BORDERS MAY DIVIDE US, BUT HOPE WILL UNITE US.
මායිම් අප වෙන් කළ ද, බලාපොරොත්තුව අප එක්කරයි.

ට්‍රම්ප්ගේ දෝෂාභියෝග විභාගය 4 වැනි දිනයටත් !

ඇමරිකාවේ හිටපු ජනාධිපති ඩොනල්ඩ් ට්‍රම්ප්ට එරෙහිව පැවැත්වෙන සෙනෙට් නඩු විභාගය සිව්වැනි දිනයටත් ළඟා වී ඇත.

සිව්වැනි දිනය පුරාම සෙනෙට් සභිකයන් ඔහුගෙන් නොකඩවා ප්‍රශ්න කළ අතර, ට්‍රම්ප්ගේ නීතීඥයන් දිගින් දිගටම උත්සාහ කළේ ‘භාෂණයේ නිදහස‘ යටතේ ට්‍රම්ප් කී දෑ සාධාරණීකරණය කරන්නට ය.

තවද ඔහුගේ නීතීඥයෝ 1969 වසරේ ‘බ්‍රැන්ඩන්බර්ග් නඩු විභාගය‘ උපුටා දැක්වීමට ද උත්සුක වූහ. එම ඇමරිකානු ශ්‍රේෂ්ඨාධිකරණ නඩු තීන්දුවේ සඳහන් වන්නේ ප්‍රචණ්ඩකාරී ලෙස හැසිරෙන මිනිසුන් ‘සුවිශේෂී වචන‘ මගින් එම ප්‍රචණ්ඩත්වය විදහා දැක්විය යුතු බව ය. නමුත් පැරණි නඩු තීන්දුවක් වන මෙය මගින්, වත්මන් තත්වය නිරූපණය නොවන බව ප්‍රතිපක්ෂයේ තර්කය විය.

සාක්ෂි වෙනස් කරන බවත්, සාක්ෂි මෙහෙයවීම පක්ෂග්‍රාහී ලෙස සිදුකරන බවටත් ට්‍රම්ප්ගේ නීතීඥවරුන්ගෙන් තවත් චෝදනාවක් එල්ල වේ.

කෙසේ නමුත් මෙම විරෝධතාවලට විශාල ප්‍රතිරෝධයක් එල්ල වූ අතර, සෙනෙට් සභික වොරන් වැනි අය පෙන්වා දුන්නේ විත්තියේ කරුණු දැක්වීම අතිශය දුර්වල බවයි.

මෙම විභාගයේදී ඇමරිකානු කොංග්‍රස් බිල්ඩිම හෙවත් කැපිටල් හිල් වෙත 2021 ජනවාරි 6 වැනිදා ප්‍රහාරකයන් කඩා වැදුණු ආකාරය දැක්වෙන වීඩියෝවක් ද ප්‍රදර්ශනය කෙරිණි. එය චිත්තවේගී අවස්ථාවක් ද විය.

මෙය ඔහු ලක් වන දෙවැනි දෝෂාභියෝගය වේ. ට්‍රම්ප් පළමුවරට 2020 වසරේදී දෝෂාභියෝගයට ලක් කළ නමුත් එය සාර්ථක වූයේ නැත.

මේ වන විට සෙනෙට් සභිකයන් විසින් ට්‍රම්ප්ගෙන් ප්‍රශ්න ඇසීම අවසන් කර ඇති අතර, විශ්වාස කෙරෙන්නේ ඉක්මනින්ම මෙම විභාගයේ ප්‍රතිඵලය හෝ තීන්දුව ලබාදීමට හැකි වනු ඇති බවයි.

විත්තිය වෙනුවෙන් පැය 16 ක කාලයක් ලබාදී තිබියදීත් ට්‍රම්ප්ගේ නීතීඥයන් එය පැය 4 ක කාලයකින් අවසන් කිරීම, බොහෝ දෙනෙකු විස්තර කරන්නේ, ‘‘ඔවුන්ට කියන්න දෙයක් නෑ..‘‘ යනුවෙනි.

 


ප්‍රංශයේ හිටපු ජනාධිපති නිකොලස් සාර්කෝසිට වසර 3ක සිර දඬුවමක් නියම වෙ​යි

Attenborough’s Life In Colour: ඩේවිඩ් ඇටෙන්බරෝ දේශගුණික විපර්යාසයේ අඳුරු යථාර්ථය අතහැර පෘථිවියේ සුන්දරත්වය සොයා යයි

දරුවන්ට ශාරීරික දඬුවම් පැනවීම තහනම් කරමින් පනතක් පාකිස්තානයෙන්!

2021 ගොල්ඩන් ග්ලොබ් සම්මාන උළෙල ඔන්ලයින් තාක්ෂණයෙන්!

මියන්මාර හමුදා කුමන්ත්‍රණය: මරණය කලින් දුටු ඉන්ජිනේරුවා

කුකුල් හිමියා කුකුල් පොරයෙන් මරුට – පොර කුකුළා පොලීසියේ

කෂෝගි ඝාතනයේ නොකී කතාව – The Dissident වාර්තා චිත්‍රපටයේ අධ්‍යක්ෂවරයා කතා කරයි

‘නිහඬ සර්පයා‘: වසර 22 ක් නිදැල්ලේ සිටි ස්ත්‍රී දූෂණ සැකකරුවා

error: Content is protected !!
error: Content is protected !!