You Dish Upon A Star” නම් ද සිම්ප්සන්ස් එපිසෝඩයෙන් යෝජනා කර ඇත්තේ වෝල්ට් ඩිස්නි සමාගම ට්වෙන්ටියත් සෙන්චරි ෆොක්ස් සමාගම මිළයට ගෙන ඇති බවයි.

ඩිස්නි සමාගම නිත්‍ය වශයෙන්ම ට්වෙන්ටියත් සෙන්චරි ෆොක්ස් සමාගම මිළදී ගන්නා බවට ප්‍රවෘත්තිය පළවූයේ 2017 වර්ෂයේදීය. 2019 වර්ෂයේදී එය සිදුවිය!

.

ඩොනල්ඩ් ට්‍රම්ප් ඇමරිකාවේ ජනාධිපති වීම

2000 වර්ෂයේ තිරගත වූ “Bart to the Future” නම් එපිසෝඩයේ ලීසා නම් සිම්ප්සන් චරිතය ඇමරිකාවේ ජනාධිපතිනිය බවට පත්වන අතර, එහිදී ඩොනල්ඩ් ට්‍රම්ප් ඇමරිකාවේ හිටපු ජනාධිපතිවරයකු බවට ඉඟි කරනු ලබයි.

2016 වර්ෂයේදී සැබවින්ම ඩොනල්ඩ් ට්‍රම්ප් මහතා ඇමරිකාවේ 45 වන ජනාධිපති බවට පත්විය.

.

හිග්ස් බෝසෝන් අංශුව සොයා ගැනීම

හිග්ස් බෝසෝන් අංශුව ක්වොන්ටම් භෞතික විද්‍යාවේ අද්විතීය සොයාගැනීමකි. අංශු භෞතික විද්‍යාවේ සම්මත ආකෘතියේ මූලික අංශුවක් ලෙස සැලකෙන හිග්ස් බෝසෝන් අංශුව විද්‍යාඥයින් විසින් සොයාගනු ලැබුවේ 2012 වර්ෂයේදී පමණ ය.

කෙසේවෙතත්, ද සිම්ප්සන්ස් කතාමාලාවේ 1998 වර්ෂයේ තිරගත වූ “The Wizard of Evergreen Terrace” නම් එපිසෝඩයේ දී හෝමර් සිම්ප්සන් විසින් හිග්ස් බොසෝන් අංශුව ගණිතමය සූත්‍රයක් ඔස්සේ පෙන්වා දෙන අයුරු දැක්වෙයි.

1989 වර්ෂයේ සිට වර්තමානය දක්වා දිවෙන ද සිම්ප්සන්ස් නම් කතාමාලාවේ කලින් කලට පෙන්වන මෙම දසුන් සැබවින්ම පුරෝකථන ද? නැතහොත් හුදෙක් රසික න්‍යායාචාරවරුන්ගේ මනස්ගාත ද? තීරණය ඔබ සතුය.


ප්‍රංශයේ හිටපු ජනාධිපති නිකොලස් සාර්කෝසිට වසර 3ක සිර දඬුවමක් නියම වෙ​යි

Attenborough’s Life In Colour: ඩේවිඩ් ඇටෙන්බරෝ දේශගුණික විපර්යාසයේ අඳුරු යථාර්ථය අතහැර පෘථිවියේ සුන්දරත්වය සොයා යයි

දරුවන්ට ශාරීරික දඬුවම් පැනවීම තහනම් කරමින් පනතක් පාකිස්තානයෙන්!

2021 ගොල්ඩන් ග්ලොබ් සම්මාන උළෙල ඔන්ලයින් තාක්ෂණයෙන්!

මියන්මාර හමුදා කුමන්ත්‍රණය: මරණය කලින් දුටු ඉන්ජිනේරුවා

කෂෝගි ඝාතනයේ නොකී කතාව – The Dissident වාර්තා චිත්‍රපටයේ අධ්‍යක්ෂවරයා කතා කරයි

‘නිහඬ සර්පයා‘: වසර 22 ක් නිදැල්ලේ සිටි ස්ත්‍රී දූෂණ සැකකරුවා

ඇමරිකානු සමානාත්මතා පනතට නියෝජිත මන්ත්‍රී මණ්ඩලයේ අනුමැතිය!

error: Content is protected !!
error: Content is protected !!