රට තුළ පැවති තිස් අවුරුදු යුද්ධය නිම වුණා යැයි අපේ රටේ දේශ පාලකයෝද ජනතාවගෙන් බහුතරයකද කිරිබත් කා සතුටූ වී විසිර ගොස් මේ වන විට වසර ගණණාවක් ගත වී ඇත.
එහෙත් එදා මෙන්ම අදත් ඒ යුද්ධය නිසා වැඩිපුර පීඩනයට පත් වූවෝ තවමත් දුක් විදිති. කදුළු හා අහිමිවීම් සමග ජීවත් වෙති. කිසිවක් සිදු නොවූ ගාණට බල පොරයට හසු වී සැබෑ ජනතා ප්රශ්න අමතක කර දේශ පාලන පොරපිටියේ කුලල් කා ගන්නා දේශ පාලකයන්ද … වැරදි බව දැන දැන සිය සැබෑ ප්රශ්න අමතක කර ලොක්කෝ කුලල් කා ගන්නට හේතුව පවා අවබෝධ නොකර ජනතාව වන අපද උන්ටම ආවඩමින් සිටිමු.
”ද ගාඩියන්” පුවත් පත පසුගියදා ශ්රි ලංකාව තුළ යුධ සමයේ වැළලූ බිමි බෝම්බ ඉවත් කරන කාන්තාවන් යන උද්ධෘතයෙන් ඡායාරූප විශේෂාංගයක් පළ කර තිබුණි.
බිම්බෝම්බ ඉවත් කිරීම පිළිබදව ජාත්යන්තර සංවිධානයක් වන Halo Trust සමග කටයුත් කරන සේවකයන්ගෙන් සියයට 50%ක් කාන්තාවන්ය. ඔවුන්ගෙන් බොහොමයක් යුද්ධය නිසා වැන්දඹු වූවන්ය. එනම් එදත් අදත් ඔවුන් යුද්ධයේ දඩුවම් විදින්නන්ය.
මේ අපේ රටයි. අපේම රටේ කාන්තාවන් සිය ජීවිත පරදුවට තබා කටුයුතු කරන අයුරු ඔවුන් සිය ඡායාරූප මගින් ජාත්යන්තරයට රැගෙන ගොස් තිබුණේ මෙසේය.