ජාත්යන්තර මුදවා ගැනීමේ කොමිසමට (IRC) ට අනුව එළඹෙන වසර ලොව මිලියන ගණනින් මිනිසුන් යුද්ධය, නියග, දුර්භික්ෂ සහ විවිධ ව්යසනයන්ට ගොදුරු වන තවත් වසරකි.
ඒ අනුව ලබන වසරේ වැඩිම මිනිස් ව්යසනයන් ගණනාවක් සිදු වනු ඇතැයි සිතන රටවල් 10ක් IRC මගින් ප්රකාශයට පත්කර ඇති අතර එම රටවල් ලයිස්තුවේ ඉදිරියෙන්ම සිටින්නේ යේමනය, කොංගෝ ජනරජය, දකුණු සුඩානය යන රටවල් ත්රිත්වයයි. ඉතිරි රටවල් 7 වන්නේ ඇෆ්ගනිස්ථානය, වෙනිසියුලාව, මධ්යම අප්රිකානු ජනරජය, සිරියාව, නයිජීරියාව, ඉතියෝපියාව සහ සෝමාලියාවයි.
ජාත්යන්තර මුදවාගැනීමේ කොමිසම ට අනුව මෙම රටවල් මානව ක්රියාකරකම් එනම් යුද්ධ සහ ආර්ථික අර්බුද හේතුවෙන් මෙන්ම ස්වභාවිත ව්යසන එනම් දැඩි නියඟයන්, ගංවතුර සහ දේශ ගුණික විපර්යාසයේ අංගයන් හේතුවෙන් සිදු විය හැකිය.
ලෝකයේ මේ වන විටත් මිලියන 40කට වැඩි පුද්ගලයින් සංඛ්යාවක් අභ්යන්තරව අවතැන් බවට පත්ව ඇත. ඉන් මිලියන 22 ඉහත සඳහන් කළ රටවල් වල ජීවත් වූ පුද්ගලයන්ය. ලෝකයේ සමස්ථ සරණාගතයින් ප්රතිශතයක් ලෙස ගත් විට ඉන් 65%ක් ඉහත රටවල් වලින් බිහිවී ඇත. ආර්ථික අර්බුද හේතුවෙන් වෙනිසියුලාව හැර ගිය සංඛ්යාව මිලියන 3ක් වේ.
එක්සත් ජාතීන් ගේ සංවිධානයට අනුව 2019 වසර වන විට ලෝකයේ රටවල් 42 ක පුද්ගලයින් මිලියන 132කට ආරක්ෂාවද ඇතුළු මානුෂීය ආධාර අවශ්ය වන්නේය.
පහත දැක්වෙන ඡායාරූප ජාත්යන්තර මුදා ගැනීමේ කොමිසම විසින් නිකුත් කළ වාර්තා සමග ඉදිරිපත් කර තිබේ.